நலம் காக்கும் ஸ்டாலின் இலவச மருத்துவ முகாம்

ஊத்துக்கோட்டை: கச்சூர் கிராமத்தில் நடந்த 'நலம் தரும் ஸ்டாலின்' இலவச மருத்துவ முகாமில், 2,000க்கும் மேற்பட்டோர் பங்கேற்றனர். ஊத்துக்கோட்டை அடுத்த கச்சூர் கிராமத்தில், தமிழக அரசின் 'நலம் காக்கும் ஸ்டாலின்' மருத்துவ முகாம் நடந்தது. மாவட்ட மருத்துவ அலுவலர் பிரியா தலைமையில் முகாம் நடந்தது. கும்மிடிப்பூண்டி தி.மு.க., - எம்.எல்.ஏ., கோவிந்தராஜன், முகாமை துவக்கி வைத்தார். இதில், பொது மருத்துவம், கண், ஸ்கேன், காச நோய் உள்ளிட்ட, 17 வகை நோய்களுக்கான மருத்துவ சோதனை நடந்தது. கச்சூர், சீத்தஞ்சேரி, பெரிஞ்சேரி, போந்தவாக்கம், ஊத்துக்கோட்டை மற்றும் சுற்றியுள்ள கிராமங்களில் இருந்து, 2,000க்கும் மேற்பட்டோர் பங்கேற்று சிகிச்சை பெற்றனர்.