மாற்றுத்திறனாளிகள் முகாம்: 42 பேருக்கு ஐ.டி. கார்டு

திருப்பூர்: மாற்றுத்திறனாளிகள் தேசிய அடையாள அட்டை பெறுவதற்காக, மாவட்ட அளவிலான மருத்துவ பரிசோதனை முகாம், திருப்பூர் கலெக்டர் அலுவலக கூட்டரங்கில் நேற்று நடந்தது. மாவட்ட மாற்றுத்திறனாளிகள் நல அலுவலர் சரவணகுமார் துவக்கி வைத்தார். கண், காது, மூக்கு, தொண்டை, மனநலம், எலும்புமுறிவு, நரம்பியல் மருத்துவர்கள் பங்கேற்று, மாற்றுத்திறனாளிகளின் உடல் பாதிப்புகளை பரிசோதித்து சான்றிதழ் வழங்கினர். மருத்துவ சான்று மற்றும் ஆவணங்கள் இணைக்கப்பட்டு, 'ஆன்லைன்' வாயிலாக தேசிய அடையாள அட்டைக்காக விண்ணப்பிக்கப்பட்டது. முகாமில் பங்கேற்ற, 42 பேருக்கு மருத்துவ பரிசோதனை மேற்கொள்ளப்பட்டு, அடையாள அட்டைக்கு பதிவு செய்யப்பட்டது.