காடு அனுமந்தராயர் கோவில் அறங்காவலர்கள் தேர்வு

திருப்பூர்: தாராபுரம், காடு அனுமந்தராயர் சுவாமி கோவிலில் அறங்காவலர் குழு பொறுப்பேற்றது. கோவில் அறங்காவலர்களாக குருராஜன், பிந்துமாதவன், குருபிரசாத் ஆகியோர் பதவியேற்றனர். பின், அறங்காவலர் குழு தலைவர் பதவிக்கு நடந்த, ஓட்டுச்சீட்டு முறை தேர்தலில், குருராஜன் போட்டியிட்டார். அவரது ஓட்டு உட்பட, எஞ்சிய இரு உறுப்பினர்களும் அவருக்கே ஓட்டளிக்க, அறங்காவலர் குழு தலைவராக குருராஜன் தேர்ந்தெடுக்கப்பட்டார். திருப்பூர் மாவட்ட அற நிலையத்துறை உதவி கமிஷனர் தமிழ்வாணன் முன்னிலையில், தேர்தல் நடந்தது. அறங்காவலர் குழு தலைவர் மற்றும் புதிய அறங்காவலர்களுக்கு திருப்பூர் உதவி கமிஷனர் தமிழ்வாணன், தாராபுரம் சரக ஆய்வாளர் கீதா, செயல் அலுவலர் மல்லிகா, கோவில் பணியாளர்கள் மற்றும் அர்ச்சகர்கள் வாழ்த்து தெரிவித்தனர்.