ரோடு விரிவாக்க பணியின் தரம் அலுவலர்கள் ஆய்வு  

உடுமலை: செஞ்சேரிமலை ரோடு விரிவாக்கப்பணிகளை, நெடுஞ்சாலைத்துறை தரக்கட்டுப்பாட்டு அலுவலர்கள் ஆய்வு செய்தனர். உடுமலை - செஞ்சேரிமலை ரோடு, குறிஞ்சேரி முதல் புக்குளம் கிராமம் வரை இருவழித்தடமாக உள்ளது. குறுகலான ரோட்டில், சில பகுதிகள் சேதமடைந்து வாகன ஓட்டுநர்கள் பாதித்து வந்தனர். அப்பகுதியை சி.ஆர்.ஐ.டி.பி., திட்டத்தின் கீழ், ரூ. 2.25 கோடி நிதி ஒதுக்கீடு செய்யப்பட்டது. ரோடு விரிவாக்க பணிகள் நெடுஞ்சாலைத்துறை உடுமலை உட்கோட்டத்தால் மேற்கொள்ளப்பட்டு வருகிறது. இப்பணிகளை நெடுஞ்சாலைத்துறை தரக்கட்டுப்பாட்டு உதவி கோட்ட பொறியாளர் கணேசன், உதவி பொறியாளர் அழகுராஜ் உள்ளிட்டோர் நேற்று ஆய்வு செய்தனர். அங்கு, மண் இருகிய தன்மை மற்றும் சரளை கற்களையுடைய விகிதாசரம் உள்ளிட்டவை ஆய்வு செய்யப்பட்டது. உதவிக்கோட்ட பொறியாளர் ராமுவேல், உதவி பொறியாளர் லோகேஸ்வரன் உடனிருந்தனர்.