விழுப்புரம் வள்ளலார் மாளிகையில் 49 நாட்கள் தொடர் அன்னதானம்: எம்.எல்.ஏ., துவக்கி வைப்பு

விழுப்புரம்: விழுப்புரம் வள்ளலார் அருள் மாளிகையில் தி.மு.க., சார்பில் 49 நாட்கள் தொடர் அன்னதான நிகழ்ச்சி துவங்கியது. விழுப்புரம் மத்திய மாவட்ட தி.மு.க., சார்பில், துணை முதல்வர் உதயநிதியின் 49வது பிறந்தநாள் விழாவை முன்னிட்டு, விழுப்புரம் கிழக்கு பாண்டி ரோடு, வள்ளலார் அருள் மாளிகையில், 49 நாட்கள் தொடர் அன்னதானம் நிகழ்ச்சி நேற்று தொடங்கி வைக்கப்பட்டது. துணை முதல்வர் பிறந்த நாளையொட்டி சிறப்பு வழிபாடு நடந்தது. மத்திய மாவட்ட பொறுப்பாளர் லட்சுமணன் எம்.எல்.ஏ., தொடர் அன்னதான நிகழ்வை துவக்கி வைத்து, பொதுமக்களுக்கு மதிய உணவு பரிமாறினார். இந்துசமய அறநிலையத்துறை இணை ஆணையர் சிவலிங்கம் மற்றும் அலுவலர்கள், தி.மு.க., மாவட்ட பொறுப்புக்குழு உறுப்பினர்கள் ஜனகராஜ், வழக்கறிஞர் கண்ணப்பன், நகர செயலாளர்கள் சக்கரை, வெற்றிவேல். ஒன்றிய செயலாளர்கள் தெய்வசிகாமணி, பிரபாகரன், கப்பூர் ராஜா, பேரூராட்சி செயலாளர் ஜீவா, பொதுக்குழு உறுப்பினர்கள் பஞ்சநாதன், சம்பத், நகர மன்ற தலைவர் தமிழ்ச்செல்வி பிரபு, கோலியனுார் ஒன்றிய சேர்மன் சச்சிதானந்தம் மற்றும் மாவட்ட, ஒன்றிய, நகர நிர்வாகிகள் பலர் பங்கேற்றனர்.