ஆமை வேக சாலை பணிகளால் ஜமீன்கொல்லங்கொண்டானில் சிரமம்

தளவாய்புரம்: தளவாய்புரம் அருகே நான்கு மாதங்களாக ஆமை வேகத்தில் நடந்து வரும் சாலை பணிகளால் கால்நடை மருத்துவமனை, குடியிருப்புகளுக்கு செல்லும் மக்கள் சிரமத்திற்கு உள்ளாகி வருகின்றனர். தளவாய்புரம் அருகே ஜமீன் கொல்லங் கொண்டான் ஊராட்சியில் இந்திரா காலனியில் கால்நடை மருத்துவமனை, அங்கன்வாடி மையம், பயிர்களை உலர்த்தும் களம் ஆகியவை உள்ளன. இப்பகுதி குடியிருப்பு வாசிகள் அடிப்படை வசதியான சாலை கழிவுநீர், வாறுகால் வசதி குறித்து கோரிக்கை விடுத்து வந்தனர். இதனை அடுத்து 2022 ஊராட்சி ஒன்றிய பொது நிதியில் இருந்து ரூ.9.99 லட்சம் செலவில் சாலை அமைக்கும் பணிகளுக்கு நிதி ஒதுக்கீடு செய்யப்பட்டது. இதற்கான பணிகள் கடந்த 8 மாதங்களுக்கு பின் தாமதமாக தொடங்கி ஜல்லி கற்களுடன் நிற்கிறது. தற்போதைய மழையால் இதில் கலந்துள்ள சிமெண்ட் கலவை கரைந்து ஜல்லிக்கட்டில் மட்டும் நிற்கிறது. பணிகள் கிடப்பில் போடப்பட்டுள்ளதால் அங்கன்வாடிக்கு செல்லும் குழந்தைகள் கால்நடை மருத்துவமனைக்கு செல்பவர்கள், குடியிருப்பு வாசிகள், டூவீலர் வாகனங்களில் தடுமாற்றத்திற்கு உள்ளாகி வருகின்றனர். பணிகளை விரைந்து முடித்து செயல்பாட்டிற்கு கொண்டு வரவேண்டும் என குடியிருப்பு வாசிகள் கோரிக்கை விடுத்துள்ளனர்.