டிச.2, 3ல் வீடுகளுக்கே  ரேஷன் வினியோகம்

விருதுநகர்: விருதுநகரில் டிச.2, 3 ஆகிய நாட்களில் தாயுமானவர் திட்டத்தில் வீடுகளுக்கே ரேஷன் வினியோகம் செய்யப்படும். ரேஷனில் பொருட்கள் வாங்க முடியாதமாற்றுத்திறனாளிகள், முதியவர்களுக்கு அவர்களின் வீடுகளுக்கே அத்தியாவசியப் பொருட்களை நேரடியாக சென்று வழங்கும் வகையில் முதல்வரின் தாயுமானவர் திட்டத்தை தமிழக அரசு செயல்படுத்தி வருகிறது. மாவட்டத்தில் முதல்வரின் தாயுமானவர் திட்டத்தின் கீழ் டிச.2, 3 (செவ்வாய், புதன் கிழமை) ஆகிய நாட்களில் பயனாளிகளின் வீடுகளுக்கே சென்று ரேஷன் பொருட்கள் வினியோகம் செய்யப்படவுள்ளன. 65 வயதுக்கு மேற்பட்ட ரேஷன் கார்டுதாரர்கள், மாற்றுத்திறனாளி கார்டுதாரர்களுக்கு அரிசி, கோதுமை, பருப்பு, சமையல் எண்ணெய், சர்க்கரை உள்ளிட்ட அத்தியாவசியப் பொருட்களை அவர்களுடைய இல்லங்களுக்கே நேரில் சென்று அந்தந்த ரேஷன் கடை விற்பனையாளர்களால் விற்கப்படும் என கலெக்டர் சுகபுத்ரா தெரிவித்தார்.