சவேரியார் சர்ச் திருவிழா  கொடியேற்றம்

விருதுநகர்: விருதுநகர் பாண்டியன் நகர் சவேரியார் சர்ச் திருவிழா நேற்று மாலை கொடியேற்றத்துடன் துவங்கியது. டிச. 6 தேர் பவனி நடக்கிறது. நேற்று மாலை 6:00 மணிக்கு சிவகங்கை அமைதி இல்ல பாதிரியார் தாமஸ், பாண்டியன்நகர் பாதிரியார்கள் லாரன்ஸ், மரிய ஜான் பிராங்க்ளின், விருதுநகர் எஸ்.எப்.எஸ். பள்ளி முதல்வர் ஆரோக்கியம் முன்னிலையில் பிரான்சிஸ் சவேரியார் உருவம் பொறித்த கொடியை ஏற்றி வைத்து திருவிழாவை துவங்கி வைத்தார். இதை தொடர்ந்து நவநாள் திருப்பலியும் மறையுரையும் நடந்தது. 10 நாட்கள் நடக்கும் திருவிழாவில் தினசரி மாலை திருப்பலி, மறையுரை நடக்கிறது.முக்கிய நிகழ்வான9ம் நாள் டிச. 6 மிக்கேல் அதிதூதர், புனித லுார்து அன்னை, புனித பிரான்சிஸ் சவேரியார் திரு உருவ மின் அலங்கார தேர்பவனி நடக்கிறது. மறுநாள்கொடியிறக்கம் செய்யப்பட்டு திருவிழா நிறைவடைகிறது.