செங்கோட்டையன் அலுவலகத்தில் எம்.ஜி.ஆர்., - ஜெ., படங்களுடன் பேனர்

கோபி: அ.தி.மு.க., முன்னாள் அமைச்சர் செங்கோட்டையன், த.வெ.க.,வில் நேற்று முன்தினம் இணைந்தார். அவருக்கு, அக்கட்சியில் நிர்வாக குழு தலைமை ஒருங்கிணைப்பாளர், நான்கு மாவட்டங்களுக்கான அமைப்பு செயலர் ஆகிய இரு பதவிகள் வழங்கப்பட்டுள்ளன. இந்நிலையில், ஈரோடு மாவட்டம் கோபி அருகே கரட்டூரில் உள்ள அவரது அலுவலகம் முன், பழைய பேனர் அகற்றப்பட்டு, த.வெ.க., கட்சியின் புதிய பேனர் நேற்று வைக்கப்பட்டது. அதில், முன்னாள் முதல்வர்கள் அண்ணாதுரை, எம்.ஜி.ஆர்., ஜெயலலிதா ஆகியோர் படங்கள் இடம்பெற்றுள்ளன. மேலும், த.வெ.க., தலைவர் விஜய் படமும் உள்ளது. கட்சி மாறினாலும் பேனரில், எம்.ஜி.ஆர்., மற்றும் ஜெயலலிதா படம் இருப்பது, அ.தி.மு.க.,வினர் மத்தியில் அதிர்ச்சியை ஏற்படுத்தியுள்ளது.