மேலும் செய்திகள்
இளையராஜா பாடல்கள் டியூட் படத்தில் நீக்கம்
8 minutes ago
தொழில் திட்டங்களுக்கான சுற்றுச்சூழல் அனுமதி; காலாவதியாகாமல் தடுக்க மத்திய அரசு புதிய சலுகை
சென்னை: தொழில் திட்டங்களுக்கு வழங்கப்பட்ட சுற்றுச்சூழல் அனுமதி, நீதிமன்ற தடையால் காலாவதியாவதை தடுக்கும் வகையில், புதிய சலுகை வழங்கி, மத்திய அரசு உத்தரவிட்டுள்ளது.தொழில் திட்டங்கள், அவற்றால் ஏற்படும் மாசு மற்றும் தாக்கம் அடிப்படையில் வகைப்படுத்தப்பட்டு உள்ளன. இதில் குறிப்பிட்ட வகை தொழில் திட்டங்களை துவக்க, சுற்றுச்சூழல் அனுமதி பெறுவது கட்டாயம். தொழில் திட்டங்களை செயல்படுத்தும் நிறுவனங்கள், மாநில அளவிலான சுற்றுச்சூழல் தாக்க மதிப்பீட்டு ஆணையத்திடம் விண்ணப்பிக்க வேண்டும். இந்த ஆணையம், சுற்றுச்சூழல் அனுமதி வழங்க சில வழிமுறைகளை வகுத்துள்ளது.பரிந்துரை
அதன்படி, வல்லுனர் குழு ஆய்வு செய்து அளிக்கும் பரிந்துரை அடிப்படையில், இந்த ஆணையம் சுற்றுச்சூழல் அனுமதி வழங்கும். இந்த அனுமதியை ஐந்து ஆண்டுகளுக்குள் பயன்படுத்த வேண்டும் என, விதிகள் உள்ளன. இந்நிலையில், தொழில் திட்டங்கள் தொடர்பாக, தேசிய கம்பெனிகள் சட்ட தீர்ப்பாயம் மற்றும் நீதிமன்றங்களில் வேறு சில காரணங்களுக்காக வழக்குகள் தொடரப்படுகின்றன.அதில், சம்பந்தப்பட்ட திட்டங்களில் பணிகளை மேற்கொள்ள தடை விதிக்கப்படுகிறது.தீர்ப்பாயம், நீதிமன்ற வழக்கு முடிந்து, பணிகளை துவங்க அனுமதி கிடைக்கும் போது, சுற்றுச்சூல் அனுமதி காலம் முடியும் நிலை ஏற்படுகிறது. இதனால், கட்டணம் செலுத்தி பெற்ற சுற்றுச்சூழல் அனுமதியை, உரிய சமயத்தில் பயன்படுத்த முடியாத நிலை ஏற்படுகிறது. இதுகுறித்து, பல்வேறு தரப்பினரும் அரசிடம் முறையிட்டனர்.இதன் அடிப்படையில், மத்திய வனம் மற்றும் சுற்றுச்சூழல் துறை பிறப்பித்த உத்தரவு:தேசிய கம்பெனிகள் சட்ட தீர்ப்பாய உத்தரவு மற்றும் நீதிமன்ற தடையால் சுற்றுச்சூழல் அனுமதி காலத்தை பயன்படுத்த முடியாத சூழல் ஏற்படுகிறது. இவ்வாறு பாதிக்கப்படும் நிறுவனங்களுக்காக, சுற்றுச்சூழல் அனுமதி காலத்தை கணக்கிடும் முறையில் சில மாற்றங்கள் செய்யப்படுகின்றன.பூஜ்ய காலம்
இதன்படி, ஒரு நிறுவனம், குறிப்பிட்ட திட்டத்துக்காக சுற்றுச்சூழல் அனுமதி பெற்ற நிலையில் பிற காரணங்களால் தடை ஏற்பட்டால், தடை முடியும் வரையிலான காலம், பூஜ்ய காலமாக கணக்கில் எடுத்து கொள்ளப்படும்.வழக்கில் தடை நீங்கிய பின், பணிகளை துவங்கும் சமயத்தில் இருந்து, சுற்றுச்சூழல் அனுமதி காலம் கணக்கில் எடுத்துக் கொள்ளப்படும். இதில் நிறுவன உரிமையாளர்கள் மாறும் நிலை ஏற்பட்டால், அதற்கான ஆதாரங்களை சமர்ப்பித்து, சுற்றுச்சூழல் அனுமதி காலத்தை பயன்படுத்திக் கொள்ளலாம். இந்த வழிமுறை, கடலோர ஒழுங்குமுறை மண்டல அனுமதிக்கும் பொருந்தும். இவ்வாறு உத்தரவில் கூறப்பட்டுள்ளது.