இந்திய நாட்டின் நெடுநாள் பிரதமர் மோடி

அ.தி.மு.க., - பா.ஜ., கூட்டணி குறித்த விஷயத்தில் அனைத்தையும் பூதக் கண்ணாடி வைத்து ஆராய்ந்து பார்க்கக் கூடாது. பழனிசாமிதான் கூட்டணிக்கான தமிழக தலைவர். அவர் தலைமையில்தான், தேசிய ஜனநாயக கூட்டணி 2026ல் நடக்கவிருக்கும் தமிழக சட்டசபை தேர்தலை சந்திக்க உள்ளது. 'தமிழகத்தை காப்போம்; மக்களை மீட்போம்' என்ற பெயரில், தமிழகம் முழுதும் பழனிசாமி பிரசார பயணம் மேற்கொள்கிறார். அதற்கு, மக்கள் அமோக ஆதரவு அளிப்பதாக தகவல் வருகிறது. தி.மு.க., அரசுக்கு எதிராக மக்கள் மனநிலை உள்ளது. அதனால், வரும் தேர்தலில் ஆட்சி மாற்றம் ஏற்படும். கூட்டணியில், முன்னாள் முதல்வர் பன்னீர்செல்வத்தின் நிலை என்ன என்பது குறித்து பேசி முடிவெடுக்கப்படும். இந்திய வரலாற்றில், பிரதமர் பதவியில் நெடுநாட்கள் இருந்தவர் என்ற பெருமை மோடிக்கு கிடைத்துள்ளது. தொடர்ச்சியாக, 4,077 நாட்களுக்கும் மேலாக பிரதமராக நீடிக்கிறார். - சுதாகர் ரெட்டி, மேலிட பொறுப்பாளர், தமிழக பா.ஜ.,