62 வயதில் திருமணம்; காதலியை கரம் பிடித்தார் ஆஸி., பிரதமர் அந்தோனி அல்பானீஸ்

கான்பெரா: ஆஸ்திரேலிய பிரதமர் அந்தோனி அல்பானீஸ், ஜோடி ஹேடன் என்பவரை திருமணம் செய்து கொண்டார். ஆஸ்திரேலிய வரலாற்றில் உயர் பதவியில் இருப்பவர், தன் பதவிக்காலத்தில் திருமணம் செய்து கொள்வது இதுவே முதல்முறையாகும்.ஆஸி., தொழிலாளர் கட்சியின் தலைவர் அந்தோனி அல்பானீஸ் , கடந்த 2022ம் ஆண்டு முதல் நாட்டின் பிரதமராக பதவி வகித்து வருகிறார். இவர் தன்னுடைய 62 வயதில் நீண்ட நாள் காதலியான ஜோடி ஹேடன்,46, என்பவரை இன்று திருமணம் செய்து கொண்டார். இது தான் இன்று ஹாட் டாப்பிக்காக மாறியுள்ளது.கடந்த ஆண்டு காதலர் தினத்தன்று ஜோடி ஹேடனிடம் பிரதமர் அந்தோனி அல்பானீஸ் காதலை சொல்லியுள்ளார். இதையடுத்து, இன்று தி லாட்ஜில் அமைந்துள்ள பிரதமர் குடியிருப்பில் இருவரும் திருமணம் செய்து கொண்டனர். இருவரின் நெருங்கிய உறவினர்கள் மட்டுமே நிகழ்ச்சியில் கலந்து கொண்டனர். 62 வயதான அந்தோனி அல்பானீஸ், 2019ம் ஆண்டு முதல் மனைவி கார்மெல் தெபூட் என்பவரை விவாக ரத்து செய்தார். ஜோடி ஹேடன் நிதித்துறையில் நிபுணத்துவம் பெற்றவர். மேலும், பெண்களுக்கான வழக்கறிஞராகவும் உள்ளார். ஆஸ்திரேலிய வரலாற்றில் உயர் பதவியில் இருக்கும் ஒருவர், தன் பதவிக்காலத்தில் திருமணம் செய்து கொள்வது இதுவே முதல்முறை.