இம்ரான் கான் நிலை குறித்து அறிய சர்வதேச நாடுகள் உதவ வேண்டும்; மகன் காசிம் அலறல் மகன் காசிம் அலறல்

இஸ்லாமாபாத்: ''பாகிஸ்தானில் சிறையில் அடைக்கப்பட்டுள்ள முன்னாள் பிரதமர் இம்ரான் கான் நிலை குறித்து அறிய சர்வதேச நாடுகள் உதவ வேண்டும்,'' என, அவரது மகன் காசிம் கான் வேண்டுகோள் விடுத்துள்ளார். நம் அண்டை நாடான பாகிஸ்தானின் முன்னாள் பிரதமரும், பாக்., தெஹ்ரீக் - இ - இன்சாப் கட்சி தலைவருமான இம்ரான் கான், பிரதமராக பதவி வகித்த காலத்தில் ஊழல் செய்ததாக குற்றச்சாட்டில் சிக்கி, அந்நாட்டில் உள்ள அடியாலா சிறையில் அடைக்கப்பட்டுள்ளார். https://static.vidgyor.com/player/vod/html/indexv2.html?videoId=hzxq6iw0&cmsAccountId=6253e2117f4d5c0009c78ed4&masterProfileId=64f573f4fbdd700008119b10&pip=1&autoplay=0அவரை சந்திக்க அவரது குடும்பத்தினருக்கு நீதிமன்றம் அனுமதி அளித்திருந்தது. ஆனால், இம்ரான் கானை சந்திக்க சிறை நிர்வாகம் அனுமதி மறுப்பதாக அவரது குடும்பத்தினர் குற்றஞ்சாட்டி வருகின்றனர். இம்ரான் கானை சந்திக்க அனுமதிக்க கோரி, அடியாலா சிறைக்கு வெளியே அவரது கட்சி நிர்வாகிகளும், அவரது சகோதரியரும் சமீபத்தில் போராட்டத்தில் ஈடுபட்டனர். இதற்கிடையே, சிறையில் வைத்து இம்ரான் கானை பாக்., உளவு அமைப்பான ஐ.எஸ்.ஐ., கொன்று விட்டதாகவும் தகவல்கள் பரவின. ஆனால் இதை பாக்., அரசு மறுத்தது. இந்நிலையில், இம்ரான் கானின் இளைய மகன் காசிம் கான் நேற்று கூறியதாவது: யாரும் அணுக முடியாதபடி தனிமைப்படுத்தப்பட்ட சிறையில் என் தந்தை அடைத்து வைக்கப்பட்டு உள்ளார்; இது மனித உரிமை மீறல். அவரை பற்றி வெளிப்படையாக எந்த தகவலும் இல்லை. சிறை நிர்வாகமும் மழுப்பலாகவே பதில் அளிக்கிறது. நீதிமன்றம் உத்தரவு அளித்தும் என் தந்தையை சந்திக்க அனுமதி மறுக்கின்றனர். அவர் உயிருடன் இருக்கிறாரா என்பது கூட எங்களுக்கு தெரியவில்லை. அவர் உயிருடன் இருப்பதற்கான ஆதாரத்தை உடனடியாக சிறை நிர்வாகம் வழங்க வேண்டும். இந்த மனிதாபிமானமற்ற செயலை முடிவுக்கு கொண்டு வர, சர்வதேச சமூகம், மனித உரிமை அமைப்புகள், ஜனநாயக நாடுகள் உடனடியாக தலையிட வேண்டும். இவ்வாறு அவர் கூறினார். இந்த குற்றச்சாட்டுகளை மறுத்த சிறை நிர்வாகம், 'இம்ரான் கானுக்கு எந்த பாதிப்பும் இல்லை. அவர் முழு ஆரோக்கியத்துடன் இருக்கிறார். அவருக்கு தேவையான சிகிச்சைகள் அளிக்கப்படுகின்றன' என்றது. மோசமடையும் உடல் நிலை இம்ரான் கான் கட்சி நிர்வாகிகள் கூறியதாவது: சிறையில் தொடர்ந்து அழுத்தம் தரப்படுவதால் இம்ரான் கானின் உடல்நிலை மோசமடைந்து வருகிறது. அவரை நீதிமன்றத்தில் ஆஜர்படுத்தக் கோரி மனு தாக்கல் செய்வது குறித்து பரிசீலித்து வருகிறோம். இம்ரான் கான் எப்படி இருக்கிறார் என்ற தகவல் நாட்டுக்கு தெரிய வந்தால் மாபெரும் போராட்டம் நடக்கும் என்பதால், அவரை சந்திக்க அனுமதி மறுக்கப்படுகிறது. இவ்வாறு தெரிவித்தனர். இந்நிலையில், கைபர் பக்துங்க்வா மாகாண முதல்வர் சோஹைல் அப்ரிடி, நேற்று முன்தினம் எட்டாவது முறையாக இம்ரானை சந்திக்க சென்றார். அவருக்கு அனுமதி மறுக்கப்பட்து. இதை எதிர்த்து சிறைக்கு வெளியே இரவு முழுதும் அவர் தர்ணாவில் ஈடுபட்டார்.