டிட்வா புயலால் இலங்கையில் அவசர நிலை பிரகடனம்: பலி எண்ணிக்கை 123 ஆக உயர்வு

கொழும்பு: இலங்கையில் அவசர நிலை பிரகடனப்படுத்தப்பட்டு உள்ளது. டிட்வா புயலுக்கு உயிரிழந்தவர்களின் எண்ணிக்கை 123 ஆக உயர்ந்துள்ளது. டிட்வா புயலால் இலங்கையின் பல்வேறு மாகாணங்களில் கடும் சேதாரம் ஏற்பட்டுள்ளது. வெள்ளம், நிலச்சரிவு காரணமாக, லட்சக்கணக்கான மக்கள் பாதிக்கப்பட்டுள்ளனர். டிட்வா புயலுக்கு பலியானவர்களின் எண்ணிக்கை 123 ஆக உயர்ந்துள்ளது. 130க்கும் அதிகமானோர் மாயமாகி உள்ளனர். அவர்களை தேடும் பணிகள் தீவிரப்படுத்தப்பட்டு உள்ளன. புயல் சேதாரம் கடுமையாக இருப்பதால் இலங்கையில் அவசர நிலை பிரகடனப்படுத்தப்பட்டு உள்ளது. வானிலை நிலவரம் சாதகமாக இல்லாததால் துபாயில் இருந்து இலங்கை வழியாக இந்தியா புறப்பட்ட விமானம், கொழும்பில் முன் எச்சரிக்கையாக தரையிறக்கப்பட்டுள்ளது.அதில் உள்ள 300க்கும் மேற்பட்ட பயணிகள் அங்கேயே தங்க வைக்கப்பட்டுள்ளனர். மழை, வெள்ளத்தின் போது, கலாயோ பகுதியில் பஸ் ஒன்றில் சிக்கிய 68 பேரை இலங்கை ராணுவத்தினர் காப்பாற்றி உள்ளனர். டிட்வா புயல் வடக்கு மற்றும் வடமேற்கு திசை நோக்கி நகர்வதாக அந்நாட்டு வானிலை ஆய்வு மையம் அறிவித்துள்ளது.

உதவி எண்கள் அறிவிப்பு

இந்திய தூதரகம் வெளியிட்டுள்ள அறிக்கை; இலங்கையில் உள்ள இந்தியர்களுக்கு உதவ கொழும்புவில் உள்ள பண்டாரநாயக்கே சர்வதேச விமான நிலையத்தில் இந்திய தூதரகம் அவசர உதவி மையத்தை அமைத்துள்ளது. சகல இந்திய பயணிகளுக்கும் தேவையான உணவு மற்றும் குடிநீர் வசதிகள் உள்ளிட்ட தேவைப்படும் சகல உதவிகளையும் இந்திய தூதரகம் வழங்கி வருகின்றது.உதவிகள் தேவைப்படும் இந்திய பயணிகள் அவசர உதவி தொலைபேசி இலக்கமான +94773727832 ஐ தொடர்புகொள்ளவும்.