* வீட்டில் சிவலிங்கத்தை பூஜிக்கலாமா?

பி.கம்பர் ஒப்பிலான், சென்னை

'இல்லங்கள் தோறும் எழுந்தருளி செங்கமலப் பொற்பாதம் தந்தருளும்' என்னும் மாணிக்கவாசகரின் திருவாசகப் பாடலுக்கு வீட்டில் சிவலிங்கத்தை வைத்து பூஜிப்பது சிறப்பு என்று பெரியவர்கள் சொல்வர். வீட்டில் சிவபூஜை செய்தால் ஐஸ்வர்யம் பெருகும்.

மாகேஸ்வர பூஜையை வீட்டில் செய்யலாமா?

பி.நிவேதிதா, மதுரை

மகேஸ்வரன் என்றால் சிவன். சிவனடியார்களை 'மாகேஸ்வரர்கள்' என்றே குறிப்பிடுவர். அவர்களின் திருவடியை வணங்கி உணவளிப்பதற்கு மாகேஸ்வர பூஜை என பெயர். இதை நடத்தும் இடத்தில் சிவனருளால் தோஷம் அகலும்; நன்மை பெருகும்.

அரசமரத்தை ஆண்கள் சுற்றலாமா?

க.நாகமுத்து திண்டுக்கல்

அரசமர வழிபாடு பிள்ளைப்பேறுக்கு மட்டும் உரியது அல்ல. முன்வினைப் பாவம் தீரவும், நோய்நொடி மறையவும் திங்கட்கிழமையில் அரசமரத்தை சுற்றி வந்து வழிபடலாம். ஆண்கள் தனியாகவோ (அ) மனைவியுடனோ சுற்றலாம்.



* பாதபூஜை என்பது என்ன? யாருக்கு செய்யலாம்?

கோ.குப்புசாமி, சங்கராபுரம்.

ஆன்மிக பெரியோர்களின் திருவடிகளை கழுவி, மலரிட்டு வழிபடுவது பாதபூஜை. இதைச் செய்தால் புண்ணியம் சேரும். இதன் அடிப்படையில் மாதா, பிதா, குரு, தெய்வத்திற்கு பாதபூஜை செய்யலாம்.



சுவாமி சிலைகளை 40 நாள் நெல், தண்ணீரில் வைக்கிறார்களே...ஏன்?

பி.விநாயகன் காரைக்குடி

நெல்லில் சிலையை வைப்பது தான்ய வாசம்; தண்ணீரில் வைப்பது ஜலவாசம். புதிதாக செய்த கற்சிலைகளில், தெய்வீக சக்தியை ஈர்க்கும் ஆற்றல் வேண்டும் என்பதற்காக இதை செய்வர்.



பூஜையின் போது சிலர் வாழைப்பழத்தில் பத்தியை வைக்கிறார்களே..

டி.கே.சுகுமார் கோவை

சுவாமிக்குப் படைத்த பழங்கள் 'பிரசாதம்' என்னும் அந்தஸ்தை பெறும். அதை யாரும் சாப்பிட முடியாதபடி, பத்தியைக் குத்தி வீணாக்க கூடாது. அதற்குரிய ஸ்டாண்டில் வைக்கலாமே.