* நதி, ஏரி, குளங்களில் நீராடும் போது, அருகில் கோயில் இருந்தால் சன்னதியை நோக்கி நின்று குளிக்க வேண்டும்.

* பூஜைக்குரிய பூக்களை பிறரிடம் வாங்குவதை விட, நாமே பறித்து சுவாமிக்கு சமர்ப்பிப்பது சிறந்தது.

* காலையில் ஒரு கை அளவு வில்வ இலைகளை, நமச்சிவாய மந்திரம் சொல்லி சாப்பிட்டு வந்தால் கண் நோய், வயிற்று வலி ஆகியவை தீரும்.

* பவுர்ணமி தோறும் குருநாதரை வணங்கி வந்தால் ஞானம் பெருகும்.

* தமிழ்மாதப் பிறப்பு அன்று அன்னதானம் செய்தால் புண்ணியலோகம் கிடைக்கும்.

* அனுமன் வழிபாட்டுக்கு செவ்வாய், சனி உகந்த நாளாகும். இந்நாளில் 'ஸ்ரீராமஜெயம்' கூறி அனுமனை வழிபட்டால் திருமணம் நிச்சயமாகும். மண வாழ்க்கை மகிழ்ச்சிகரமாக அமையும்.

* மகாலட்சுமி குணமுள்ளவனிடத்திலும், குணமில்லாதவிடத்திலும் தங்குவதில்லை. யாருக்கு யோகம் வரவேண்டி இருக்கிறதோ அங்கு இருப்பாள்.