உடல்நிலை சரியில்லாத அப்துல் மருத்துவமனைக்கு சென்றார். தன் உடம்புக்கு என்னவெல்லாம் செய்கிறது என மருத்துவரிடம் விவரமாக கூறினார். அவரும் பரிசோதித்து விட்டு, ''எந்த நோயும் உங்களுக்கு இல்லை. ஆனாலும் கவலைப்படுகிறீர்கள். அதற்கு மருந்து என்னால் தரமுடியாது. நாளை நடக்க இருக்கும் சர்க்கஸ் நிகழ்ச்சியில்தான்

மருந்து கிடைக்கும்'' என்றார்.

''என்னது சர்க்கஸில் மருந்து கிடைக்குமா. ஒன்னும் புரியவில்லை டாக்டர்'' என்றார் அப்துல்.

''கோமாளி வித்தைகளை காட்டி வயிறு குலுங்க சிரிக்க வைப்பார். உங்களின் கவலைக்கு மருந்து சிரிப்பு ஒன்றே'' என்றார் டாக்டர்.

பிரச்னை இல்லாத மனிதர்களே இங்கு இல்லை. பிரச்னைகளை நினைத்து கவலைப்படாதீர்கள். உங்களது கவலை எல்லாம் ஒருநாள் மறையும்.

எப்போதும் மகிழ்ச்சியான மனநிலையுடன் இருங்கள். அதுவே உங்கள் உடல்நலத்திற்கு நல்லது.