அரசு பஸ் எரிப்பு, கண்ணாடிகள் உடைப்பு: தமிழகத்தில் போக்குவரத்து கடும் பாதிப்பு
Advertisement
 
 
 
Advertisement
Advertisement
dinamalar-advertisement-tariff-2018
 
எழுத்தின் அளவு:

மாற்றம் செய்த நாள்

29 செப்
2014
05:23
பதிவு செய்த நாள்
செப் 28,2014 00:26

நேற்று வன்முறையில் ஈடுபட்ட அ.தி.மு.க.,வினர், பஸ்களை குறி வைத்ததால், தமிழகம் முழுவதும் பஸ்கள் இயக்கம் முடங்கியது.

முதல்வர் ஜெயலலிதா சொத்து குவிப்பு வழக்கில், நேற்று தீர்ப்பு அளிக்கப்பட்டது. தீர்ப்பு வெளியாகுவதற்கு முன், பஸ் மற்றும் பயணிகள் பாதுகாப்பு கருதி, தமிழகத்தில் இருந்து கர்நாடகா செல்லும் அனைத்து அரசு பஸ்களும், நேற்று காலை முதல், எல்லை பகுதிகள் வரை மட்டுமே இயக்கப்பட்டன.அரசு விரைவு, கோவை, விழுப்புரம் ஆகிய போக்குவரத்து கழகத்தின், 150க்கும் மேற்பட்ட பஸ்கள், ஓசூர் வரை மட்டுமே இயக்கப்பட்டன.கர்நாடகாவில் இருந்து சென்னை உட்பட தமிழகத்திற்கு செல்லும் அனைத்து பஸ்களும் நிறுத்தப்பட்டு இருந்தன. கேரளாவில் இருந்து களியக்காவிளை வழியாக குமரி செல்லும் பஸ்களும் நிறுத்தப்பட்டிருந்தன. தமிழகத்தின் மற்ற பகுதிகளில் பஸ்கள் இயக்கம், வழக்கத்தை விட குறைவாக இருந்தது. காலை, 11:00 மணிக்கு தீர்ப்பு வரும் என எதிர்பார்த்த நிலையில், நான்கு மணி நேரம் தள்ளிப் போனது.இதனால், பதற்றம் அதிகரிக்கவே, எல்லை வரை இயக்கப்பட்ட பஸ்கள் முழுவதும் ரத்து செய்யப்பட்டன. மதியம், 3:00 மணிக்கு சொத்து குவிப்பு வழக்கில், 'ஜெயலலிதா குற்றவாளி' என்ற தகவல் வெளியானதை அடுத்து, தமிழகத்தின் அனைத்து சாலைகளிலும், மறியல், வாகன உடைப்பு என வன்முறை வெடித்தது.

பூந்தமல்லியில் இருந்து கம்மாளத் தெரு வழியாக, மதியம், 2:45 மணிக்கு காஞ்சிபுரம் நோக்கி வந்த அரசு பஸ்சை, மர்ம நபர்கள் வழிமறித்தனர். அந்த கும்பல் பஸ் மீது பெட்ரோல் ஊற்றியது.அதிர்ச்சியடைந்த ஓட்டுனர் ஹரிகிருஷ்ணன், நடத்துனர் சந்திரன், பயணிகள், 45 பேர் உட்பட அனைவரும், பஸ்சில் இருந்து இறங்கி அலறியபடி ஓட்டம் பிடித்தனர். உடனே, மர்ம நபர்கள் பஸ்சிற்கு தீ வைத்தனர்.இதைத் தொடர்ந்து, நெல்லை, மதுரை, சேலம், திருச்சி உள்ளிட்ட இடங்களில், அரசு பஸ்களின்கண்ணாடிகள் அடித்து நொறுக்கப்பட்டன.சென்னையில் வேளச்சேரி, ஆவடி, திருவான்மியூர் உள்ளிட்ட பகுதிகளில் சென்ற, மாநகர பஸ்களின் கண்ணாடி உடைக்கப்பட்டன.ஊருக்குள் செல்லாமல் பை -பாஸ் சாலையில், சில பஸ்கள் பயணித்தன. அங்கும் மறியல் நடந்ததை அடுத்து, பதற்றம் அதிகரித்தது.பாதுகாப்பு கருதி, பஸ்களை பணிமனைக்கு எடுத்துச் செல்லுங்கள் என, தங்களுக்கு அறிவுறுத்தியதாக கூறிய ஓட்டுனர் கள், பயணிகளை இறக்கி விட்டு, பணிமனைகளுக்கு பஸ்களை கொண்டு சென்றனர்.

போலீசாரின் அறிவுரைப்படியே பஸ்களை இயக்க, கழக நிர்வாகத்தினரும் அறிவுறுத்தியதால், பஸ்கள் அனைத்தும் பணிமனைக்குள் முடங்கின. இதனால், தமிழகம் முழுவதும், பஸ்கள் இயக்கம்பெரியளவில் முடங்கியது.பஸ்சில் இருந்து இறக்கிவிடப்பட்ட பயணிகள், தவிப்பிற்கு ஆளாகினர். கோயம்பேடு உள்ளிட்ட முக்கிய பஸ் நிலையங்களிலும், பஸ் நிறுத்தங்களிலும் பயணிகள் பல மணி நேரம் காத்துக் கிடந்தனர்.சென்னையில் பஸ்கள் இயக்கம் முடங்கிய போதும், மின்சார ரயில்கள் இயக்கத்தில் சிக்கல் இல்லாததால், பெரும்பாலான பயணி கள், ரயிலில் பயணித்தனர்.இதனால், ரயில் நிலையங்களில் பயணிகள் கூட்டம் நிரம்பி வழிந்தது.நேற்றைய தினம், சென்னையில் இருந்து கர்நாடகா பகுதிகளுக்கு செல்லும், 80க்கும் மேற்பட்ட ஆம்னி பஸ்களில் பயணிக்க முன்பதிவு முடிந்திருந்தது. மாலையில் ஏற்பட்ட சம்பவத்தை அடுத்து, பெரும்பாலானோர் பயணத்தை ரத்து செய்தனர்.இதேபோல, தென் மாவட்டங்களுக்கு செல்லும் ஆம்னி பஸ்களில் முன்பதிவு செய்தவர்கள், பயணத்தை ரத்து செய்தனர்.ரயில்களில் செல்லவிருந்தவர்களில் பலரும் பயணத்தை ரத்து செய்தனர். பதற்றமான சூழல் உருவாக வாய்ப்பு இருந்ததால், தமிழகம் - கர்நாடக இடையே வந்து செல்லும், 5,000 லாரிகள் ஆங்காங்கே நிறுத்தப்பட்டன.

டாஸ்மாக் கடைகள் திடீர் மூடல் : முதல்வர் ஜெயலலிதா மீதான, சொத்து குவிப்பு வழக்கு தீர்ப்பு எதிரொலியாக, வன்முறை வெடித்ததால், நேற்று மதியம் முதல், 'டாஸ்மாக்' கடைகள் மூடப்பட்டன.தமிழகத்தில், 6,830 டாஸ்மாக் கடைகள் உள்ளன. இந்த கடைகளில், வார நாட்களில், நாள்தோறும் சராசரியாக, 67 கோடி ரூபாய்; சனி, ஞாயிறு விடுமுறை நாட்களில், 80 கோடி ரூபாய் மதிப்பிற்கு மது வகைகள் விற்பனையாகின்றன.பெங்களூரு நீதிமன்றத்தில், முதல்வர் ஜெயலலிதாவுக்கு எதிரான, சொத்து குவிப்பு வழக்கில், நேற்று தீர்ப்பு வழங்கப்பட்டது. இதனால், தமிழகத்தில் பதற்றம் ஏற்பட்டது.உடனே, போலீசார், 'டாஸ்மாக்' கடைகளை மூடக் கூறினர். ஆனால், 'டாஸ்மாக்' அதிகாரிகள் உத்தரவு கிடைக்காததால், ஊழியர்கள் கடைகளை மூடவில்லை. பின், நிலைமை மிகவும் மோசமானதால், மாவட்ட கலெக்டர்கள், 'டாஸ்மாக்' கடைகளை மூட உத்தரவிட்டனர்.இதையடுத்து, நேற்று, மதியம், 2:30 மணிக்கு மேல், 'டாஸ்மாக்' கடைகள் இயங்கவில்லை. பெங்களூருவை ஒட்டிய ஓசூர் நகரில் உள்ள, 25க்கும் மேற்பட்ட, 'டாஸ்மாக்' கடைகள், நேற்று காலை முதலே மூடப்பட்டன.

முதல்வரை பார்க்க தள்ளுமுள்ளு போலீசார் தடியடி நடத்தி கலைத்தனர்:
பரப்பன அக்ரஹாரா பகுதிக்கு, தமிழக முதல்வர் ஜெயலலிதா சென்ற பின், அ.தி.மு.க.,வினரிடையே பெரும் தள்ளுமுள்ளு ஏற்பட்டது. கூட்டத்தினரை கலைக்க, போலீசார் தடியடி நடத்தினர்.தமிழக முதல்வர் ஜெயலலிதா, பெங்களூரு ஹெச்.ஏ.எல்., விமான நிலையத்திலிருந்து கார் மூலம், பரப்பன அக்ரஹாரா சிறப்பு நீதிமன்றத்துக்கு சென்றார். நீதிமன்றத்துக்கு முன்,2 கி மீ., தொலைவில், சாலையின் இரு ஓரங்களிலும், ஏராளமான அ.தி.மு.க.,வினர் கூடியிருந்தனர். அவர்களை, நீதிமன்றம் அமைந்திருக்கும் ரோட்டில் செல்லவிடாமல், போலீசார் தடுப்புகளை அமைத்து இருந்தனர்.ஜெயலலிதா அங்கு வந்தவுடன், தொண்டர்கள் உற்சாக கோஷம் எழுப்பினர். போலீசாரை தள்ளிவிட்டு, முன்னேற முயன்றனர். இதையும் மீறி, போலீசார் அரணாக நின்று அவர்களை தடுத்து நிறுத்தினர்.ஜெயலலிதா கார் சென்ற பின்பும், தொண்டர்கள், அவரை வாழ்த்தி கோஷங்கள் எழுப்பியபடி இருந்தனர். ஒரு கட்டத்தில், தடுப்புகளை துாக்கி வீசிவிட்டு செல்ல முயன்றனர். இதனால் போலீசார், அவர்கள் மீது தடியடி நடத்தினர். இந்த களேபரத்தில், பலர் தலைதெறிக்க ஓடினர்.இச்சம்பவத்தில் ஒரு சிலர் கீழே விழுந்தனர். அவர்கள் மீது மற்றவர்கள் ஏறிமிதித்ததால், காயமடைந்தனர். போலீசார் அவர்களை அப்புறப்படுத்தினர்.


கல்லுாரி நிர்வாகங்கள் குழப்பம்:




ஜெ., தீர்ப்பின் எதிரொலியால், அடுத்த வாரம் கல்லுாரிகளில் நடக்கும் விழாக்களை எப்படி நடத்துவது என புரியாமல் நிர்வாகிகள் கலங்கி போயுள்ளனர்.சென்னையில் தனியார் கல்லுாரிகள், வழக்கம்போல் நேற்று இயங்கின. ஜெ., சொத்து குவிப்பு வழக்கில், தீர்ப்பு வெளியானதையொட்டி முற்பகல், 11:30 மணிக்கு பின், விடுமுறை அறிவித்தனர். மேலும், நேற்று மாலை நடக்க இருந்த பல்வேறு இலக்கிய நிகழ்ச்சிகளும், கலை நிகழ்ச்சிகளும் ரத்துசெய்யப்பட்டன.அடுத்த வாரம், பாரதி மகளிர்கல்லுாரி, செல்லம்மாள் மகளிர் கல்லுாரி உட்பட, பல்வேறு கல்லுாரிகளில் விழா நடக்கின்றன. அவற்றில், கல்வி துறைஅதிகாரிகள், அமைச்சர்கள், அரசியல் பிரமுகர்கள் பங்கேற்க உள்ளதாக,அழைப்பிதழ் அச்சடித்து, சம்பந்தப்பட்டவர்களுக்கு அஞ்சல் செய்து விட்டனர்.இப்போது, நிகழ்ச்சிகளை எப்படி நடத்துவது என, புரியாமல் விழித்துக் கொண்டிருக்கின்றனர்.

- நமது நிருபர் -

 

Advertisement
மேலும் புதுச்சேரி செய்திகள் :


வாசகர்களுக்கு ஓர் அன்பான வேண்டுகோள்.
1.செய்திகள் குறித்த கருத்துக்களைப் பதிவு செய்யும்போது, எவருடைய மனதையும் புண்படுத்தாத வகையில், நாகரிகமான முறையில் உங்கள் கருத்துகள் இருக்க வேண்டும் என்று எதிர்பார்க்கிறோம்.
வாசகர் கருத்து (8)
  • புதியவை
  • பழையவை
  • அதிகம் விவாதிக்கப்பட்டவை
  • மிக மிக தரமானவை
  • மிக தரமானவை
  • தரமானவை
மதுரை விருமாண்டி - சான் ஹோஸே, கலிபோர்னியா ,யூ.எஸ்.ஏ
28-செப்-201404:51:25 IST Report Abuse
மதுரை விருமாண்டி ஆயாவோட கஜானாவிலேருந்து பத்து மடங்க புடுங்கணும்.அநியாயம் பண்ற அல்லக்கைகளை எரிகிற பஸ்ஸில் போட்டு விடணும்.
Rate this:
Cancel
கும்புடுறேன் சாமி - பன்னிமடை கோவை,இந்தியா
28-செப்-201402:51:46 IST Report Abuse
கும்புடுறேன் சாமி சுதந்திர போராட்டத்துக்காக காந்தி சிறைக்கு போனப்பகூட இந்த மாதிரி கலவரம் நடக்கல. தமிழகத்தின் நிரந்திர முதல்வரா இருக்கப்போர்வர் இனி 7402 தான்
Rate this:
Cancel
தமிழ்வேல் - முகப்பேர் மேற்கு ,இந்தியா
28-செப்-201402:33:28 IST Report Abuse
தமிழ்வேல் காட்டு மிராண்டிகள்... போலீசார் கைகட்டி நிற்பதும் ஏற்றுக்கொள்ள முடியாதது...
Rate this:
Cancel

உங்கள் கருத்தைப் பதிவு செய்ய :
Login :
New to Dinamalar ?
வாசகர்கள் கருத்துப் பகுதியில் வெளியாகி இருக்கும் கருத்துக்கள், உரிய முறையில் தணிக்கை செய்யப்பட்டே வெளியி‌டப்படுகின்றன.
(Press Ctrl+g or click this   to toggle between English and Tamil)
அன்புள்ள வாசகர்களே!,
நீங்கள் கருத்துப் பதிவு செய்ய LOGIN செய்ததும், My Page என்ற பட்டனை கிளிக் செய்து. அதில் உங்கள் புகைப்படம், மெயில் முகவரி, ஊர், நாடு ஆகியவற்றைப் பதிவு செய்ய புதிய வசதி செய்யப்பட்டுள்ளது. ஏற்கனவே பதிவு செய்த புகைப்படத்தை நீக்கவும் வசதி உள்ளது. மேலும் இதுவரை நீங்கள் தெரிவித்த கருத்துக்களைத் தொகுப்பாக பார்த்துக் கொள்ளலாம். இந்த புதிய வசதியை வாசகர்கள் முழுமையாக பயன்படுத்திக் கொள்ள விரும்புகிறோம். உங்களுடைய புகைப்படத்தை மட்டுமே பதிவு செய்யவும்; வேறு எந்த புகைப்படத்தையும் பதிவு செய்ய வேண்டாம்.

We use cookies to understand how you use our site and to improve user experience. This includes personalising content and advertising. By continuing to use our site, you accept our use of cookies, revised Privacy Policy.

Learn more I agree X