தர்மபுரி அருகே உலக அளவில் பெரிய புதிர்நிலை: பாதுகாக்க வரலாற்று ஆர்வலர்கள் வேண்டுகோள் | தர்மபுரி செய்திகள் | Dinamalar
தர்மபுரி அருகே உலக அளவில் பெரிய புதிர்நிலை: பாதுகாக்க வரலாற்று ஆர்வலர்கள் வேண்டுகோள்
Added : செப் 30, 2017 | |
Advertisement
 

தர்மபுரி: 'தர்மபுரி மாவட்டத்தில் உள்ள உலகளவில் பெரிய கற்கால புதிர் நிலையை பாதுகாக்க வேண்டும்' என, மாவட்ட நிர்வாகத்துக்கு வரலாற்று ஆர்வாளர்கள் மற்றும் பொதுமக்கள் கோரிக்கை விடுத்துள்ளனர்.

கற்காலத்துக்கு முன் இருந்தே தற்போதைய தர்மபுரி மற்றும் கிருஷ்ணகிரி மாவட்டங்கள், மனிதர்கள் வாழ்ந்தற்கான சான்றுகள் ஏரளமாக உள்ளன. மனித இனத்தின் பல்வேறு அசுர வளர்ச்சியால், பழங்கால நினைவு சின்னங்கள் அழிந்து வந்த போதும், தர்மபுரி, கிருஷ்ணகிரி மாவட்டங்களில் பல்வேறு பகுதிகளில் உள்ள பல வரலாற்று எச்சங்கள், இம்மாவட்டத்தின் பெருமையை மக்களுக்கு இன்றளவும் உணர்த்தி வருகிறது. குறிப்பாக, புதிய கற்காலத்தில் குறிப்பிட்ட சில நாடுகளில் வழிபாடு செய்யப்பட்டு வந்த, புதிர் நிலை கற்கள், தர்மபுரி மாவட்டம், காம்மைநல்லூர் அடுத்த வெதரம்பட்டியில் இன்றளவும் அழியாமல் உள்ளன.





இது குறித்து புதிர் நிலையை கண்டறிந்த வரலாற்று ஆய்வாளர் சுகவன முருகன் கூறியதாவது. புதிய கற்க்காலத்திலிருந்தே புதிர்நிலைகள் உலகம் முழுக்க இருந்ததை தொல்லியல் ஆய்வாளர்கள் பதிவு செய்துள்ளனர். உலகிலேயே ஸ்காண்டிநோவியா நாட்டில் தான், அதிக புதிர் நிலைகள் கண்டுபிடிக்கபட்டுள்ளன. அவை , 300 மற்றும், 600 ஆண்டுகள் பழைமையானவை. கிரேக்கத்தில் பைலோஸ் என்ற இடத்தில் கிடைத்த சுடுமண் தட்டு ஒன்றில் வரையப்பட்டுள்ள, சதுர புதிர் நிலை போன்ற புதிர்நிலை, தர்மபுரி மாவட்டம், கம்பைநல்லூர் அடுத்த வெதரம்பட்டியில் இன்றளவும் உள்ளது, உலகின் பல்வேறு வரலாற்று ஆய்வாளர்களை அதிசயிக்க வைத்துள்ளது. புதிர் நிலை என்பது, ஒரு பெண்ணின் வயிற்று பகுதியாகவும், அதன் வெளி பகுதி குழந்தை பிறக்கும் பகுதியாக மக்கள் கருதுகின்றனர். குழந்தைகள் சுகபிரசவமாக பிறக்கவும், அக்குழந்தை ஆரோக்கியமாக வளரவும் புதிர்நிலைகளை மக்கள் வழிபட்டு இருந்துள்ளனர். இந்தியாவில், இதிகாச காலமான மகாபாரத்தில் யுத்தப் புதிர் நிலை ஒன்றில் அபிமன்யூ சிக்கிக் கொள்கிறான். அதே போல் மாகாபாரத போர் நடந்த குருஷேத்திரத்தில் உள்ள காளிக்கோவிலில் இதே போல் சிறிய புதிர் நிலை உள்ளது. பாண்டவர்கள் யுத்தத்திற்கு போவதற்கு முன், அங்குள்ள அனைத்து புதிர் நிலைகளை பற்றி தெரிந்து கொண்டே யுத்தித்திற்கு சென்றனர் என்பதை வரலாறு மூலம் நினைவு கூறலாம்.


இந்தியாவிலே கோவாவில், பாறை ஒன்றில் வட்ட புதிர் நிலை உள்ளது. ஆனால், அந்த புதிர் நிலை மிகவும் சிறியது.தர்மபுரி மாவட்டம் வெதரம்பட்டியில் உள்ள புதிர் நிலை, 1,600 சதுர அடி பரப்பளவில் உலகத்திலே மிகவும் பெரியதாக உள்ளது. பள்ளி, கல்லூரி மாணவர்கள் புதிர் நிலை பற்றி தெரிந்து கொள்ளும் வகையில் ஆசிரியர்கள், வெதரம்பட்டியில் உள்ள புதிர்நிலை பகுதிக்கு அழைத்து வந்து, இதன் பெருமையை உணர்த்தலாம். மேலும், விவசாய நிலம் அருகே உள்ள புதிர்நிலையை அழியாமல் இருக்கவும், பாதுகாக்க மாவட்ட நிர்வாகம் நடவடிக்கை எடுக்க வேண்டும். இவ்வாறு அவர் கூறினார்.

 

Advertisement


We use cookies to understand how you use our site and to improve user experience. This includes personalising content and advertising. By continuing to use our site, you accept our use of cookies, revised Privacy Policy.

Learn more I agree X