Dinamalar

கடலுார்: மொபட்டில் 100 மதுபாட்டில்களை கடத்தி வந்த பெண்ணை போலீசார் கைது செய்தனர். கடலுார் மதுவிலக்கு பிரிவு போலீசார், ஆல்பேட்டை சோதனைச்சாவடியில் வாகன தணிக்கையில் ஈடுபட்டனர். அப்போது, புதுச்சேரியில் இருந்து கடலுார் நோக்கி வந்த மொபட்டை சந்தேகத்தின் பேரில் நிறுத்த முயன்றனர். இதனையறிந்த மொபட்டின் பின்னால் அமர்ந்திருந்தவர் கீழே இறங்கி தப்பினார். மொபட் ஓட்டி வந்த பெண்ணை, போலீசார் பிடித்து விசாரித்தனர். இதில், கடலுார் அடுத்த வசந்தராயன்பாளையம் லெனின்குமார் மனைவி அனுசுயா, 24; என்றும், தப்பியவர் அவரது கணவர் என்றும் தெரிந்தது. அனுசுயா கொண்டு வந்த மூட்டையில் 120 லிட்டர் சாராயம், 90 மி.லி., அளவில் 100 மதுபாட்டில்கள் இருப்பது தெரிந்தது. இதன் மதிப்பு 9,000 ரூபாய் ஆகும். போலீசார் வழக்குப் பதிந்து அனுசுயாவை கைது செய்து, சாராயம் மற்றும் மதுபாட்டில்கள், கடத்தலுக்கு பயன்படுத்திய மொபட்டை பறிமுதல் செய்தனர். தப்பியோடிய லெனின்குமாரை,27; தேடி வருகின்றனர்.