எளிமையாக்கப்படுமா?வீட்டுமனைகள் அனுமதி பெற நடைமுறை...கடலூர் மாவட்டத்திற்கு அலுவலகம் தேவை
Advertisement
 
 
 
Advertisement
Advertisement
dinamalar-advertisement-tariff-2018
 
எழுத்தின் அளவு:

பதிவு செய்த நாள்

07 டிச
2018
01:18

கடலுார்:
நகர, ஊரமைப்பு திட்டக்குழுமத்தில் இதுவரை அனுமதி பெறாத மனைகள் அனுமதி பெறுவதற்கான நடைமுறையை எளிமைப்படுத்த வேண்டும்.நாட்டில் மக்கள் தொகை நாளுக்கு நாள் அதிகரித்து வருகிறது. அதற்கு ஏற்றவாறு குடும்பங்கள் பிரிந்து தனித்தனி குடும்பங்களாக அதிகரித்து வருகின்றன. அதனால் அவர்களுக்கு வசிப்பிடத்திற்கு வீட்டு மனை அவசியமாகிறது.இதற்கு முன்பு வீட்டுமனைகள் வரையறையின்றி பிரிவுகள் செய்து விற்பனை செய்யப்பட்டு வந்தது. தற்போது நகர, ஊரமைப்பு திட்டக்குழுமத்தில் அனுமதி பெறாமல் வீட்டு மனைகள் விற்பனை செய்யக் கூடாது என கடந்த 2016ம் ஆண்டு அக்டோபர் 20ம் தேதி முதல் கிரய பத்திரப்பதிவு செய்வது நிறுத்தப்பட்டுவிட்டது.இதன்காரணமாக பத்திரப்பதிவு அலுவலகங்களில் ஆவணங்கள் பதிவு பாதியாக குறைந்தது. ஆனால், லே அவுட்களில் வாங்கிய மனைகள் மீண்டும் விற்பனை செய்ய அனுமதி வழங்கப்பட்டுள்ளது.புதிய லே அவுட் போடுபவர்கள் சாலை, பொது இடத்திற்காக 35 சதவீதம் இடம் ஒதுக்க வேண்டும். அவ்வாறு ஒதுக்கீடு செய்துவிட்டு ஒரு சதுர மீட்டருக்கு நகராட்சியாக இருந்தால் 310 ரூபாயும், ஊராட்சியாக இருந்தால் 55 ரூபாயும் செலுத்த வேண்டும்.இதுவரை அனுமதி பெறாத வீட்டு மனைகளும் நகர ஊரக திட்டக்குழுமத்தில் அனுமதி பெற ஆன்-லைனில் 500 ரூபாய் கட்டணம் செலுத்தி விண்ணப்பிக்கலாம் என அறிவிக்கப்பட்டது. இந்த வாய்ப்பும் கடந்த நவம்பர் 16ம் தேதியுடன் முடிந்தது.ஏற்கனவே விண்ணப்பித்தவர்கள் விழுப்புரத்தில் உள்ள நகர, ஊரமைப்பு உள்ளூர் திட்டக்குழுமத்தில் அனுமதி பெற்று அந்த நகலை அந்தந்த வட்டார வளர்ச்சி அலுவலகத்தில் கொடுக்க வேண்டும். அந்த உத்தரவை ஏற்றுக்கொண்டதாக மீண்டும் ஒரு உத்தரவை பெற்று பதிவுத்துறை அலுவலகத்தில் சமர்ப்பித்தால்தான் மனைகள் பதிவு செய்ய முடியும்.கடலுார் மாவட்டத்தில் உள்ள மனைகள் அனைத்தும் கடலுார் உள்ளூர் திட்டக்குழுமத்தில் அனுமதி பெற விழுப்புரம் உதவி இயக்குனர் அலுவலகத்தையே நாட வேண்டியுள்ளது. கடலுாரில் உள்ள அலுவலகத்தில் கடலுார் நகராட்சி மற்றும் சில கிராமங்களைத் தவிர மாவட்டம் முழுவதும் விழுப்புரம் செல்ல வேண்டியுள்ளது.உதவி இயக்குனர் அதிகாரியும் இரு மாவட்டத்திற்கும் ஒரே அதிகாரியாக இருப்பதால் அரசு கோப்புகள் தேங்கும் நிலை உள்ளன. எனவே, வீட்டு மனைகள் அனுமதி பெற அரசுக்கு செலுத்த வேண்டிய தொகையை எளிமையாக்கினால் பொதுமக்கள் அனைவரும் இந்த நடைமுறையை பின்பற்ற இயலும்.இரு மாவட்டங்களில் நடையாய் நடந்து அனுமதி பெறுவதற்கு அவ்வளவாக பொது மக்கள் முன் வருவதில்லை. எனவே கடலுார் மாவட்டத்திற்கென ஒரு உதவி இயக்குனர் அலுவலகம் செயல்பாட்டிற்கு கொண்டு வரவேண்டும் என்பது மாவட்ட மக்களின் கோரிக்கையாக உள்ளது.

 

Advertisement


வாசகர்களுக்கு ஓர் அன்பான வேண்டுகோள்.
1.செய்திகள் குறித்த கருத்துக்களைப் பதிவு செய்யும்போது, எவருடைய மனதையும் புண்படுத்தாத வகையில், நாகரிகமான முறையில் உங்கள் கருத்துகள் இருக்க வேண்டும் என்று எதிர்பார்க்கிறோம்.
வாசகர் கருத்து
முதல் நபராக கருத்து தெரிவியுங்கள்!
உங்கள் கருத்தைப் பதிவு செய்ய :
Login :
New to Dinamalar ?
வாசகர்கள் கருத்துப் பகுதியில் வெளியாகி இருக்கும் கருத்துக்கள், உரிய முறையில் தணிக்கை செய்யப்பட்டே வெளியி‌டப்படுகின்றன.
(Press Ctrl+g or click this   to toggle between English and Tamil)
அன்புள்ள வாசகர்களே!,
நீங்கள் கருத்துப் பதிவு செய்ய LOGIN செய்ததும், My Page என்ற பட்டனை கிளிக் செய்து. அதில் உங்கள் புகைப்படம், மெயில் முகவரி, ஊர், நாடு ஆகியவற்றைப் பதிவு செய்ய புதிய வசதி செய்யப்பட்டுள்ளது. ஏற்கனவே பதிவு செய்த புகைப்படத்தை நீக்கவும் வசதி உள்ளது. மேலும் இதுவரை நீங்கள் தெரிவித்த கருத்துக்களைத் தொகுப்பாக பார்த்துக் கொள்ளலாம். இந்த புதிய வசதியை வாசகர்கள் முழுமையாக பயன்படுத்திக் கொள்ள விரும்புகிறோம். உங்களுடைய புகைப்படத்தை மட்டுமே பதிவு செய்யவும்; வேறு எந்த புகைப்படத்தையும் பதிவு செய்ய வேண்டாம்.

We use cookies to understand how you use our site and to improve user experience. This includes personalising content and advertising. By continuing to use our site, you accept our use of cookies, revised Privacy Policy.

Learn more I agree X