ரோட்டோர கடைகளில் மாமூல் வாங்கும் போலீஸ்! வைரலாகும் 'வீடியோ'வால் கோவையில் அதிர்ச்சி
Advertisement
 
 
 
Advertisement
Advertisement
dinamalar-advertisement-tariff-2018
 
எழுத்தின் அளவு:

பதிவு செய்த நாள்

07 டிச
2018
03:25

கோவை:கோவையில் ரோட்டோர கடையில் ரோந்து பைக்கில் சென்று, சீருடையில் போலீஸ்காரர் மாமூல் வசூலிக்கும், 'வீடியோ' வைரலாகி பரபரப்பை ஏற்படுத்தியுள்ளது.கோவையில் ரோந்து என்ற பெயரில் தள்ளுவண்டி மற்றும் ரோட்டோர கடைக்காரர்களிடம் போலீசார் மாமூல் வசூலிப்பது தொடர்கதையாக நடந்து வருகிறது. இரவு நேரங்களில் மட்டுமில்லாமல், பகல் நேரத்திலும் சீருடையிலேயே ரோந்து வாகனங்களில் சென்று போலீசார் மாமூல் வசூலித்து வருகின்றனர்.


இதை மெய்ப்பிக்கும் வகையில், தற்போது ஒரு வீடியோ இணையதளங்களில் வைரலாகி வருகிறது.அந்த வீடியோவில், 'சைரன்' ரோந்து பைக்கில்(டி.என். 66 ஜி 0479) சீருடையில் இருக்கும் ஒரு போலீஸ்காரர், ரோட்டோர இளநீர் கடைக்காரரிடம் மாமூல் கேட்கிறார். அவருக்கு, இளநீர் கடைக்காரர் பணத்தை எடுத்து எண்ணி மறைவாக கொடுக்கிறார். அதை போலீஸ்காரர், 'கைநீட்டி' வாங்கி தனது கைக்குள் மறைத்து வைத்து கொண்டு பேசுகிறார்.இவை அனைத்தும் பட்ட பகலில் பொதுமக்கள் முன்னிலையிலேயே அரங்கேறுகிறது. இந்த மாமூல் போலீஸ் வீடியோ கோவை, திருச்சி ரோட்டில் எடுக்கப்பட்டுள்ளது.


இளநீர் கடைக்கு சென்ற பொதுமக்கள் சிலர் போலீஸ்காரரின் வெளிப்படை மாமூலை வீடியோ எடுத்து சமூக வலைதளங்களில் பரப்பியுள்ளனர்.இதேபோன்று ரோட்டோர டிபன் கடைகள், தள்ளுவண்டி கடைகள், நடைபாதை கடைக்காரர்களிடம் போலீசார் மாமூல் வசூலிப்பது நடந்து வருகிறது. ராமநாதபுரம் பகுதி மட்டுமில்லாமல் காந்திபுரம், டவுன்ஹால், ஒப்பணக்கார வீதி, டி.பி.,ரோடு, திருச்சி ரோடு, அவிநாசி ரோடு, பஸ் ஸ்டாண்டுகள் உட்பட கோவை முழுவதும் இந்த மாமூல் கதை தொடர்ந்து நடக்கிறது.ரோட்டின் ஓரத்தில் இளநீர் கடை உள்ளிட்ட கடைகளுக்கு அனுமதி கொடுத்து போலீசார் தினம், வாரம் மற்றும் மாத கணக்கில் மாமூல் வசூலித்து வருகின்றனர். ரோந்து பணியில் ஈடுபடும் போலீசார், தங்களுக்குள்ளே எல்லை பிரித்து கொண்டு இந்த மாமூல் வசூலில் ஈடுபடுகின்றனர்.பொதுமக்கள் கூறுகையில், 'மாமூல் வசூல் என்பது போலீசாரின் ஒரு அன்றாட பணியாக மாறிவிட்டது. சட்டவிரோதமாக நடை பாதை, ரோட்டின் ஓரங்களில் கடைகள் அமைக்க அனுமதி கொடுக்கின்றனர். பின், அதற்காக மாமூல் வாங்கி கொள்கின்றனர். கேட்டால், இந்த பங்கு உயரதிகாரிகளுக்கும் தான் செல்கிறது என்கின்றனர். இதை முற்றிலும் தடுத்து நிறுத்தும் வரை, உயரதிகாரிகளுக்கும் மாமூல் செல்கிறது என்பதை மறுக்க முடியாது' என்றனர்.


'டாஸ்மாக்' தனி ரேட்!பொதுவாக இரவு நேரடிபன் கடைகளுக்கு, 50 முதல் 100 ரூபாய் வரை மாமூல் பெறப்படுகிறது. இதேபோன்று ரோட்டோர இளநீர், தள்ளுவண்டி கடைக்காரர்களிடம், 100 ரூபாய் தினசரி மாமூல் வசூலிக்கின்றனர். மேலும், பெரும்பாலான இடங்களில், 24 மணி நேர டாஸ்மாக் கடைகள் இயங்குகின்றன. டாஸ்மாக் கடை அருகே உள்ள பெட்டிக்கடைகளில் இரவு முழுவதும் மது விற்பனை செய்யப்படுகிறது. இதற்கான மாமூல் ரேட், 500 ரூபாய் வரை பெறப்படுகிறது.

 

Advertisement


வாசகர்களுக்கு ஓர் அன்பான வேண்டுகோள்.
1.செய்திகள் குறித்த கருத்துக்களைப் பதிவு செய்யும்போது, எவருடைய மனதையும் புண்படுத்தாத வகையில், நாகரிகமான முறையில் உங்கள் கருத்துகள் இருக்க வேண்டும் என்று எதிர்பார்க்கிறோம்.
வாசகர் கருத்து (1)
  • புதியவை
  • பழையவை
  • அதிகம் விவாதிக்கப்பட்டவை
  • மிக மிக தரமானவை
  • மிக தரமானவை
  • தரமானவை
Ram - Pollachi  ( Posted via: Dinamalar Windows App )
07-டிச-201817:52:59 IST Report Abuse
Ram ரோட்டோர ஆவின் பாலகத்தில் சி சி டி வி கேமரா வைத்து தொழில் நடத்துகிறார்கள் என்றால் வசூல் எப்படி இருக்கும்? நம்முடைய சுயநலனுக்காக மாமூலை கொடுத்து பழக்கிவிட்டு இப்போது உத்தமன் வேடம் போடும் தொல்லை வியாபாரிகளை திரு. பெரியய்யா கண்டிப்பாரா?
Rate this:
Share this comment
Cancel

உங்கள் கருத்தைப் பதிவு செய்ய :
Login :
New to Dinamalar ?
வாசகர்கள் கருத்துப் பகுதியில் வெளியாகி இருக்கும் கருத்துக்கள், உரிய முறையில் தணிக்கை செய்யப்பட்டே வெளியி‌டப்படுகின்றன.
(Press Ctrl+g or click this   to toggle between English and Tamil)
அன்புள்ள வாசகர்களே!,
நீங்கள் கருத்துப் பதிவு செய்ய LOGIN செய்ததும், My Page என்ற பட்டனை கிளிக் செய்து. அதில் உங்கள் புகைப்படம், மெயில் முகவரி, ஊர், நாடு ஆகியவற்றைப் பதிவு செய்ய புதிய வசதி செய்யப்பட்டுள்ளது. ஏற்கனவே பதிவு செய்த புகைப்படத்தை நீக்கவும் வசதி உள்ளது. மேலும் இதுவரை நீங்கள் தெரிவித்த கருத்துக்களைத் தொகுப்பாக பார்த்துக் கொள்ளலாம். இந்த புதிய வசதியை வாசகர்கள் முழுமையாக பயன்படுத்திக் கொள்ள விரும்புகிறோம். உங்களுடைய புகைப்படத்தை மட்டுமே பதிவு செய்யவும்; வேறு எந்த புகைப்படத்தையும் பதிவு செய்ய வேண்டாம்.

We use cookies to understand how you use our site and to improve user experience. This includes personalising content and advertising. By continuing to use our site, you accept our use of cookies, revised Privacy Policy.

Learn more I agree X