| அடிப்படை வசதிகள் இல்லாத அரசுப்பள்ளி ஐந்து ஆண்டுகளாக 100 சதம் தேர்ச்சி Dinamalar
அடிப்படை வசதிகள் இல்லாத அரசுப்பள்ளி ஐந்து ஆண்டுகளாக 100 சதம் தேர்ச்சி
Advertisement
 

பதிவு செய்த நாள்

27 மே
2019
01:27

முதுகுளத்துார் : முதுகுளத்துார் அருகே இளஞ்செம்பூர் அரசு உயர்நிலைப்பள்ளியில் அடிப்படை வசதிகள் எதுவும் இல்லாத நிலையிலும் கடந்த ஐந்து ஆண்டுகளாக பத்தாம் வகுப்பு பொதுத் தேர்வில் 100 சதவீதம் தேர்ச்சி பெற்றுள்ளனர்.



இளஞ்செம்பூர் கிராமத்தில் 2007ல் அரசு உயர்நிலைப்பள்ளி துவக்கப்பட்டது. பள்ளியில் இளஞ்செம்பூர், கண்டலான், அஞ்சதம்பல், பூக்குளம் உள்ளிட்ட பத்துக்கும் மேற்பட்ட கிராமங்களில் இருந்து 108 மாணவர்கள் படிக்கின்றனர்.இங்குள்ள தொடக்கப்பள்ளி கட்டடம் சேதமடைந்து இடிந்து விழுந்தது. உயர்நிலைப்பள்ளி வகுப்பறை கட்டடத்தில் துவக்கப்பள்ளி இயங்குகிறது. தேவையான வகுப்பறை கட்டட வசதி இல்லாததால் மரத்தடியிலும், மகளிர் மன்ற கட்டடத்திலும் பாடம் நடத்தி வந்தனர்.அடிப்படை வசதிகளான தண்ணீர், கழிப்பறை, சுற்றுச்சுவர்வசதிகள் இல்லாமல் உள்ளது.மாணவர்கள் கூறுகையில், 'உயர்நிலைப்பள்ளியில் எந்தவொரு அடிப்படை வசதிகளும் இல்லை. பத்தாம் வகுப்பு பயிலும் மாணவர்களுக்கு தனிக்கவனம் செலுத்தி ஆசிரியர்கள் விடுமுறை நாட்களிலும் வந்து பாடம் நடத்தினார்கள். இதன் பலனாக தொடர்ந்து 5 ஆண்டுகளாக பத்தாம் வகுப்பு பொதுத்தேர்வில் 100 சதவீதம் தேர்ச்சிபெற்றுள்ளனர்,' என்றனர்.மாணவர்களின் நலன்கருதி வரும் கல்வி ஆண்டில் பள்ளிக்கு தேவையான தண்ணீர் உள்ளிட்ட அடிப்படை வசதிகள், கூடுதல் வகுப்பறை கட்டடம் கட்டுவதற்கு மாவட்ட அதிகாரிகள் நடவடிக்கை எடுக்கவேண்டும்.

 

Advertisement
மேலும் ராமநாதபுரம் மாவட்ட  செய்திகள் :
பொது
பிரச்னைகள்
சம்பவம்


We use cookies to understand how you use our site and to improve user experience. This includes personalising content and advertising. By continuing to use our site, you accept our use of cookies, revised Privacy Policy.

Learn more I agree X