விரிசல்!கொரட்டூரில் வீட்டு வசதி வாரிய வீடுகளில்... லட்சங்களை கொடுத்து வாங்கியோர் தவிப்பு
Advertisement
 
 
 
Advertisement
Advertisement
dinamalar-advertisement-tariff-2018
 
எழுத்தின் அளவு:

பதிவு செய்த நாள்

11 ஜூலை
2019
01:59

அம்பத்துார்:கொரட்டூரில், புதிதாக கட்டப்பட்ட, தமிழ்நாடு வீட்டு வசதி வாரிய குடியிருப்பு கட்டடங்களில், பல இடங்களில், விரிசல் ஏற்பட்டுள்ளதால், பல லட்சம் ரூபாய் கொடுத்து, வீடு வாங்கியோர், அச்சத்தில் வசிக்கின்றனர். விஷ பூச்சிகள் நடமாட்டமும், அங்கு அதிகரித்துள்ளதால்,

மக்கள் தவிக்கின்றனர்.

சென்னை, கொரட்டூர், 25வது சாலையில், தமிழ்நாடு வீட்டுவசதி வாரியத்தின், புதிய குடியிருப்பில், ஜனவரியில், உரிமையாளர்கள் குடியேறினர்.


துர்நாற்றம்


அதில், 44, 45, 46 ஆகிய மூன்று வளாகங்களில், 222 வீடுகள் கட்டி முடிக்கப்பட்டு, 30 - 42 லட்சம் ரூபாய் வரை விற்பனை செய்யப்பட்டன.அதற்காக, வீட்டு உரிமையாளர்களிடமே, கணிசமான தொகை, முன்பணமாக பெறப்பட்டது. அந்த குடியிருப்புகளுக்கு மத்தியில், சென்னை குடிநீர் வாரியத்தின், கழிவுநீரகற்று நிலையம் அமைந்துள்ளது. கொரட்டூர் சுற்றுவட்டாரங்களில் இருந்து வெளியேற்றப்படும் மொத்த கழிவுநீரும், அங்கு சேகரிக்கப்படுகிறது. திறந்த நிலையில் உள்ள, கழிவுநீர் தொட்டிகளில் இருந்து, கடுமையான துர்நாற்றம் வீசுகிறது. இதனால், அந்த குடியிருப்புகளில் வசிப்போர், சுகாதார சீர்கேட்டில் சிக்கி தவிக்கின்றனர். மேலும், கழிவுநீரகற்று நிலையத்தில் உள்ள உடைந்த குழாய் மற்றும் குப்பை கழிவுகளால், பாம்பு, பூரான், தேள் உள்ளிட்ட, விஷ ஜந்துகள், வீடுகளுக்குள் வந்து விடுகின்றன. குறிப்பாக, குழந்தைகள், முதியோர், கர்ப்பிணிகள், மூச்சுத்திணறல் காரணமாக, உடல் நல பாதிப்பிற்கு ஆளாகின்றனர்.


அச்சம்


அங்குள்ள, 46வது குடியிருப்பு வளாகத்தில், வீடு வாங்கியவர்களில், 60 சதவீதம் பேர், மேற்கண்ட பிரச்னையால், அங்கு குடிவராமல், இன்னும் வாடகை வீட்டிலேயே வசிக்கின்றனர்.

மேலும், 44, 45வது வளாகங்களின் மையப்பகுதி மற்றும் கட்டடத்தின் ஒன்பது தளத்திலும், விரிசல் ஏற்பட்டுள்ளது. இதனால், அங்கு வசிப்போர், அச்சம் அடைந்துள்ளனர்.

இந்த பிரச்னைகள் குறித்து, 'கேசில் 222 வீட்டுமனை உரிமையாளர்கள் குடியிருப்போர் நலச்சங்கத்தினர்' சென்னை மாவட்ட கலெக்டர், மாசு கட்டுப்பாட்டு வாரியம், வீட்டு வசதி வாரியம் மற்றும் சென்னை குடிநீர் வாரிய அதிகாரிகளிடம் புகார் செய்தனர்.


தவிக்கும் மக்கள்


இதையடுத்து, வீட்டு வசதி வாரியத்தினர், விரிசல் உள்ள இடங்களில், தற்காலிகமாக, சிமென்ட் கலவை பூசினர். அவை, மூன்று தினங்களில் உதிர்ந்து, மண் குவியலாக கரைந்தன.

பல லட்சம் ரூபாய் கொடுத்து வாங்கிய வீட்டில், குடியிருக்க முடியாமல் தவிக்கும் மக்கள், தங்களுக்கு, மாற்று இடம் வழங்க வேண்டுமென, கோரிக்கை வைத்தனர்.


கடந்த, 2016ம் ஆண்டு, பல லட்சம் ரூபாய் கொடுத்து வீடு வாங்கினோம். இந்தாண்டு, ஜனவரியில் தான், வீட்டு சாவி வழங்கப்பட்டது. இங்கு, சுகாதார சீர்கேடு உள்ளிட்ட பல்வேறு பிரச்னைகளால் பாதிக்கப்பட்டு, வசிக்க முடியாத நிலை ஏற்பட்டுள்ளது. கட்டடத்தில், விரிசலும் அதிகரித்து வருவதால், விபரீதம் நேரும் என்ற அச்சத்திற்கு ஆளாகி உள்ளோம். அதிகாரிகளிடம் புகார் செய்தும், எந்த நடவடிக்கையும் இல்லை. இதே பகுதியில், வீட்டுவசதி வாரியத்தால், 260 புதிய வீடுகள் கட்டப்படுகின்றன. அங்கு, எங்களுக்கு, மாற்று வீடு வழங்க வேண்டும்.


சி.உதயகுமார், 39, செயலர், கேசில், 222 வீட்டுமனை உரிமையாளர்கள் குடியிருப்போர் நலச்சங்கம், கொரட்டூர்.



 

Advertisement
மேலும் சென்னை மாவட்ட  செய்திகள் :


வாசகர்களுக்கு ஓர் அன்பான வேண்டுகோள்.
1.செய்திகள் குறித்த கருத்துக்களைப் பதிவு செய்யும்போது, எவருடைய மனதையும் புண்படுத்தாத வகையில், நாகரிகமான முறையில் உங்கள் கருத்துகள் இருக்க வேண்டும் என்று எதிர்பார்க்கிறோம்.
வாசகர் கருத்து (4)
  • புதியவை
  • பழையவை
  • அதிகம் விவாதிக்கப்பட்டவை
  • மிக மிக தரமானவை
  • மிக தரமானவை
  • தரமானவை
Bhaskaran - Chennai,இந்தியா
11-ஜூலை-201908:48:23 IST Report Abuse
Bhaskaran ஒப்பந்தக்காரர்கள் அதிகாரிகளுக்கு கொட்டிக் கொடுத்துவிட்டு மிச்சப்பணத்தில் இவ்வளவுதான் கட்டிக்கொடுக்கமுடியும் என்பது தெரிந்த ஒன்றுதானே
Rate this:
Share this comment
Cancel
11-ஜூலை-201904:20:11 IST Report Abuse
ஆப்பு வெறும் பாம்பு, தேள் மட்டும்தானா? யானைகளை அனுப்புமாறு கேளுங்க...
Rate this:
Share this comment
Cancel
11-ஜூலை-201904:18:38 IST Report Abuse
ஆப்பு அரசு வீடுகள்னா சும்மாவா? சும்மா அதிருதுல்லே... இனிமே வூடு வாங்குனா மத்திய அரசு வீடுகள் வாங்குங்க.
Rate this:
Share this comment
Cancel

உங்கள் கருத்தைப் பதிவு செய்ய :
Login :
New to Dinamalar ?
வாசகர்கள் கருத்துப் பகுதியில் வெளியாகி இருக்கும் கருத்துக்கள், உரிய முறையில் தணிக்கை செய்யப்பட்டே வெளியி‌டப்படுகின்றன.
(Press Ctrl+g or click this   to toggle between English and Tamil)
அன்புள்ள வாசகர்களே!,
நீங்கள் கருத்துப் பதிவு செய்ய LOGIN செய்ததும், My Page என்ற பட்டனை கிளிக் செய்து. அதில் உங்கள் புகைப்படம், மெயில் முகவரி, ஊர், நாடு ஆகியவற்றைப் பதிவு செய்ய புதிய வசதி செய்யப்பட்டுள்ளது. ஏற்கனவே பதிவு செய்த புகைப்படத்தை நீக்கவும் வசதி உள்ளது. மேலும் இதுவரை நீங்கள் தெரிவித்த கருத்துக்களைத் தொகுப்பாக பார்த்துக் கொள்ளலாம். இந்த புதிய வசதியை வாசகர்கள் முழுமையாக பயன்படுத்திக் கொள்ள விரும்புகிறோம். உங்களுடைய புகைப்படத்தை மட்டுமே பதிவு செய்யவும்; வேறு எந்த புகைப்படத்தையும் பதிவு செய்ய வேண்டாம்.

We use cookies to understand how you use our site and to improve user experience. This includes personalising content and advertising. By continuing to use our site, you accept our use of cookies, revised Privacy Policy.

Learn more I agree X