ஆக்கிரமிப்பை அகற்ற முடியாமல் அதிகாரிகள்... திணறல்! நடவடிக்கை எடுக்க விருதை பக்தர்கள் எதிர்பார்ப்பு
Advertisement
 
 
 
Advertisement
Advertisement
dinamalar-advertisement-tariff-2018
 
எழுத்தின் அளவு:

பதிவு செய்த நாள்

16 ஜூலை
2019
23:32

விருத்தாசலம் : விருத்தாசலம் விருத்தகிரீஸ்வரர் கோவிலில், வாடகை மற்றும் ஆக்கிரமிப்பு கட்டடங்களை அகற்றி, கோவிலின் அழகை மீட்டெடுக்க முடியாமல் அதிகாரிகள் திணறி வருகின்றனர்.


விருத்தாசலம் விருத்தகிரீஸ்வரர் கோவில் 1,500 ஆண்டுகள் பழமை வாய்ந்தது. விபச்சித்து முனிவரால் பிரதிஷ்ட்டை செய்யப்பட்டு, கண்டராதித்த சோழன் மனைவி செம்பியன்மாதேவி, தஞ்சையின் முதல் அரசன் செவ்வப்ப நாயக்கர், குலோத்துங்க சோழ காடவராதித்தன், முத்து கிருஷ்ணப்ப நாயக்கர், கர்நத்தம் சுப்ராய செட்டியார், கச்சிராயர் மன்னர் என பல்வேறு காலங்களில் பலரது முயற்சியால் கட்டப்பட்டது.


விருத்தாசலம் மற்றும் சுற்றியுள்ள கிராமங்களிலிருந்து பார்க்க கூடிய வகையில், பிரம்மாண்டமாக காட்சியளித்த இக்கோவில் ஐந்து கோபுரங்கள், விதிகளை மீறி கட்டப்பட்டுள்ள கட்டடங்களால் காணமுடியாத நிலை ஏற்பட்டுள்ளது. இதனால் , கோவில் அழகு பாதிக்கப்பட்டுள்ளது. இந்த கோவிலுக்கு, விருத்தாசலம், கருவேப்பிலங்குறிச்சி, துறையூர் உள்ளிட்ட பகுதிகளில் 300 ஏக்கர் நிலம் உள்ளது. மேலும், முன்மண்டபத்தில் 14 கடைகள், தேரடி உள்ளிட்ட பல இடங்களில் 250க்கும் மேற்பட்ட வீடு, கடைகள் உள்ளன.கோவில் அழகை பாதுகாக்கவும், பொதுமக்கள் வழிபாட்டிற்கு உள்ள இடையூறை நீக்கவும் வாடகை ஒப்பந்தத்தை முடித்து, இடத்தை ஒப்படைக்க வேண்டும்.


ஆக்கிரமிப்புகளை அகற்றிக் கொள்ள வேண்டும் என கோவில் நிர்வாகம் ஆக்கிரமிப்பாளர்களுக்கு ஓராண்டுக்கு முன் நோட்டீஸ் வழங்கியது.அவர்கள் காலி செய்யாததால், இந்து சமய அறநிலையத்துறை சட்டம் 80ன் கீழ் நோட்டீஸ் அனுப்பி, நடவடிக்கை எடுக்கப்பட்டது. இந்நிலையில், கடந்தாண்டு பிப்ரவரி 18ல் மதுரை மீனாட்சியம்மன் கோவிலில் ஏற்பட்ட தீ விபத்தை அடுத்து, சென்னை உயர்நீதிமன்றம் தமிழகத்திலுள்ள கோவில்களில் வைக்கப்பட்டுள்ள கடைகளை அகற்ற உத்தரவிட்டது.


அதன்படி, சன்னதி வீதி, தேரடி மற்றும் 16 கால் மண்டபங்களில் இருந்த கடைகள் அனைத்தும் அகற்றப்பட்டு, மாசி மகம் நடந்தது.ஆனால், தமிழக கோவில்களில் கடை வைத்துள்ள உரிமையாளர்கள் சார்பில் தொடரப்பட்ட வழக்கில், இந்து சமய அறநிலையத்துறை சட்டப்படியே நடவடிக்கை எடுக்க வேண்டும் என உயர்நீதிமன்ற உத்தரவுக்கு, உச்சநீதிமன்றம் தடை விதித்தது.இதனால், தேரடி, 16 கால் மண்டபம், சன்னதி வீதி உள்ளிட்ட இடங்களில் மீண்டும் கடைகள் முளைத்தன.


இதையடுத்து, ஏற்கெனவே அறநிலையத் துறை சட்டம் 80ன் கீழ் கோவில் நிர்வாகம் சார்பில், இணை ஆணையர் நீதிமன்றத்தில் தொடரப்பட்ட வழக்கில், 16 கால் மண்டபத்தில் உள்ள கடைகள் அகற்ற வேண்டும் என உத்தரவிடப்பட்டுள்ளது.மேலும், இதற்கான, ஏற்பாடுகளை அதிகாரிகள் மேற்கொண்டுள்ளனர். ஆனால், மற்ற இடங்களிலுள்ள ஆக்கிரமிப்புகளை அகற்ற முடியாமல் திணறி வருகின்றனர்.

 

Advertisement
மேலும் கடலூர் மாவட்ட  செய்திகள் :
முக்கிய செய்திகள்
பொது
பிரச்னைகள்
சம்பவம்


வாசகர்களுக்கு ஓர் அன்பான வேண்டுகோள்.
1.செய்திகள் குறித்த கருத்துக்களைப் பதிவு செய்யும்போது, எவருடைய மனதையும் புண்படுத்தாத வகையில், நாகரிகமான முறையில் உங்கள் கருத்துகள் இருக்க வேண்டும் என்று எதிர்பார்க்கிறோம்.
வாசகர் கருத்து
முதல் நபராக கருத்து தெரிவியுங்கள்!
உங்கள் கருத்தைப் பதிவு செய்ய :
Login :
New to Dinamalar ?
வாசகர்கள் கருத்துப் பகுதியில் வெளியாகி இருக்கும் கருத்துக்கள், உரிய முறையில் தணிக்கை செய்யப்பட்டே வெளியி‌டப்படுகின்றன.
(Press Ctrl+g or click this   to toggle between English and Tamil)
அன்புள்ள வாசகர்களே!,
நீங்கள் கருத்துப் பதிவு செய்ய LOGIN செய்ததும், My Page என்ற பட்டனை கிளிக் செய்து. அதில் உங்கள் புகைப்படம், மெயில் முகவரி, ஊர், நாடு ஆகியவற்றைப் பதிவு செய்ய புதிய வசதி செய்யப்பட்டுள்ளது. ஏற்கனவே பதிவு செய்த புகைப்படத்தை நீக்கவும் வசதி உள்ளது. மேலும் இதுவரை நீங்கள் தெரிவித்த கருத்துக்களைத் தொகுப்பாக பார்த்துக் கொள்ளலாம். இந்த புதிய வசதியை வாசகர்கள் முழுமையாக பயன்படுத்திக் கொள்ள விரும்புகிறோம். உங்களுடைய புகைப்படத்தை மட்டுமே பதிவு செய்யவும்; வேறு எந்த புகைப்படத்தையும் பதிவு செய்ய வேண்டாம்.

We use cookies to understand how you use our site and to improve user experience. This includes personalising content and advertising. By continuing to use our site, you accept our use of cookies, revised Privacy Policy.

Learn more I agree X