பிரசவ செலவுக்கு சேமித்த பணத்தை குளம் சீரமைக்க கொடுத்த தம்பதி
Advertisement
 
 
 
Advertisement
Advertisement
dinamalar-advertisement-tariff-2018
 
எழுத்தின் அளவு:

பதிவு செய்த நாள்

21 ஜூலை
2019
04:07

புதுக்கோட்டை: புதுக்கோட்டை அருகே, பிரசவத்துக்கு சேமித்து வைத்திருந்த, 10 ஆயிரம் ரூபாயை, குளத்தை சீரமைக்க கொடுத்த தம்பதியை, பொதுமக்கள் பாராட்டி வருகின்றனர்.


புதுக்கோட்டை, ஆலங்குடி அருகே கொத்தமங்கலத்தில், கிராம இளைஞர்கள் முயற்சியில், பல தரப்பிலும் நிதி பெற்று, குளம், ஆறு, வரத்து வாய்க்கால்கள் சீரமைப்புப் பணி நடந்து வருகிறது.இவர்களிடம், சில நாட்களுக்கு முன், பள்ளிக் குழந்தைகள் இருவர், புதுமண தம்பதி ஆகியோர், குளத்தை சீரமைக்க நிதி வழங்கினர்.கொத்தமங்கலத்தைச் சேர்ந்தவர் உலகநாதன், 38; மாலத்தீவில் பணியாற்றி வருகிறார். தற்போது, விடுமுறைக்கு ஊருக்கு வந்துள்ளார். இவரது மனைவி உதயா, 28. இவருக்கு, கொத்தமங்கலம் அரசு ஆரம்ப சுகாதார நிலையத்தில், 18ம் தேதி இரவு, சுக பிரசவத்தில் ஆண் குழந்தை பிறந்தது.இதையடுத்து, உலகநாதன், குளம் சீரமைப்புக் குழுவினரை, இரு நாட்களுக்கு முன், ஆரம்ப சுகாதார நிலையத்திற்கு வரவழைத்தார்.'தனியார் மருத்துவ மனைக்கு சென்று, அறுவை சிகிச்சை செய்து, பிரசவம் நடந்திருந்தால், பல ஆயிரம் ரூபாய் செலவாகி இருக்கும். 'ஆனால், செலவு இல்லாமல், என் மனைவிக்கு குழந்தை பிறந்துள்ளது. அதனால், மருத்துவச் செலவுக்காக சேமித்து வைத்திருந்த, 10 ஆயிரம் ரூபாயை, குளம் சீரமைக்க தருகிறேன்' எனக் கூறி, வழங்கினார்.


நெகிழ்ந்து போன குளம் சீரமைப்பு குழு இளைஞர்கள், பதிலுக்கு, இரு பலா மரக்கன்றுகளை வழங்கி, 'இந்த மரக்கன்று, இப்போது பிறந்த குழந்தை வளரும் போது, மரமாக வளர்ந்து பலன் கொடுக்கும்' என்றனர்.உலகநாதன் கூறுகையில், ''நீர்நிலைகள் சீரமைப்பு பணிக்கு, ஏற்கனவே, 2,000 ரூபாய் வழங்கிருந்தேன். எனக்கு, இரண்டாவது மகன் பிறந்துள்ளான். என்னால் முடிந்த தொகையான, 10 ஆயிரத்தை, என் சந்ததிகளின் வாழ்வாதாரத்திற்கு போராடும் இளைஞர் மன்றத்திடம் வழங்கினேன்,'' என்றார். உலகநாதனை பாராட்ட, 81244 20008 என்ற எண்ணில் அழைக்கலாம்.


 

Advertisement


வாசகர்களுக்கு ஓர் அன்பான வேண்டுகோள்.
1.செய்திகள் குறித்த கருத்துக்களைப் பதிவு செய்யும்போது, எவருடைய மனதையும் புண்படுத்தாத வகையில், நாகரிகமான முறையில் உங்கள் கருத்துகள் இருக்க வேண்டும் என்று எதிர்பார்க்கிறோம்.
வாசகர் கருத்து
முதல் நபராக கருத்து தெரிவியுங்கள்!
உங்கள் கருத்தைப் பதிவு செய்ய :
Login :
New to Dinamalar ?
வாசகர்கள் கருத்துப் பகுதியில் வெளியாகி இருக்கும் கருத்துக்கள், உரிய முறையில் தணிக்கை செய்யப்பட்டே வெளியி‌டப்படுகின்றன.
(Press Ctrl+g or click this   to toggle between English and Tamil)
அன்புள்ள வாசகர்களே!,
நீங்கள் கருத்துப் பதிவு செய்ய LOGIN செய்ததும், My Page என்ற பட்டனை கிளிக் செய்து. அதில் உங்கள் புகைப்படம், மெயில் முகவரி, ஊர், நாடு ஆகியவற்றைப் பதிவு செய்ய புதிய வசதி செய்யப்பட்டுள்ளது. ஏற்கனவே பதிவு செய்த புகைப்படத்தை நீக்கவும் வசதி உள்ளது. மேலும் இதுவரை நீங்கள் தெரிவித்த கருத்துக்களைத் தொகுப்பாக பார்த்துக் கொள்ளலாம். இந்த புதிய வசதியை வாசகர்கள் முழுமையாக பயன்படுத்திக் கொள்ள விரும்புகிறோம். உங்களுடைய புகைப்படத்தை மட்டுமே பதிவு செய்யவும்; வேறு எந்த புகைப்படத்தையும் பதிவு செய்ய வேண்டாம்.

We use cookies to understand how you use our site and to improve user experience. This includes personalising content and advertising. By continuing to use our site, you accept our use of cookies, revised Privacy Policy.

Learn more I agree X