மேட்டூர் அணை நீர்பரப்பு பகுதியில் நள்ளிரவில் 3 பொக்லைனுக்கு தீ வைப்பு
Advertisement
 
 
 
Advertisement
Advertisement
dinamalar-advertisement-tariff-2018
 
எழுத்தின் அளவு:

பதிவு செய்த நாள்

22 ஜூலை
2019
09:54

மேட்டூர்: மேட்டூர் அணை நீர்பரப்பு பகுதியில், வண்டல், செம்மண் தோண்ட நிறுத்தப்பட்டிருந்த, மூன்று பொக்லைன் மர்ம நபர்கள் வைத்த தீயால், எரிந்து நாசமானது.


மேட்டூர் அணை மொத்த நீர்மட்டம், 120 அடி. மொத்தம், 152 சதுர கி.மீ., நீர்பரப்பு பகுதியை கொண்ட அணை நீர்மட்டம், தற்போது, 39.72 அடியாக உள்ளது. இரு வாரமாக மேட்டூர் அணை மூலக்காடு, பண்ணவாடியிலுள்ள வறண்ட நீர்பரப்பு பகுதியில் விவசாயிகள், மக்கள், தினமும், 100க்கும் மேற்பட்ட டிராக்டர், லாரிகளில் வண்டல், செம்மண்ணை தோண்டி எடுத்து செல்கின்றனர். இதற்காக, மூலக்காடு நீர்பரப்பு பகுதியில், 13 பொக்லைன், பண்ணவாடி நீர்பரப்பு பகுதியில், ஒன்பது பொக்லைன் இயந்திரங்கள் நிறுத்தி வைக்கப்பட்டிருந்தன. நேற்று முன்தினம் நள்ளிரவு, 1:30 மணிக்கு, மூலக்காடு நீர்பரப்பு பகுதியில் நிறுத்தி வைத்திருந்த ஒரு பொக்லைன், தீப்பற்றி எரிந்தது. மளமளவென பரவிய தீ, அருகில் நின்றிருந்த இரு பொக்லைன் மீது பரவியது. இதையறிந்து சென்ற, மேட்டூர் தீயணைப்பு குழுவினர் தீயை அணைத்தனர். எனினும், அந்தியூர், நத்தமேட்டை சேர்ந்த வளர்மதி; பவானி, நாயக்கனூர் செல்லதுரை; வேலாமருதூர் நாகப்பன் ஆகியோரின், 60 லட்சம் ரூபாய் மதிப்புடைய, மூன்று பொக்லைன் இயந்திரங்கள் தீயில் கருகி நாசமாகின. கொளத்தூர் போலீசார், பொக்லைனுக்கு தீ வைத்த மர்மநபர்கள் குறித்து விசாரிக்கின்றனர்.


விவசாயிகள் எச்சரிக்கை? மேட்டூர் அணை, வறண்ட நீர்பரப்பு பகுதியில், சுற்றுப்பகுதியை சேர்ந்த விவசாயிகளில் சிலர் எள், சோளம் உள்ளிட்ட பயிர்களை சாகுபடி செய்துள்ளனர். மற்ற விவசாயிகள், சாகுபடி செய்யாதபோதும், நீர்பரப்பு பகுதியிலுள்ள நிலத்தை பிரித்து, தங்கள் கட்டுப்பாட்டில் வைத்துள்ளனர். இரு வாரத்துக்கு முன், அணை நீர்பரப்பு பகுதியில், வண்டல் மண் அள்ள அரசு அனுமதி வழங்கியது. ஆனால், தங்கள் கட்டுப்பாட்டிலுள்ள நிலத்தில், மண் தோண்டி எடுக்கக்கூடாது என, சில விவசாயிகள் எதிர்ப்பு தெரிவித்தனர். ஆனால், அணை நீர்பரப்பு பகுதி, பொதுப்பணித்துறை கட்டுப்பாட்டில் உள்ளதால், மண் தோண்டி எடுப்பதை விவசாயிகளால் தடுக்க முடியவில்லை. இதுதொடர்பாக விவசாயிகள், பொதுப்பணித்துறை இடையே,'லடாய்' நீடித்தது. இச்சூழலில், பொக்லைன் தீப்பற்றி எரிந்தது. இதனால், மண் தோண்டி எடுப்பவர்களுக்கு, விவசாயிகள் மிரட்டல் விடுக்கும் விதமாக தீ வைத்தனரா என, போலீசார் விசாரிக்கின்றனர்.


 

Advertisement


வாசகர்களுக்கு ஓர் அன்பான வேண்டுகோள்.
1.செய்திகள் குறித்த கருத்துக்களைப் பதிவு செய்யும்போது, எவருடைய மனதையும் புண்படுத்தாத வகையில், நாகரிகமான முறையில் உங்கள் கருத்துகள் இருக்க வேண்டும் என்று எதிர்பார்க்கிறோம்.
வாசகர் கருத்து
முதல் நபராக கருத்து தெரிவியுங்கள்!
உங்கள் கருத்தைப் பதிவு செய்ய :
Login :
New to Dinamalar ?
வாசகர்கள் கருத்துப் பகுதியில் வெளியாகி இருக்கும் கருத்துக்கள், உரிய முறையில் தணிக்கை செய்யப்பட்டே வெளியி‌டப்படுகின்றன.
(Press Ctrl+g or click this   to toggle between English and Tamil)
அன்புள்ள வாசகர்களே!,
நீங்கள் கருத்துப் பதிவு செய்ய LOGIN செய்ததும், My Page என்ற பட்டனை கிளிக் செய்து. அதில் உங்கள் புகைப்படம், மெயில் முகவரி, ஊர், நாடு ஆகியவற்றைப் பதிவு செய்ய புதிய வசதி செய்யப்பட்டுள்ளது. ஏற்கனவே பதிவு செய்த புகைப்படத்தை நீக்கவும் வசதி உள்ளது. மேலும் இதுவரை நீங்கள் தெரிவித்த கருத்துக்களைத் தொகுப்பாக பார்த்துக் கொள்ளலாம். இந்த புதிய வசதியை வாசகர்கள் முழுமையாக பயன்படுத்திக் கொள்ள விரும்புகிறோம். உங்களுடைய புகைப்படத்தை மட்டுமே பதிவு செய்யவும்; வேறு எந்த புகைப்படத்தையும் பதிவு செய்ய வேண்டாம்.

We use cookies to understand how you use our site and to improve user experience. This includes personalising content and advertising. By continuing to use our site, you accept our use of cookies, revised Privacy Policy.

Learn more I agree X