வன வளம் மேம்பாடு; யானைகள் தின விழாவில் பெருமிதம்
Advertisement
 
 
 
Advertisement
Advertisement
dinamalar-advertisement-tariff-2018
 
எழுத்தின் அளவு:

பதிவு செய்த நாள்

19 ஆக
2019
22:59

ஊட்டி:'தமிழகத்தில் சுருங்கி இருந்த வனங்களின் பரப்பளவு கடந்த, 30 ஆண்டுகளில் பெருகி உள்ளது,' உலக யானைகள் தின விழாவில் தெரிவிக்கப்பட்டது.ஊட்டி அரசு கலை கல்லுாரியில் உலக யானைகள் தின விழா கொண்டாடப்பட்டது. விலங்கியல் துறை பேராசிரியர் ராமகிருஷ்ணன் வரவேற்றார்.


கல்லுாரி முதல்வர் ஈஸ்வரமூர்த்தி தலைமை வகித்து பேசுகையில்,''யானைகளின் தந்தங்கள் வேட்டையாடப்படுவது குறைந்துள்ளதால், தற்போது யானைகளின் எண்ணிக்கை உயர்ந்துள்ளது. நீலகிரியில், முதுமலை மற்றும் கூடலுார் பகுதிகளில் யானைகள் அதிகளவில் வாழ்கின்றன. யானைகள் வாழ்ந்தால், உயிர் சூழல் மேம்படும். இதனால், யானைகள் வழித்தடங்களில் கட்டடங்கள் கட்டுவது தவிர்க்கப்பட வேண்டும். யானைகளின் பாதுகாப்பை மக்களாகிய நாம் உறுதி செய்வது அவசியம். நாட்டிலேயே, ஊட்டி அரசு கலை கல்லுாரியில் விலங்கியல் மற்றும் வன உயிரியல் துறை செயல்பட்டு வரும் நிலையில், துறை பேராசிரியர்கள் தொடர்ந்து ஆய்வு மேற்கொண்டு வருகின்றனர். எனவே, இங்கு பயிலும் மாணவர்கள் இத்துறையில் சிறந்து விளங்க முடியும்,'' என்றார்.முதுமலை புலிகள் காப்பக கள இயக்குனர் கவுசல் சிறப்பு விருந்தினராக பங்கேற்று பேசியதாவது:கடந்த காலங்களில் விவசாயத்திற்காகவும், வேறு காரணங்களுக்காகவும் வன வளங்கள் அழிக்கப்பட்டும், வன விலங்குகளும் வேட்டையாடப்பட்டு வந்தன. மத்திய அரசால், 1980ல் வன சட்டம் நிறைவேற்றப்பட்டதை அடுத்து, வன விலங்குகளும் வனங்களும் பாதுகாக்கப்பட்டு வருகின்றன. குறிப்பாக, வனப்பகுதியில் சுரங்கம் தோண்டுவது உள்ளிட்ட தேவைகளுக்காக அனுமதி வழங்கப்படாமல் இருந்ததால், 30 ஆண்டுகளில் தமிழகத்தில் வனவளம் மேம்பட்டுள்ளது. வனம் மற்றும் வன உயிரினங்களின் பாதுகாப்பில் நீதிமன்றங்களின் பங்கு அதிகமாக உள்ளது.


நீலகிரி மாவட்டத்தில், முதுமலை புலிகள் காப்பகம் பகுதியில், யானை, புலி, கரடி மற்றும் சிறுத்தை உள்ளிட்ட வன விலங்குகள் அதிகளவில் வாழ்கின்றன. ஆனால், இங்கு, ஆக்கிரமித்துள்ள யூபட்டோரியம், லேண்டானா மற்றும் பார்த்தீனியம் போன்ற அன்னிய நாட்டு செடிகளால், விலங்குகளுக்கு உணவு தட்டுப்பாடு ஏற்பட்டுள்ளது. இவ்வகை செடிகளை அகற்றுவது சவாலாகவே உள்ளது.


யானைகளின் வழித்தடங்களை மறித்து கட்டடங்கள் கட்டுவதும், ஆக்கிரமிப்புகளாலும் யானைகளின் வாழ்வாதாரம் பாதிக்கப்படுகிறது. இதனை தவிர்த்தாலே, யானைகள் சுதந்திரமாக வாழ வழிவகை ஏற்படும். எனவே வன வளங்களை யும் வன உயிரினங்களையும் பாதுகாப்பது நமது கடமையாகும். இவ்வாறு கவுசல் பேசினார்.தொடர்ந்து, யானைகளின் வாழ்வியல் மற்றும் வனப்பாதுகாப்பு குறித்து மாணவ, மாணவியருக்கு வினாடி--வினா போட்டி நடத்தப்பட்டு, வெற்றி பெற்றவர்களுக்கு பரிசு மற்றும் சான்றிதழ் வழங்கப்பட்டது. துறை தலைவர் எபினேசர் முன்னிலை வகித்தார். கல்லுாரி பேராசிரியர்கள் மாணவ மாணவியர் பலர் பங்கேற்றனர். பேராசிரியர் கண்ணன் நன்றி கூறினார்.

 

Advertisement
மேலும் நீலகிரி மாவட்ட  செய்திகள் :


வாசகர்களுக்கு ஓர் அன்பான வேண்டுகோள்.
1.செய்திகள் குறித்த கருத்துக்களைப் பதிவு செய்யும்போது, எவருடைய மனதையும் புண்படுத்தாத வகையில், நாகரிகமான முறையில் உங்கள் கருத்துகள் இருக்க வேண்டும் என்று எதிர்பார்க்கிறோம்.
வாசகர் கருத்து
முதல் நபராக கருத்து தெரிவியுங்கள்!
உங்கள் கருத்தைப் பதிவு செய்ய :
Login :
New to Dinamalar ?
வாசகர்கள் கருத்துப் பகுதியில் வெளியாகி இருக்கும் கருத்துக்கள், உரிய முறையில் தணிக்கை செய்யப்பட்டே வெளியி‌டப்படுகின்றன.
(Press Ctrl+g or click this   to toggle between English and Tamil)
அன்புள்ள வாசகர்களே!,
நீங்கள் கருத்துப் பதிவு செய்ய LOGIN செய்ததும், My Page என்ற பட்டனை கிளிக் செய்து. அதில் உங்கள் புகைப்படம், மெயில் முகவரி, ஊர், நாடு ஆகியவற்றைப் பதிவு செய்ய புதிய வசதி செய்யப்பட்டுள்ளது. ஏற்கனவே பதிவு செய்த புகைப்படத்தை நீக்கவும் வசதி உள்ளது. மேலும் இதுவரை நீங்கள் தெரிவித்த கருத்துக்களைத் தொகுப்பாக பார்த்துக் கொள்ளலாம். இந்த புதிய வசதியை வாசகர்கள் முழுமையாக பயன்படுத்திக் கொள்ள விரும்புகிறோம். உங்களுடைய புகைப்படத்தை மட்டுமே பதிவு செய்யவும்; வேறு எந்த புகைப்படத்தையும் பதிவு செய்ய வேண்டாம்.

We use cookies to understand how you use our site and to improve user experience. This includes personalising content and advertising. By continuing to use our site, you accept our use of cookies, revised Privacy Policy.

Learn more I agree X