பலே கொள்ளையன் சிக்கினான்
Advertisement
 
 
 
Advertisement
Advertisement
dinamalar-advertisement-tariff-2018
 
எழுத்தின் அளவு:

பதிவு செய்த நாள்

24 ஆக
2019
00:01

மடிப்பாக்கம்: மடிப்பாக்கம், கோவிந்தசாமி நகரைச் சேர்ந்த வெங்டேச சாஸ்திரிகள், 65, ராஜேந்திரன், 57, ஆகியோரின் வீடுகள் உட்பட, மூன்று வீடுகளில், 56 சவரன் நகைகள், கார் ஆகியவை, சமீபத்தில் திருடு போனது. மடிப்பாக்கம் போலீசார் விசாரணையில், சேலத்தைச் சேர்ந்த பிரம்மமூர்த்தி என்ற பிரபல கொள்ளையன் சம்பந்தப்பட்டிருப்பது தெரிந்தது. அவரை பிடித்து விசாரித்தபோது, சேலத்தைச் சேர்ந்த வினோத், 28, என்பவருடன் திருட்டில் ஈடுபட்டது தெரிந்தது. 21 சவரன் நகைகள் மற்றும் திருடப்பட்ட கார், திருச்சியில் மீட்கப்பட்டது. அவரை சிறையில் அடைத்த போலீசார், வினோத்தை தேடி வருகின்றனர்.


பூட்டை உடைத்து 6 சவரன் திருட்டு


மாங்காடு: மாங்காட்டை அடுத்த மேல் ரகுநாதபுரத்தைச் சேர்ந்தவர், கோவிந்தசாமி. இவரது மனைவி திவ்ய பிரியா, 34; தனியார் பள்ளி ஆசிரியை. நேற்று முன்தினம் இரவு, கீழ் தளத்தில் உள்ள வீட்டை பூட்டி, மேல் தளத்தில் உள்ள வீட்டில் துாங்க சென்றனர். நேற்று காலை பார்த்தபோது, கீழ்தள வீட்டின் பூட்டை உடைத்து, மர்ம நபர்கள், ஆறு சவரன் நகையை, திருடிச் சென்றது தெரிய வந்தது. மாங்காடு போலீசார் விசாரிக்கின்றனர்.வாலிபரிடம் மொபைல் பறிப்புஆயிரம்விளக்கு: கோல்கட்டாவைச் சேர்ந்தவர், ராகுல் ராய், 20. நேற்று முன்தினம் இரவு, நுங்கம்பாக்கம் ஹாடோஸ் சாலையோரம் நின்றிருந்தார். அப்போது, இருசக்கர வாகனத்தில் வந்த இருவர், அவரது மொபைல் போனை பறித்து தப்பினர். ஆயிரம்விளக்கு போலீசார் விசாரிக்கின்றனர்.


செயின் பறித்தவர்களுக்கு வலை


திருமுல்லைவாயல்: திருமுல்லைவாயல், தென்றல் நகரைச் சேர்ந்தவர், சுகுமார், 35; தனியார் நிறுவன ஊழியர்.இவரது மனைவி வேதவல்லி, 30; அழகு கலை நிபுணர். இவரது கடை, அதே பகுதியில் உள்ள, 7வது தெருவில் உள்ளது. நேற்று மதியம், 3:00 மணியளவில் வேதவல்லி தன் கடைக்கு நடந்து சென்றபோது, இருசக்கர வாகனத்தில் வந்த மர்ம நபர்கள், அவரது 2.5 சவரன் தாலி செயின் மற்றும் 1.5 சவரன் செயினை பறித்து தப்பினர். திருமுல்லைவாயல் போலீசார் விசாரிக்கின்றனர்.7 பேருக்கு, 'குண்டாஸ்'சென்னை: கொடுங்கையூர், முத்தமிழ் நகரைச் சேர்ந்தவர், பிரதீப் குமார், 25, வியாசர்பாடியைச் சேர்ந்தவர், ரமேஷ், 25. ரவுடிகளான இவர்கள், கொலை வழக்கில் சிக்கி, புழல் சிறையில் அடைக்கப்பட்டு இருந்தனர். அங்கு ஏற்பட்ட தகராறில், ரவுடி பாக்சர் முரளி என்பவரை தீர்த்துக்கட்டினர்.அதேபோல், கொலை குற்றவாளியான, பழைய வண்ணாரப்பேட்டையைச் சேர்ந்த, மணிகண்டன், 30, குன்றத்துாரைச் சேர்ந்த, விபசார புரோக்கர், பார்த்திபன், 29, ஆகியோரை, போலீசார் நேற்று, குண்டர் தடுப்பு சட்டத்தில் கைது செய்தனர்.


கஞ்சா விற்றவருக்கு, 'கம்பி'


எண்ணுார்: எண்ணுார் போலீசார், நேற்று முன்தினம் காலை, எண்ணுார் விரைவு சாலை, தாழங்குப்பம் பீச் ரோட்டில், கண்காணிப்பில் ஈடுபட்டிருந்தனர். அங்கு, இருசக்கர வாகனத்துடன், சந்தேகத்திற்கு இடமான வகையில், நின்றவரை பிடித்து விசாரித்தனர். இதில், கஞ்சா விற்றது தெரிய வந்தது. இது தொடர்பாக, என்.டி.ஓ., குப்பத்தைச் சேர்ந்த, ராஜேந்திரன், 25, என்பவரை கைது செய்தனர். அவரிடமிருந்து, 1.2 கிலோ கஞ்சா பொட்டலங்கள், இரு சக்கர வாகனத்தையும் பறிமுதல் செய்தனர்.


கேரள வாலிபர்கள் கைது


மயிலாப்பூர்: கேரள மாநிலம், காசர்கோடைச் சேர்ந்தவர்கள், ஷெரீப், 32, சாம்ஷீர், 38. இவர்கள், இரு தினங்களுக்கு முன், தென் கொரியாவுக்கு செல்ல, மயிலாப்பூர், ராதாகிருஷ்ணன் சாலையில் உள்ள, அந்நாட்டு துணை துாதரகத்தில், விசா பெற, ஆவணங்களை தாக்கல் செய்தனர்.துணை துாதரக அதிகாரிகள், அந்த ஆவணங்களை சரிபார்த்தபோது, போலி என, தெரிய வந்தது. இதையடுத்து, இருவரையும், மயிலாப்பூர் காவல் நிலையத்தில் ஒப்படைத்தனர். அதன் பின், சென்னை போலீஸ் கமிஷனர் அலுவலகத்தில் செயல்படும், மத்திய குற்றப்பிரிவு போலீசாரிடம் ஒப்படைக்கப்பட்டனர்.

 

Advertisement
மேலும் சென்னை மாவட்ட  செய்திகள் :
முக்கிய செய்திகள்
பொது
பிரச்னைகள்
சம்பவம்


வாசகர்களுக்கு ஓர் அன்பான வேண்டுகோள்.
1.செய்திகள் குறித்த கருத்துக்களைப் பதிவு செய்யும்போது, எவருடைய மனதையும் புண்படுத்தாத வகையில், நாகரிகமான முறையில் உங்கள் கருத்துகள் இருக்க வேண்டும் என்று எதிர்பார்க்கிறோம்.
வாசகர் கருத்து
முதல் நபராக கருத்து தெரிவியுங்கள்!
உங்கள் கருத்தைப் பதிவு செய்ய :
Login :
New to Dinamalar ?
வாசகர்கள் கருத்துப் பகுதியில் வெளியாகி இருக்கும் கருத்துக்கள், உரிய முறையில் தணிக்கை செய்யப்பட்டே வெளியி‌டப்படுகின்றன.
(Press Ctrl+g or click this   to toggle between English and Tamil)
அன்புள்ள வாசகர்களே!,
நீங்கள் கருத்துப் பதிவு செய்ய LOGIN செய்ததும், My Page என்ற பட்டனை கிளிக் செய்து. அதில் உங்கள் புகைப்படம், மெயில் முகவரி, ஊர், நாடு ஆகியவற்றைப் பதிவு செய்ய புதிய வசதி செய்யப்பட்டுள்ளது. ஏற்கனவே பதிவு செய்த புகைப்படத்தை நீக்கவும் வசதி உள்ளது. மேலும் இதுவரை நீங்கள் தெரிவித்த கருத்துக்களைத் தொகுப்பாக பார்த்துக் கொள்ளலாம். இந்த புதிய வசதியை வாசகர்கள் முழுமையாக பயன்படுத்திக் கொள்ள விரும்புகிறோம். உங்களுடைய புகைப்படத்தை மட்டுமே பதிவு செய்யவும்; வேறு எந்த புகைப்படத்தையும் பதிவு செய்ய வேண்டாம்.

We use cookies to understand how you use our site and to improve user experience. This includes personalising content and advertising. By continuing to use our site, you accept our use of cookies, revised Privacy Policy.

Learn more I agree X