இது, 'பிட்டிங்' பாஸ்! வாகனங்களை அபகரிக்கும் புது டெக்னிக்
Advertisement
 
 
 
Advertisement
Advertisement
dinamalar-advertisement-tariff-2018
 
எழுத்தின் அளவு:

மாற்றம் செய்த நாள்

20 செப்
2019
01:44
பதிவு செய்த நாள்
செப் 20,2019 01:42

கோவை:கோவையில் 'பிட்டிங்' எனும் பெயரில் வாகனங்களை அடகு பெற்று அபகரிப்பவர்கள் குறித்து, 'அலர்ட்' செய்துள்ளனர் போலீசார். உரிய ஆவணங்கள் இல்லாமல், ஒரு வாகனத்தின் உரிமையாளர் மற்றவருக்கு விற்பனை செய்வதோ, அடகு வைப்பதோ, சட்டத்துக்கு புறம்பானது என்று எச்சரித்துள்ளனர்.


கோவையில் போக்குவரத்து விதிமீறல்களில் ஈடுபடும், வாகனங்களின் பதிவு எண்களை கொண்டு, 'போலீஸ்-இ ஐ' ஆப் மூலம் உரிமையாளருக்கு, அபராதம் விதிக்கப்படுகிறது.இது போன்று சிக்கும் வாகனங்களின் உரிமையாளர்களுக்கு, அபராத ரசீது கொண்டு செல்லும்போது தான், பல வாகனங்கள் 'பிட்டிங்' வைக்கப்பட்டிருப்பது தெரியவந்துள்ளது.அதென்ன பிட்டிங்?பொதுவாக அவசர பண தேவைக்கு நகை, வீட்டு பத்திரங்களை அடமானம் வைப்பதுபோல், வாகனங்களை எவ்வித ஆவணங்களும் இல்லாமல், அடகு வைத்து பணம் பெறுவதன் பெயர் தான் 'பிட்டிங்'. இந்த வகையில் வாகனங்களை, அடகு வைக்கும்போது, வாகனத்தின் மதிப்புக்கு ஏற்ப, உரிமையாளருக்கு பாதி பணம் கொடுக்கப்படும்.பகீர் நிபந்தனைஅந்த தொகையை, குறிப்பிட்ட ஒரு வாரம் அல்லது ஒரு மாதத்துக்குள் அவர்கள் கேட்கும் வட்டியுடன், திருப்பி கொடுக்க வேண்டும். இல்லை என்றால் அந்த வாகனத்தை, 'பிட்டிங்' எடுத்த நபர், யாருக்கு வேண்டுமென்றாலும் விற்று விடலாம். அல்லது வாகனத்தை உடைத்து கழிவுகளாக விற்பனை செய்து கொள்ளலாம்.


இதுதான் 'பிட்டிங்' தொழிலின் நிபந்தனை.இதுபோல் 'பிட்டிங்' வைத்து வாங்கும் வாகனங்களை, பெரும்பாலும் குறைந்த விலைக்கு வேறு ஒரு நபருக்கு, போலியாக ஆவணங்களை தயாரித்தும், ஆவணங்கள் இல்லாமலும் விற்பனை செய்கின்றனர். இந்த 'பிட்டிங்' வாகனங்கள் மூலம், பல்வேறு குற்ற செயல்களும் அரங்கேறி வருகின்றன.இது குறித்து, குற்றப்பிரிவு துணை கமிஷனர் பெருமாள் கூறியதாவது:கோவையில் டிராவல்ஸ் ரக கார்கள், பைக்குகள் அதிகமாக 'பிட்டிங்' வைக்கப்பட்டு வருகின்றன. எட்டு முதல், 10 ரூபாய் வட்டி வரை பெறுகின்றனர். அதிக வட்டி செலுத்த முடியாமல், பலர் தங்கள் வாகனங்களை இழக்கின்றனர்.


இதுபோன்ற ஆவணங்கள் இல்லாத வாகனங்களை வாங்கும் நபர்கள், அதனை ஐ.டி., நிறுவன வாடகைக்கும், சட்டவிரோத செயல்களுக்கும் பயன்படுத்துகின்றனர். உரிய ஆவணங்கள் இல்லாமல், ஒரு வாகனத்தின் உரிமையாளர் மற்றவருக்கு விற்பனை செய்வதோ, அடகு வைப்பதோ, சட்டத்துக்கு புறம்பானது.


எவரிடமும் உரிய ஆவணங்கள் இல்லாமல், பழைய வாகனங்களை வாங்க கூடாது. திருட்டு வாகனம் என தெரிந்தும் வாங்குவோர் மீது, நடவடிக்கை எடுக்கப்படும். கடந்த வாரம் பைக்குகளை திருடிய மற்றும் அதனை தெரிந்து வாங்கிய, ஒன்பது பேர் கைது செய்யப்பட்டனர்.இவ்வாறு, அவர் கூறினார்.பிட்டிங் வாகனங்கள் உலா வரும் பகுதிகள்கோவையில் 'பிட்டிங்' வாகனங்கள், அதிகம் வலம் வரும் இடங்கள் சில உள்ளன. அவற்றில் உக்கடம், ஆத்துப்பாலம், குனியமுத்துார், போத்தனுார் இடங்கள் இதில் குறிப்பிடப்படுபவை ஆகும். இதுபோன்ற மோசடிகளில் ஈடுபடும் நபர்கள் குறித்து, தகவல் தெரிவிக்க போலீசார் அறிவுறுத்தியுள்ளனர்.

 

Advertisement
மேலும் கோயம்புத்தூர் மாவட்ட  செய்திகள் :
முக்கிய செய்திகள்
பொது
பிரச்னைகள்
சம்பவம்


வாசகர்களுக்கு ஓர் அன்பான வேண்டுகோள்.
1.செய்திகள் குறித்த கருத்துக்களைப் பதிவு செய்யும்போது, எவருடைய மனதையும் புண்படுத்தாத வகையில், நாகரிகமான முறையில் உங்கள் கருத்துகள் இருக்க வேண்டும் என்று எதிர்பார்க்கிறோம்.
வாசகர் கருத்து
முதல் நபராக கருத்து தெரிவியுங்கள்!
உங்கள் கருத்தைப் பதிவு செய்ய :
Login :
New to Dinamalar ?
வாசகர்கள் கருத்துப் பகுதியில் வெளியாகி இருக்கும் கருத்துக்கள், உரிய முறையில் தணிக்கை செய்யப்பட்டே வெளியி‌டப்படுகின்றன.
(Press Ctrl+g or click this   to toggle between English and Tamil)
அன்புள்ள வாசகர்களே!,
நீங்கள் கருத்துப் பதிவு செய்ய LOGIN செய்ததும், My Page என்ற பட்டனை கிளிக் செய்து. அதில் உங்கள் புகைப்படம், மெயில் முகவரி, ஊர், நாடு ஆகியவற்றைப் பதிவு செய்ய புதிய வசதி செய்யப்பட்டுள்ளது. ஏற்கனவே பதிவு செய்த புகைப்படத்தை நீக்கவும் வசதி உள்ளது. மேலும் இதுவரை நீங்கள் தெரிவித்த கருத்துக்களைத் தொகுப்பாக பார்த்துக் கொள்ளலாம். இந்த புதிய வசதியை வாசகர்கள் முழுமையாக பயன்படுத்திக் கொள்ள விரும்புகிறோம். உங்களுடைய புகைப்படத்தை மட்டுமே பதிவு செய்யவும்; வேறு எந்த புகைப்படத்தையும் பதிவு செய்ய வேண்டாம்.

We use cookies to understand how you use our site and to improve user experience. This includes personalising content and advertising. By continuing to use our site, you accept our use of cookies, revised Privacy Policy.

Learn more I agree X