கனமழை: சாலைகளில் பெருவெள்ளம்!
Advertisement
 
 
 
Advertisement
Advertisement
dinamalar-advertisement-tariff-2018
 
எழுத்தின் அளவு:

பதிவு செய்த நாள்

16 அக்
2019
05:12

ஊட்டி:ஊட்டியில் பெய்த கனமழை காரணமாக, சாலையில் தண்ணீர் பெருக்கெடுத்து ஓடியதால், டவுன்பஸ் போக்குவரத்து பாதிக்கப்பட்டது.ஊட்டி சுற்றுவட்டார பகுதிகளில் கடந்த சில நாட்களாக, இரவு முழுவதும் கனமழை பெய்து வருகிறது. அதன் தொடர்ச்சியாக, ஊட்டியில் நேற்று பகல் கனமழை கொட்டி தீர்த்தது. இதில், ரயில்வே போலீஸ் ஸ்டேஷனில் தண்ணீர் புகுந்ததால், போலீசார் பணி செய்ய முடியாமல் பாதிக்கப்பட்டது.மேலும், முக்கிய சாலைகளில் தண்ணீர் தேங்கியது. குறிப்பாக, படகு இல்லம் செல்லும் ரயில்வே பாலம் பகுதியில் தண்ணீர் தேங்கியதால், அரை மணிநேரம் டவுன் பஸ் போக்குவரத்து நிறுத்தப்பட்டது. மேலும், சுற்றுலா வாகனங்கள் தண்ணீரில் சிக்கி செல்ல முடியாத சூழ்நிலை ஏற்பட்டது.மழை ஓய்ந்து, தண்ணீர் வடிந்ததை அடுத்து, போக்குவரத்து சீரானது. இதனால், சுற்றுலா பயணிகள் மற்றும் உள்ளூர் மக்கள் பெரிதும் பாதிக்கப்பட்டனர்.இதேபோல, கோத்தகிரி சுற்றுவட்டார பகுதிகளில், கூக்கல் தொரை உட்பட சில இடங்களில் லேசான மண்சரிவு ஏற்பட்டது. கோத்தகிரி கிளப் ரோடு பகுதியில், 5 வீடுகளுக்குள் தண்ணீர் புகுந்து உடமைகள் சேதமடைந்தன.கோத்தகிரி கொணவக்கரை ஊராட்சி அட்டடி, மேல் கட்டபெட்டு, குமரன் காலனி, சன்சைன் நகர் மற்றும் கைத்தளா உள்ளிட்ட பகுதிகளில், மொத்தம், 19 வீடுகள் சேதமடைந்தன. பாதிக்கப்பட்டோருக்கு தலா, 4,100 ரூபாய், நிவாரணத்தொகை வழங்கப்பட்டது.மேலும், ஊட்டி--மஞ்சூர் கோரக்குந்தா சாலையில், சில இடங்களில் லேசான மண்சரிவு ஏற்பட்டது. குந்தா பாலம் பகுதியில், சாலையில் பாறை விழுந்ததால், மஞ்சூர்-ஊட்டி- குன்னுாருக்கான போக்குவரத்து இரவு வரை பாதிக்கப்பட்டது. கிராம மக்கள் தங்கள் பகுதிகளுக்கு செல்ல முடியாமல் தவித்தனர்.கனமழை காரணமாக, கெத்தை அணை திறக்கப்பட்டதால், பில்லுார் மற்றும் பரளி உள்ளிட்ட பகுதி மக்களுக்கு வெள்ள அபாய எச்சரிக்கை விடுக்கப்பட்டது. தொடர் மழையால் சில பகுதிகளில் மட்டும், சில மணி நேரம் மின்தடை ஏற்பட்டது.

 

Advertisement
மேலும் நீலகிரி மாவட்ட  செய்திகள் :
பொது
பிரச்னைகள்
சம்பவம்


வாசகர்களுக்கு ஓர் அன்பான வேண்டுகோள்.
1.செய்திகள் குறித்த கருத்துக்களைப் பதிவு செய்யும்போது, எவருடைய மனதையும் புண்படுத்தாத வகையில், நாகரிகமான முறையில் உங்கள் கருத்துகள் இருக்க வேண்டும் என்று எதிர்பார்க்கிறோம்.
வாசகர் கருத்து
முதல் நபராக கருத்து தெரிவியுங்கள்!
உங்கள் கருத்தைப் பதிவு செய்ய :
Login :
New to Dinamalar ?
வாசகர்கள் கருத்துப் பகுதியில் வெளியாகி இருக்கும் கருத்துக்கள், உரிய முறையில் தணிக்கை செய்யப்பட்டே வெளியி‌டப்படுகின்றன.
(Press Ctrl+g or click this   to toggle between English and Tamil)
அன்புள்ள வாசகர்களே!,
நீங்கள் கருத்துப் பதிவு செய்ய LOGIN செய்ததும், My Page என்ற பட்டனை கிளிக் செய்து. அதில் உங்கள் புகைப்படம், மெயில் முகவரி, ஊர், நாடு ஆகியவற்றைப் பதிவு செய்ய புதிய வசதி செய்யப்பட்டுள்ளது. ஏற்கனவே பதிவு செய்த புகைப்படத்தை நீக்கவும் வசதி உள்ளது. மேலும் இதுவரை நீங்கள் தெரிவித்த கருத்துக்களைத் தொகுப்பாக பார்த்துக் கொள்ளலாம். இந்த புதிய வசதியை வாசகர்கள் முழுமையாக பயன்படுத்திக் கொள்ள விரும்புகிறோம். உங்களுடைய புகைப்படத்தை மட்டுமே பதிவு செய்யவும்; வேறு எந்த புகைப்படத்தையும் பதிவு செய்ய வேண்டாம்.

We use cookies to understand how you use our site and to improve user experience. This includes personalising content and advertising. By continuing to use our site, you accept our use of cookies, revised Privacy Policy.

Learn more I agree X