செங்கல்பட்டு ரயில்கள் பாதி வழியில் ரத்து | காஞ்சிபுரம் செய்திகள் | Dinamalar
செங்கல்பட்டு ரயில்கள் பாதி வழியில் ரத்து
Advertisement
 

பதிவு செய்த நாள்

16 அக்
2019
06:19

சிங்கப்பெருமாள்கோவில் - காட்டாங்குளத்துார் இடையே, ரயில் பாதையில் பராமரிப்பு பணி நடப்பதால், கடற்கரை - செங்கல்பட்டு ரயில்கள், இன்றும், நாளையும், பாதி வழியில் ரத்து செய்யப்பட்டு உள்ளன.


* சென்னை கடற்கரை நிலையத்தில் இருந்து, செங்கல்பட்டு, அரக்கோணம் வழியாக, மீண்டும் சென்னை கடற்கரைக்கு இயக்கப்படும் வட்ட பாதை ரயில், இன்றும், நாளையும், கூடுவாஞ்சேரி வரை மட்டுமே இயக்கப்படும்


* கடற்கரை நிலையத்தில் இருந்து, செங்கல்பட்டுக்கு, காலை, 9:32 மணி, மற்றும் 10:56 மணிக்கு இயக்கப்படும் புறநகர் மின்சார ரயில்கள், தாம்பரம் வரை மட்டுமே இயக்கப்படும்


* கடற்கரை நிலையத்தில் இருந்து, செங்கல்பட்டுக்கு காலை, 10:08 மணி மற்றும் 11:48 மணிக்கு இயக்கப்படும் ரயில்கள், கூடுவாஞ்சேரி வரை மட்டுமே இயக்கப்படும்lசெங்கல்பட்டில் இருந்து, கும்மிடிப்பூண்டிக்கு, காலை, 10:30 மணிக்கு இயக்க வேண்டிய ரயில், செங்கல்பட்டு - கூடுவாஞ்சேரி இடையே ரத்து செய்யப்பட்டுள்ளது. இந்த ரயில், கூடுவாஞ்சேரி - கும்மிடிப்பூண்டி இடையே மட்டும் இயக்கப்படும்


*செங்கல்பட்டில் இருந்து, கடற்கரைக்கு, காலை, 11:30 மணி மற்றும் மதியம், 1:00 மணிக்கு இயக்கப்படும் ரயில்கள், செங்கல்பட்டு - கூடுவாஞ்சேரி வரை இடையே ரத்து செய்யப்பட்டு உள்ளன. இந்த ரயில்கள் கூடுவாஞ்சேரி - கடற்கரை இடையே மட்டும் இயக்கப்படும்


*செங்கல்பட்டில் இருந்து, கடற்கரை நிலையத்துக்கு, காலை, 10:55 மணி, மற்றும் நண்பகல், 12:20 மணிக்கு இயக்க வேண்டிய ரயில்கள், செங்கல்பட்டு - தாம்பரம் இடையே ரத்து செய்யப்பட்டு உள்ளன


* கடற்கரை நிலையத்தில் இருந்து, செங்கல்பட்டுக்கு, இரவு, 8:01 மணி, மற்றும் 9:18 மணிக்கும் இயக்கப்படும் ரயில்கள், இன்று முதல், வரும், 18ம் தேதி வரை, சிங்கப்பெருமாள்கோவில் வரை மட்டுமே இயக்கப்படும்


*செங்கல்பட்டில் இருந்து, கடற்கரை நிலையத்துக்கு, இரவு, 10:15 மணி, மற்றும் இரவு, 11:10 மணிக்கும் இயக்கப்படும் ரயில்கள், இன்று முதல், வரும், 18ம் தேதி வரை, செங்கல்பட்டு - சிங்கப்பெருமாள் கோவில் இடையே ரத்து செய்யப்பட்டுள்ளன. இந்த ரயில்கள் சிங்கப்பெருமாள் கோவில் - கடற்கரை நிலையம் இடையே மட்டும் இயக்கப்படும் என, தெற்கு ரயில்வே தெரிவித்துள்ளது.

 

Advertisement
மேலும் காஞ்சிபுரம் மாவட்ட  செய்திகள் :


We use cookies to understand how you use our site and to improve user experience. This includes personalising content and advertising. By continuing to use our site, you accept our use of cookies, revised Privacy Policy.

Learn more I agree X