நீலகிரி 'ரெட் அலர்ட்' பட்டியலில் 70 இடங்கள்! மாவட்ட நிர்வாகம் எச்சரிக்கை
Advertisement
 
 
 
Advertisement
Advertisement
dinamalar-advertisement-tariff-2018
 
எழுத்தின் அளவு:

பதிவு செய்த நாள்

22 அக்
2019
23:09

ஊட்டி:நீலகிரியில், கனமழை காரணமாக, மிகவும் அபாயகரமாக கருதப்படும், 70 பகுதிகளின் பட்டியல் அரசுக்கு அனுப்பப்பட்டுள்ளது; 42 சிறப்பு குழுக்கள் அமைத்து, இப்பகுதிகள் கண்காணிப்பு வளையத்துக்குள் கொண்டு வரப்பட்டுள்ளன.நீலகிரி மாவட்டத்தில், நேற்று முன்தினம் இரவு கனமழை பெய்தது.


நேற்று காலை, 8:00 மணி நிலவரப்படி, மாவட்டத்தில், 406 மி.மீ., மழை பதிவானது. அதிகபட்சம், தேவாலா, 59, நடுவட்டம், 56, கூடலுார், 48 மி.மீ., பதிவானது. மாவட்டத்தில் பெரிய அணையான அப்பர்பவானி, முழு கொள்ளளவை எட்டியதால், வினாடிக்கு, 250 கனஅடி நீர் வெளியேற்றப்பட்டு வருகிறது. இதனால், அத்திக்கடவு, பில்லுார் போன்ற பகுதிகளில், கரையோரம் வசிக்கும் மக்கள், பாதுகாப்பான இடங்களுக்கு செல்ல, மாவட்ட நிர்வாகம் உத்தரவிட்டுள்ளது.தவிர, குந்தா, கெத்தை, அவலாஞ்சி அணை பகுதிகளிலும், அவ்வப்போது உபரி நீர் வெளியேற்றப்பட்டு வருகிறது. அணை நீர் செல்லும் பகுதிகளில் உள்ள தோட்டங்களில் பயிரிட்டுள்ள காய்கறிகள் பாதிக்கப்பட்டுள்ளன. மழையில், 20 இடங்களில் ஏற்பட்ட மண்சரிவை, நெடுஞ்சாலை துறையினர் சீரமைத்தனர்.கலெக்டர் நேரடி ஆய்வுகலெக்டர் இன்னசென்ட் திவ்யா, நேற்று, மஞ்சூர் குந்தா பாலம், மேட்டுசேரி, மெரிலேண்ட் சாலை, குன்னுார் காட்டேரி, காந்திபுரம், கெந்தளா உட்பட மண்சரிவு ஏற்பட்ட இடங்களையும், அவசர கால முகாம்களையும் பார்வையிட்டார். இவருடன், நெடுஞ்சாலை, தீயணைப்பு, வருவாய் துறை அதிகாரிகள் சென்றனர்.மாவட்டத்தில், சமீபத்தில் நடத்தப்பட்ட புவியியல் துறையினரின் ஆய்வில், 283 பேரிடர் பகுதிகள் கண்டறியப்பட்டு, அதில், மிகவும் அபாயகரமான பகுதிகளாக, 70 இடங்கள் பட்டியலிடப்பட்டுள்ளன; பட்டியல், மாநில அரசுக்கும் அனுப்பப்பட்டுள்ளது.24 மணிநேரம் கண்காணிப்புகலெக்டர் கூறுகையில், ''மாவட்டத்தின் அனைத்து அபாய பகுதிகளிலும், 24 மணிநேர, கண்காணிப்பு நடவடிக்கை தொடர்கிறது. இதற்கு, 42 சிறப்பு குழுக்கள் அமைக்கப்பட்டுள்ளன. குந்தா, குன்னுார் பகுதிகளில், பேரிடர் பயிற்சி பெற்ற மீட்பு குழுவினரும் தயார் நிலையில் உள்ளனர். தற்போது, மாவட்டத்தில், எவ்வித பாதிப்புகளும் இல்லை. சேதமான வீடுகளுக்கு நிவாரண நிதி வழங்கப்பட்டுள்ளது,'' என்றார்.மிகவும் அபாய பகுதிகளின் விபரம்ஊட்டி தாலுகா:முத்தோரை, எல்க்ஹில், நொண்டி மேடு, தலையாட்டு மந்து, வேலிவியூ, புதுமந்து, ராயல்கேஸ்டில், காந்தி நகர், அம்பேத்கர் நகர், பாக்கியா நகர், கக்குச்சி காந்திநகர், குடிமனை, சிவசக்தி நகர், முக்கிமலை, எமரால்டு, தேவர்பெட்டா, பரமூலா, சேரன் நகர், கெத்தை.குன்னுார் தாலுகா:குன்னுார் - மேட்டுப்பாளையம் சாலை, குன்னூர் நகரம், நஞ்சப்பா சத்திரம், அம்மன் நகர், ரயில்வே நிலைய மேல்பகுதி பாரதிநகர், மேல் மந்தாடா, மித்தல்போர்டு, மணியாபுரம், ஆலாடா வேலி, அதிகரட்டி - குன்னுார் சாலை, அருவங்காடு, ஆலட்டணை, தைமலை, முசாபுரி, சோல்ராக், காவில்கம்பை, பெரியார் நகர் கரிமொரஹட்டி, சின்ன கரும்பாலம்.கூடலுார் மற்றும் பந்தலுார் தாலுகா:மூலைகாடு, பெரியசூண்டி, கூவசோலை, மேல் கூடலுார்.கோத்தகிரி தாலுகா:கொணவக்கரை, ஓம்நகர், சம்பரவூ, நட்டக்கல், பங்கள படிகை, குமரமுடி, பொம்மன், கோத்திமுக்கு, கொப்பையூர், குள்ளங்கரை, கட்டபெட்டு பாரதிநகர், ஜெகதளா, கட்டபெட்டு, தவிட்டு மேடு, கம்பிசோலை, கன்னிகா தேவி காலனி, தொகலட்டி -ஒன்னோரை சாலை, சக்தி நகர், கல்லுார், அரியூர் மட்டம், வெள்ளரிகம்பை, கீரைக்கல், பாரதிநகர், இந்திரா நகர், குனியட்டி, நாரகிரி, குட்டிமணி நகர்.

 

Advertisement
மேலும் நீலகிரி மாவட்ட  செய்திகள் :


வாசகர்களுக்கு ஓர் அன்பான வேண்டுகோள்.
1.செய்திகள் குறித்த கருத்துக்களைப் பதிவு செய்யும்போது, எவருடைய மனதையும் புண்படுத்தாத வகையில், நாகரிகமான முறையில் உங்கள் கருத்துகள் இருக்க வேண்டும் என்று எதிர்பார்க்கிறோம்.
வாசகர் கருத்து
முதல் நபராக கருத்து தெரிவியுங்கள்!
உங்கள் கருத்தைப் பதிவு செய்ய :
Login :
New to Dinamalar ?
வாசகர்கள் கருத்துப் பகுதியில் வெளியாகி இருக்கும் கருத்துக்கள், உரிய முறையில் தணிக்கை செய்யப்பட்டே வெளியி‌டப்படுகின்றன.
(Press Ctrl+g or click this   to toggle between English and Tamil)
அன்புள்ள வாசகர்களே!,
நீங்கள் கருத்துப் பதிவு செய்ய LOGIN செய்ததும், My Page என்ற பட்டனை கிளிக் செய்து. அதில் உங்கள் புகைப்படம், மெயில் முகவரி, ஊர், நாடு ஆகியவற்றைப் பதிவு செய்ய புதிய வசதி செய்யப்பட்டுள்ளது. ஏற்கனவே பதிவு செய்த புகைப்படத்தை நீக்கவும் வசதி உள்ளது. மேலும் இதுவரை நீங்கள் தெரிவித்த கருத்துக்களைத் தொகுப்பாக பார்த்துக் கொள்ளலாம். இந்த புதிய வசதியை வாசகர்கள் முழுமையாக பயன்படுத்திக் கொள்ள விரும்புகிறோம். உங்களுடைய புகைப்படத்தை மட்டுமே பதிவு செய்யவும்; வேறு எந்த புகைப்படத்தையும் பதிவு செய்ய வேண்டாம்.

We use cookies to understand how you use our site and to improve user experience. This includes personalising content and advertising. By continuing to use our site, you accept our use of cookies, revised Privacy Policy.

Learn more I agree X