| முருகன் சிறை அறையிலிருந்து மேலும் 2 சிம்கார்டு பறிமுதல் Dinamalar
முருகன் சிறை அறையிலிருந்து மேலும் 2 சிம்கார்டு பறிமுதல்
Advertisement
 

பதிவு செய்த நாள்

23 அக்
2019
13:59

வேலூர்: வேலூர் சிறையில், முருகன் அடைக்கப்பட்டிருந்த அறையிலிருந்து மேலும் இரண்டு சிம் கார்டுகள் பறிமுதல் செய்யப்பட்டன.


முன்னாள் பிரதமர் ராஜிவ் கொலை வழக்கில் ஆயுள் தண்டனை பெற்ற முருகன், வேலூர் சிறையில் அடைக்கப்பட்டுள்ளார். கடந்த, 18ல் முருகன் அறைக்குள் இருந்து ஒரு மொபைல் போன் மற்றும் தலா ஒரு பேட்டரி, சார்ஜர், சிம்கார்டு பறிமுதல் செய்யப்பட்டன. பாகாயம் போலீசார் வழக்குப்பதிவு செய்து விசாரித்து வருகின்றனர். இதனால், முருகனுக்கு அளிக்கப்பட்டு வந்த, நளினி- முருகன் சந்திப்பு மற்றும் உறவினர்கள் சந்திப்பு போன்ற சலுகைகள், மூன்று மாதத்திற்கு ரத்து செய்யப்பட்டன. இதையடுத்து, உயர் பாதுகாப்பு பிரிவில் உள்ள, வேறு ஒரு அறைக்கு முருகன் நேற்று முன்தினம் மாற்றப்பட்டார். முன்பு அவர் தங்கியிருந்த அறையில், சிறை அதிகாரிகள் குழுவினர் நேற்று சோதனை செய்தனர். அதில், மேலும் இரண்டு சிம் கார்டு, ஒரு சார்ஜரை பறிமுதல் செய்தனர். இது குறித்து, மீண்டும் பாகாயம் போலீசார் முருகன் மீது வழக்கு பதிவு செய்துள்ளனர்.


 

Advertisement
மேலும் வேலூர் மாவட்ட  செய்திகள் :


We use cookies to understand how you use our site and to improve user experience. This includes personalising content and advertising. By continuing to use our site, you accept our use of cookies, revised Privacy Policy.

Learn more I agree X