மாவட்டம் பிரித்ததில் திருக்கோவிலூர் மக்கள்... ஏமாற்றம்! கள்ளக்குறிச்சியில் இணைத்ததால் அதிர்ச்சி
Advertisement
 
 
 
Advertisement
Advertisement
dinamalar-advertisement-tariff-2018
 
எழுத்தின் அளவு:

பதிவு செய்த நாள்

13 நவ
2019
23:45

திருக்கோவிலுார் : மாவட்டம் பிரிப்பு அறிவிப்பு வெளியாகியுள்ள நிலையில் திருக்கோவிலுார் நகரம் விழுப்புரம் மாவட்டத்திலேயே தொடர வேண்டும் என்ற நிலைப்பாட்டில் இருந்த நிலையில், புதிதாக பிரிக்கப்பட்ட கள்ளக்குறிச்சி மாவட்டத்தில் சேர்த்ததால் நகர மக்கள் ஏமாற்றமும், அதிர்ச்சியும் அடைந்துள்ளனர்.



விழுப்புரம் மாவட்டத்தை இரண்டாக பிரித்து கள்ளக்குறிச்சியை தலைமையிடமாகக் கொண்டு புதிய மாவட்டமாக கடந்த ஜனவரி 8ம் தேதி முதல்வர் பழனிசாமி சட்டசபையில் அறிவித்தார்.அதனைத் தொடர்ந்து, கள்ளக்குறிச்சி புதிய மாவட்டத்திற்கு தனி அலுவலராக கிரண்குராலா கடந்த ஜூலை மாதம் 25ம் தேதி நியமிக்கப்பட்டார்.



விழுப்புரம் மற்றும் கள்ளக்குறிச்சியில் நடந்த கருத்து கேட்பு கூட்டத்தில், விழுப்புரம் அருகே உள்ள சுற்று வட்டார பகுதிகளை விழுப்புரம் மாவட்டத்துடன் இணைக்க வேண்டும் எனவும்; கள்ளக்குறிச்சி, புதிய மாவட்ட தலைமையிட அமைவிடம் தொடர்பான மனுக்கள் அதிகளவில் குவிந்தன.திருவெண்ணெய்நல்லுார், அரசூர் உள்ளிட்ட சுற்று வட்டார பகுதியைச் சேர்ந்த கிராம மக்கள், வணிகர்கள், அரசியல் கட்சியினர் என அனைத்து தரப்பினரும் விழுப்புரம் மாவட்டத்திலேயே தொடர விரும்புவதாக தொடர்ந்து பல்வேறு போராட்டங்களில் ஈடுபட்டு வந்தனர்.



இதற்கிடையே, விழுப்புரம் மாவட்டத்தை இரண்டாக பிரித்து முறையான அரசாணை நேற்று முன்தினம் அரசிதழில் வெளியிடப்பட்டது. இதுபற்றிய தகவல் நேற்று காலை தெரியவந்தது.அதன்படி விழுப்புரத்தை தலைமையிடமாகக் கொண்டு விழுப்புரம், திண்டிவனம் என இரண்டு கோட்டங்களுடன் விழுப்புரம், விக்கிரவாண்டி, வானுார், திண்டிவனம், செஞ்சி, மேல்மலையனுார், மரக்காணம், கண்டாச்சிபுரம் உள்ளிட்ட தாலுகாக்களுடன் புதிதாக உருவாக்கப்படவுள்ள திருவெண்ணைநல்லுார் தாலுகாவையும் சேர்த்து மொத்தம் 9 தாலுகாக்களுடன் விழுப்புரம் மாவட்டம் இயங்க உள்ளது.



அதேபோன்று கள்ளக்குறிச்சியை தலைமையிடமாகக் கொண்டு, கள்ளக்குறிச்சி, திருக்கோவிலுார் கோட்டத்தில், கள்ளக்குறிச்சி, சங்கராபுரம், சின்னசேலம், திருக்கோவிலுார், உளுந்துார்பேட்டை, இதனுடன் புதிதாக உருவாக்கப்பட உள்ள கல்வராயன்மலை தாலுகாவையும் சேர்த்து 6 தாலுகாக்களுடன் கள்ளக்குறிச்சி மாவட்டம் அறிவிக்கப்பட்டுள்ளது.இதன் மூலம் திருக்கோவிலுார் தாலுகாவில் பெரும்பாலான கிராமங்கள் பிரிக்கப்பட்டு திருவெண்ணைநல்லுார் தாலுகாவுடன் சேர்க்கப்பட உள்ளது.இதனால், திருக்கோவிலுார் நகரம் உள்ளிட்ட ஒரு சில கிராமங்களுடன், மணலூர்பேட்டை பகுதிகள் மட்டும் கள்ளக்குறிச்சியுடன் இணைகிறது.இதில் மணலுார்பேட்டை உள்ளிட்ட கிராம பகுதியினர் கூட கள்ளக்குறிச்சியை விரும்புகின்றனர். ஆனால் திருக்கோவிலுார் மக்கள் விழுப்புரத்துடன் இணைந்திருக்க வேண்டும் என அறிவிப்பை எதிர்பார்த்து காத்திருந்தனர்.



இந்நிலையில் அரகண்டநல்லுார், திருவெண்ணைநல்லுார், முகையூர் உள்ளிட்ட பகுதிகள் எங்கு கள்ளக்குறிச்சிக்கு சென்று விடுமோ என்ற அச்ச நிலையில் இருந்த இப்பகுதி மக்களுக்கு இந்த அறிவிப்பு மகிழ்ச்சியை ஏற்படுத்தியுள்ளது.மாறாக திருக்கோவிலுார் நகரம் கள்ளக்குறிச்சியுடன் சேர்க்கப்படுகிறது என்ற அறிவிப்பு திருக்கோவிலுார் நகர மக்களுக்கு பெரும் ஏமாற்றத்தை அளித்துள்ளதாக தெரிவிக்கின்றனர். இது தொடர்பாக மீண்டும் போராட்டங்களை நடத்த தயாராகி வருகின்றனர்.

 

Advertisement
மேலும் விழுப்புரம் மாவட்ட  செய்திகள் :
பொது
பிரச்னைகள்
சம்பவம்


வாசகர்களுக்கு ஓர் அன்பான வேண்டுகோள்.
1.செய்திகள் குறித்த கருத்துக்களைப் பதிவு செய்யும்போது, எவருடைய மனதையும் புண்படுத்தாத வகையில், நாகரிகமான முறையில் உங்கள் கருத்துகள் இருக்க வேண்டும் என்று எதிர்பார்க்கிறோம்.
வாசகர் கருத்து
முதல் நபராக கருத்து தெரிவியுங்கள்!
உங்கள் கருத்தைப் பதிவு செய்ய :
Login :
New to Dinamalar ?
வாசகர்கள் கருத்துப் பகுதியில் வெளியாகி இருக்கும் கருத்துக்கள், உரிய முறையில் தணிக்கை செய்யப்பட்டே வெளியி‌டப்படுகின்றன.
(Press Ctrl+g or click this   to toggle between English and Tamil)
அன்புள்ள வாசகர்களே!,
நீங்கள் கருத்துப் பதிவு செய்ய LOGIN செய்ததும், My Page என்ற பட்டனை கிளிக் செய்து. அதில் உங்கள் புகைப்படம், மெயில் முகவரி, ஊர், நாடு ஆகியவற்றைப் பதிவு செய்ய புதிய வசதி செய்யப்பட்டுள்ளது. ஏற்கனவே பதிவு செய்த புகைப்படத்தை நீக்கவும் வசதி உள்ளது. மேலும் இதுவரை நீங்கள் தெரிவித்த கருத்துக்களைத் தொகுப்பாக பார்த்துக் கொள்ளலாம். இந்த புதிய வசதியை வாசகர்கள் முழுமையாக பயன்படுத்திக் கொள்ள விரும்புகிறோம். உங்களுடைய புகைப்படத்தை மட்டுமே பதிவு செய்யவும்; வேறு எந்த புகைப்படத்தையும் பதிவு செய்ய வேண்டாம்.

We use cookies to understand how you use our site and to improve user experience. This includes personalising content and advertising. By continuing to use our site, you accept our use of cookies, revised Privacy Policy.

Learn more I agree X