Dinamalar

பதிவு செய்த நாள்

அண்ணாசாலை:'ஷாப்பிங் மால்' கழிவு நீர் தொட்டியில், விஷ வாயு தாக்கி வாலிபர் இறந்த வழக்கில், புதிய சட்டப்பிரிவின் கீழ், போலீசார் வழக்கு பதிந்து, நடவடிக்கை எடுத்துள்ளனர்.

ராயப்பேட்டையில் உள்ள, எக்ஸ்பிரஸ் அவென்யூ' மாலில், கழிவு நீர் தொட்டியை சுத்தம் செய்த போது, விஷ வாயு தாக்கி, அருண்குமார், 25, என்ற வாலிபர், நேற்று முன்தினம் உயிரிழந்தார்.இது தொடர்பாக, வழக்கு பதிந்த அண்ணாசாலை போலீசார், மனித கழிவுகளை அள்ள மனிதர்களை பயன்படுத்துவதை தடை செய்யும் சட்டத்தின் கீழ், அவரை பணிக்கு அழைத்துச் சென்ற ஒப்பந்ததாரர் தண்டபாணி, 38, என்பவரை கைது செய்தனர்.

அண்ணா சாலை ஆய்வாளர் கூறியதாவது:கழிவுநீர் தொட்டியை சுத்தம் செய்ய, மனிதர்களை இறக்கக்கூடாது என, தேசிய துப்புரவாளர் ஆணைய விதி உள்ளது. அதை பொருட்படுத்தாமல், மனிதர்களை பயன்படுத்தி, சுத்தம் செய்கின்றனர். இதில், உயிரிழப்பு ஏற்படும் பட்சத்தில், பொதுவாக, ஐ.பி.சி., பிரிவு, 304 (1) அஜாக்கிரதையாக இருந்து உயிரிழப்பு ஏற்பட காரணமாக இருத்தல் என வழக்கு பதியப்படும்.அருண்குமார் உயிரிழப்பிற்கு காரணமான ஒப்பந்ததாரர் மீது, மனிதக்கழிவுகளை அகற்ற மனிதர்களை பயன்படுத்த தடை மற்றும் மறுவாழ்வு சட்டம், 2019ன் கீழ், வழக்கு பதிவு செய்துள்ளோம்.

இந்த வழக்கு பதிவு செய்துள்ளதால், பாதிக்கப்பட்ட குடும்பத்தினருக்கு, உடனடியாக, 10 லட்சம் ரூபாய், 'எக்ஸ்பிரஸ் அவென்யூ' உரிமையாளர் சார்பில் வழங்கப்பட வேண்டும்.சென்னையில், முதன்முறையாக இந்த சட்டத்தின் கீழ், அண்ணா சாலை காவல் நிலையத்தில் தான், வழக்கு பதிவு செய்யப்பட்டுள்ளது.இவ்வாறு அவர் கூறினார்.

• 1.பாதிக்கப்பட்ட பகுதிகளில் மட்டும் மழைநீர் வடிகால் திட்டம் தேவை
• 2. விமானப்படை தளத்தில் நுழைந்த மர்ம நபர் யார்?
• 3. பழைய போட்டோ, வீடியோக்கள் பதிவு
• 4. ராணுவத்தின் தக் ஷிண பாரத தலைமை தளபதி பணி ஓய்வு
• 5. கழிவு நீர் பிரச்னைக்கு தீர்வு

• 1. அபாய நிலையில் கொரட்டூர் ஏரி கலங்கல்
• 2. 200 ஏக்கர் நெற்பயிர்கள் நீரில் மூழ்கி நாசம்
• 3. தரைமட்ட குழாய்களில் குடிநீர் பிடிக்கும் மக்கள்
• 4. தெருவையே வளைத்து தனிநபர் அட்டூழியம்?

• 1. போரூரில் சீட்டு மோசடி பாதிக்கப்பட்டோர் தர்ணா..
• 2. வங்கியில் ரூ.1.50 லட்சம் மாயம்
• 3. பட்டப்பகலில் வீடுகளில் கைவரிசை
• 4. ரூ.14.12 லட்சம் மதிப்புள்ள தங்க தகடுகள் பறிமுதல்
• 5. சிறுமி வன்கொடுமை வழக்கில் தனியார் 'டிவி' நிருபரும் கைது