தமிழ்நாடு பிராமணர் சங்க கிளை வெள்ளி விழா
Advertisement
 
 
 
Advertisement
Advertisement
dinamalar-advertisement-tariff-2018
 
எழுத்தின் அளவு:

பதிவு செய்த நாள்

17 நவ
2019
02:15

சென்னை:தமிழ்நாடு பிராமணர் சங்கத்தின், பெசன்ட் நகர் கிளையின், வெள்ளி விழா கொண்டாட்டம் நேற்று துவங்கியது.


பதிவு செய்யப்பட்ட தமிழ்நாடு பிராமணர் சங்கத்தின் கிளை, பெசன்ட் நகரில் இயங்கி வருகிறது. அதன் சார்பில், பல ஆண்டுகளாக, ஏராளமான சமூக சேவையாற்றப்பட்டு வருகிறது. இக்கிளை துவக்கப்பட்டு, 25 ஆண்டுகள் நிறைவு பெற்றுள்ளன.அதன், இரண்டு நாள் வெள்ளி விழா கொண்டாட்டம், பெசன்ட் நகர், கலாஷேத்ரா காலனி, அருண் டேல் கடற்கரை சாலையில் உள்ள, ரமணியம் மகாலட்சுமி அரங்கில், நேற்று துவங்கியது.முன்னாள் தலைமை தேர்தல் கமிஷனர் டி.எஸ்.கிருஷ்ணமூர்த்தி, விழாவில் சிறப்பு விருந்தினராக பங்கேற்று, கண்காட்சியை திறந்து வைத்து, வெள்ளி விழா மலரை வெளியிட்டார்.நிகழ்ச்சியில் அவர் பேசியதாவது:விமலா பவுண்டேஷன் சார்பில், 7 கோடி ரூபாய் முதலீடு செய்யப்பட்டு, அந்த வருவாயில், தமிழ்நாடு பிராமணர் சங்கம் சமூக சேவையாற்றி வருகிறது.நானும் ஒரு, 'டிரஸ்ட்' உருவாக்கி, சேவையாற்றி வருகிறேன். நம் சேவை, அனைத்து தரப்பினரையும் சென்றடைய வேண்டும். பிராமணர் சமூகத்தைச் சேர்ந்த பலர், மிகவும் வறுமையில் உள்ளனர்.கடவுள் நமக்கு கொடுத்ததை, பகிர்ந்து கொள்ள வேண்டும். செய்யும் தர்மத்திற்கு விளம்பரம் கூடாது. நம் கலாசாரத்தை ஒருபோதும் விட்டுக் கொடுக்கக் கூடாது; அதே நேரம், மற்றவர்களின் கலாசாரத்தையும் மதிக்க வேண்டும்.இவ்வாறு, அவர் பேசினார்.


விழா மலரின் முதல் பிரதியை பெற்ற, பிராமணர் சங்க மாநில தலைவர் பம்மல் ராமகிருஷ்ணன் பேசியதாவது:பிராமணர் சங்கம், 40வது ஆண்டில் அடியெடுத்து வைத்துள்ளது. இச்சங்கத்தால், எப்போதும் வன்முறை ஏற்பட்டதில்லை. தற்போது, நம் தேவைக்காக, வீதியில் போராட வேண்டிய நிலை ஏற்பட்டுள்ளது.முற்பட்ட சமூகத்தினர்களுக்கான, 10 சதவீத இட ஒதுக்கீடை மத்திய அரசு அறிவித்தாலும், மாநில அரசு செயல்படுத்தவில்லை. அதை செயல்படுத்த, முயற்சி மேற்கொண்டு வருகிறோம்.இவ்வாறு, அவர் பேசினார்.


ஆன்மிக பேச்சாளர் ஆர்.பி.வி.எஸ்.மணியன் சொற்பொழிவாற்றினார். பிராமணர் சங்க பெசன்ட் நகர் கிளை தலைவர் ஜெயராமன், விருந்தினர்களை கவுரவித்தார். சங்க ஆலோசகர் ஜம்புநாதன் உள்ளிட்டோர் பங்கேற்றனர்.இரண்டாம் நாள் விழாவான இன்று, முன்னாள் சுகாதாரத் துறை அமைச்சர் எச்.வி.ஹண்டே சிறப்பு விருந்தினராக பங்கேற்கிறார்.

 

Advertisement
மேலும் சென்னை மாவட்ட  செய்திகள் :


வாசகர்களுக்கு ஓர் அன்பான வேண்டுகோள்.
1.செய்திகள் குறித்த கருத்துக்களைப் பதிவு செய்யும்போது, எவருடைய மனதையும் புண்படுத்தாத வகையில், நாகரிகமான முறையில் உங்கள் கருத்துகள் இருக்க வேண்டும் என்று எதிர்பார்க்கிறோம்.
வாசகர் கருத்து
முதல் நபராக கருத்து தெரிவியுங்கள்!
உங்கள் கருத்தைப் பதிவு செய்ய :
Login :
New to Dinamalar ?
வாசகர்கள் கருத்துப் பகுதியில் வெளியாகி இருக்கும் கருத்துக்கள், உரிய முறையில் தணிக்கை செய்யப்பட்டே வெளியி‌டப்படுகின்றன.
(Press Ctrl+g or click this   to toggle between English and Tamil)
அன்புள்ள வாசகர்களே!,
நீங்கள் கருத்துப் பதிவு செய்ய LOGIN செய்ததும், My Page என்ற பட்டனை கிளிக் செய்து. அதில் உங்கள் புகைப்படம், மெயில் முகவரி, ஊர், நாடு ஆகியவற்றைப் பதிவு செய்ய புதிய வசதி செய்யப்பட்டுள்ளது. ஏற்கனவே பதிவு செய்த புகைப்படத்தை நீக்கவும் வசதி உள்ளது. மேலும் இதுவரை நீங்கள் தெரிவித்த கருத்துக்களைத் தொகுப்பாக பார்த்துக் கொள்ளலாம். இந்த புதிய வசதியை வாசகர்கள் முழுமையாக பயன்படுத்திக் கொள்ள விரும்புகிறோம். உங்களுடைய புகைப்படத்தை மட்டுமே பதிவு செய்யவும்; வேறு எந்த புகைப்படத்தையும் பதிவு செய்ய வேண்டாம்.

We use cookies to understand how you use our site and to improve user experience. This includes personalising content and advertising. By continuing to use our site, you accept our use of cookies, revised Privacy Policy.

Learn more I agree X