கோவையில் உள்ளாட்சி தேர்தல் களம் கனகனக்கிறது!.'சீட்' வாங்க அரசியல் கட்சியினர் ஆர்வம்
Advertisement
 
 
 
Advertisement
Advertisement
dinamalar-advertisement-tariff-2018
 
எழுத்தின் அளவு:

மாற்றம் செய்த நாள்

18 நவ
2019
02:18
பதிவு செய்த நாள்
நவ 18,2019 01:08

கோவை:தமிழகத்தில் உள்ளாட்சி தேர்தல் நடத்தப்படும் என்கிற நம்பிக்கையில், அரசியல் கட்சிகள், போட்டியிட விரும்புவோரிடம் விருப்ப மனுக்கள் பெற்று வருகின்றன. கோவை மேயர் மற்றும் கவுன்சிலர் பதவிக்கு ஆசைப்பட்டு, நுாற்றுக்கணக்கானோர் மனு கொடுத்து வருகின்றனர்.தமிழகத்தில், வரும் டிச., இறுதியில் உள்ளாட்சி தேர்தல் நடத்துவதற்கு, மாநில தேர்தல் ஆணையம் ஆலோசித்து வருகிறது.


மற்ற ஏற்பாடுகளை துரிதகதியில் செய்து வருகிறது. அ.தி.மு.க., சார்பில், போட்டியிட விரும்பும் கட்சியினரிடம், கடந்த இரு நாட்கள் விருப்ப மனு பெறப்பட்டது. கோவையில், மேயர் பதவிக்கு, 15 பேரும், கவுன்சிலர் பதவிக்கு, 521 பேரும் மனுக்கள் கொடுத்தனர்.அவகாசம் இருக்கு!கோவை மாவட்ட தி.மு. க., தலைமை கழக அலுவலகத்தில், கடந்த, 14ம் தேதி முதல் விருப்ப மனு பெறப்படுகிறது; மாவட்ட பொறுப்பாளரான, எம்.எல்.ஏ., கார்த்திக், மனுக்கள் பெறுகிறார்.


மேயர், கவுன்சிலர் பதவிக்கு, இதுவரை, 1,200 விண்ணப்பங்கள் வினியோகிக்கப்பட்டு உள்ளன.கடந்த, 14ம் தேதி, தி.மு. க., சார்பில் தெற்கு தாலுகா அலுவலகம் முன் ஆர்ப்பாட்டம் நடந்தது. அதன்பின், இரு நாட்கள் கட்சி கூட்டம் நடந்தது. இதன் காரணமாக, நேற்று முதல் விருப்ப மனு தாக்கல் செய்வது துவங்கியது. மேயர் பதவிக்கு, 3 பேர், கவுன்சிலர் பதவிக்கு, 202 பேர், படிவம் பூர்த்தி செய்து, கட்டணத்துடன் சமர்ப்பித்தனர்.


20ம் தேதி வரை அவகாசம் இருப்பதால், மனு கொடுப்போர் எண்ணிக்கை இன்னும் அதிகரிக்கும் என எதிர்பார்க்கப்படுகிறது.இதேபோல், தி.மு.க., கூட்டணியில் அங்கம் வகிக்கும் ம.தி.மு.க., விலும் விருப்ப மனு பெறப்பட்டது. மேயர் பதவிக்கு, உமா, பிரதீபா, பேபி, ராஜாமணி ஆகிய நான்கு பேர், கவுன்சிலர் பதவிக்கு, 120 பேர் விருப்ப மனு அளித்தனர்.மேலிடம் முடிவு!கோவை எம்.பி.,யும், மா.கம்யூ., மூத்த தலைவருமான நடராஜனிடம் கேட்டபோது, ''எங்களது கட்சியில் விருப்ப மனுக்கள் பெறும் நடைமுறை இல்லை.


கூட்டணி கட்சியினரிடம் பேச்சு நடத்தி, பங்கீடு இறுதி செய்யப்பட்டதும், கட்சி மேலிடம் ஆலோசித்து முடிவு அறிவிக்கும்,'' என்றார்.நான்கு நாட்கள்காங்., சார்பில் விருப்ப மனு பெறுவது குறித்து இதுவரை எவ்வித அறிவிப்பும் வெளியிடவில்லை. 'வரும் வாரத்தில் நான்கு நாட்கள் பெறலாம்' என, நேற்று நடந்த அக்கட்சி ஆலோசனை கூட்டத்தில், முடிவு எடுக்கப்பட்டதாக, நிர்வாகிகள் தெரிவித்தனர்.


அரசியல் கட்சிகள், விருப்ப மனுக்கள் பெற்றிருப்பதால், தேர்தல் களம் சூடுபிடிக்க ஆரம்பித்திருக்கிறது. உள்ளாட்சி தேர்தல் தொடர்பாக, நாளை (செவ்வாய்கிழமை), சென்னையில் தமிழக அமைச்சரவை கூட்டம் நடக்க இருப்பதால், எதிர்பார்ப்பு எகிறியுள்ளது. இம்மாத இறுதியில் தேர்தல் தேதி அறிவிக்கப்படலாம் என்ற பேச்சு அடிபடுவதால், கட்சியினர், இப்போதே ஆதரவு திரட்ட ஆரம்பித்து விட்டனர்.

 

Advertisement
மேலும் கோயம்புத்தூர் மாவட்ட  செய்திகள் :
முக்கிய செய்திகள்
பொது
பிரச்னைகள்
சம்பவம்


வாசகர்களுக்கு ஓர் அன்பான வேண்டுகோள்.
1.செய்திகள் குறித்த கருத்துக்களைப் பதிவு செய்யும்போது, எவருடைய மனதையும் புண்படுத்தாத வகையில், நாகரிகமான முறையில் உங்கள் கருத்துகள் இருக்க வேண்டும் என்று எதிர்பார்க்கிறோம்.
வாசகர் கருத்து
முதல் நபராக கருத்து தெரிவியுங்கள்!
உங்கள் கருத்தைப் பதிவு செய்ய :
Login :
New to Dinamalar ?
வாசகர்கள் கருத்துப் பகுதியில் வெளியாகி இருக்கும் கருத்துக்கள், உரிய முறையில் தணிக்கை செய்யப்பட்டே வெளியி‌டப்படுகின்றன.
(Press Ctrl+g or click this   to toggle between English and Tamil)
அன்புள்ள வாசகர்களே!,
நீங்கள் கருத்துப் பதிவு செய்ய LOGIN செய்ததும், My Page என்ற பட்டனை கிளிக் செய்து. அதில் உங்கள் புகைப்படம், மெயில் முகவரி, ஊர், நாடு ஆகியவற்றைப் பதிவு செய்ய புதிய வசதி செய்யப்பட்டுள்ளது. ஏற்கனவே பதிவு செய்த புகைப்படத்தை நீக்கவும் வசதி உள்ளது. மேலும் இதுவரை நீங்கள் தெரிவித்த கருத்துக்களைத் தொகுப்பாக பார்த்துக் கொள்ளலாம். இந்த புதிய வசதியை வாசகர்கள் முழுமையாக பயன்படுத்திக் கொள்ள விரும்புகிறோம். உங்களுடைய புகைப்படத்தை மட்டுமே பதிவு செய்யவும்; வேறு எந்த புகைப்படத்தையும் பதிவு செய்ய வேண்டாம்.

We use cookies to understand how you use our site and to improve user experience. This includes personalising content and advertising. By continuing to use our site, you accept our use of cookies, revised Privacy Policy.

Learn more I agree X