அபார வெற்றி! உப்பின்றி சாயமேற்றும் 'டெக்னிக்' :காப்புரிமை பெற தீவிர முயற்சி
Advertisement
 
 
 
Advertisement
Advertisement
dinamalar-advertisement-tariff-2018
 
எழுத்தின் அளவு:

மாற்றம் செய்த நாள்

19 நவ
2019
02:12
பதிவு செய்த நாள்
நவ 19,2019 02:11

திருப்பூர்:பல்வேறு சோதனைகளை கடந்து, குமாரபாளையம் பிரபாகரனின் கண்டுபிடிப்பான, உப்பு இன்றி சாயமேற்றும் தொழில்நுட்பம் வெற்றிபெற்றுள்ளது.பவானி அருகேயுள்ள குமாரபாளையத்தை சேர்ந்தவர் பிரபாகரன். சாய ஆலை தொழிலில் ஈடுபட்டுள்ள இவர், இன்குபேஷன் மையத்தின் உதவியுடன், உப்பு இன்றி சாயமேற்றும் புதிய தொழில்நுட்பத்தை கண்டு பிடித்துள்ளார்.


உப்புக்கு பதில், எவ்வித சுற்றுச்சூழல் மாசு ஏற்படுத்தாமல், சாயங்களை, துணியில் ஏற்ற வைக்கும் ஒரு பொருளை உருவாக்கியுள்ளார்.இதன் சோதனை ஓட்டம் வெற்றிகரமாக முடிந்துள்ளது. குறைவான விலை, குறைந்தளவு தண்ணீர் பயன்பாடு, சுற்றுச்சூழல் மாசுபாடு ஏற்படுத்தாமை என, இன்குபேஷன் மைய விஞ்ஞானிகள் எதிர்பார்த்த அனைத்து அம்சங்களும், இப்புதிய தொழில்நுட்பத்தில் உள்ளது.


சர்வதேச அளவில், சாயமேற்றுதல் தொழில்நுட்ப மாநாடு, கடந்த 14, 15ம் தேதிகளில் மும்பையில் நடந்தது.உள்நாடு, வெளிநாடுகளைச்சேர்ந்த விஞ்ஞானிகள் பங்கேற்றனர். திருப்பூர் ஏற்றுமதியாளர் சங்க தலைவர் ராஜாசண்முகம், இன்குபேஷன் மைய நிர்வாக செயல் அதிகாரி பெரியசாமி மற்றும் குமாரபாளையத்தைச் சேர்ந்த பிரபாகரன் பங்கேற்று, உப்பு இன்றி சாயமேற்றும் புதிய தொழில்நுட்பம் குறித்து விளக்கம் அளித்தனர்.இப்புதிய தொழில்நுட்பத்துக்கு, மாநாட்டில் பங்கேற்ற சாயத்துறை சார்ந்த சர்வதேச விஞ்ஞானிகள் வரவேற்பு அளித்துள்ளனர். அனைத்து வகை சோதனைகளிலும் வெற்றி பெற்றுள்ளதால், இந்த தொழில்நுட்பத்துக்கு காப்புரிமை பெற விண்ணப்பித்துள்ளனர்.


இது குறித்து, அடல் இன்குபேஷன் மைய நிர்வாக செயல் அதிகாரி பெரியசாமி கூறியதாவது:சாதாரண சாயமேற்றும் தொழில்நுட்பத்தைவிட, இப்புதிய பொருளை பயன்படுத்தும்போது, தண்ணீர் பயன்பாடு மிகவும் குறைகிறது. வெளியேறும் கழிவுநீரின் டி.டி.எஸ்., அளவும் கட்டுப்படுகிறது. வழக்கமான சாயமேற்றுதலில், வெளியேறும் சாயநீரின் டி.டி.எஸ்., 1.25 லட்சம் டி.டி.எஸ்., அளவில் இருக்கும்.


ஆனால், புதிய தொழில்நுட்பத்தில் சாயமேற்றும்போது, கழிவுநீரின் டி.டி.எஸ்., வெறும் 25 ஆயிரமாக உள்ளது.இதனால், மிக எளிதாகவும், குறைந்த செலவில், இந்த சாயக்கழிவுநீரை சுத்திகரிக்கமுடியும். சாயமேற்றுவதற்காக உப்புக்கு பதில் சேர்க்கப்படும் இந்த பொருளை தயாரிப்பதற்கான செலவும் மிக குறைவாகவே உள்ளது.


மும்பை மாநாட்டில் பங்கேற்ற வெளிநாட்டு விஞ்ஞானிகளும், இந்த தொழில்நுட்பத்தை பாராட்டினர்; உலகளாவிய சாய ஆலை துறையில் இப்புதிய தொழில்நுட்பத்தை பயன்படுத்துவதற்கு தேவையான உதவிகள் செய்வதாகவும் உறுதி அளித்துள்ளனர். சாய ஆலை துறையினருக்கு இந்த தொழில்நுட்பம் மிகப்பெரிய வரப்பிரசாதமாக அமையும்.காப்புரிமை பெற்ற பின், அந்த தொழில்நுட்பம் குறித்த அனைத்து விவரங்களும், கண்டுபிடிப்பாளரின் அனுமதியுடன் வெளியிடப்படும்.இவ்வாறு, அவர் கூறினார்.

 

Advertisement
மேலும் திருப்பூர் மாவட்ட  செய்திகள் :


வாசகர்களுக்கு ஓர் அன்பான வேண்டுகோள்.
1.செய்திகள் குறித்த கருத்துக்களைப் பதிவு செய்யும்போது, எவருடைய மனதையும் புண்படுத்தாத வகையில், நாகரிகமான முறையில் உங்கள் கருத்துகள் இருக்க வேண்டும் என்று எதிர்பார்க்கிறோம்.
வாசகர் கருத்து (4)
  • புதியவை
  • பழையவை
  • அதிகம் விவாதிக்கப்பட்டவை
  • மிக மிக தரமானவை
  • மிக தரமானவை
  • தரமானவை
vasanthan - Moscow,ரஷ்யா
22-நவ-201908:35:27 IST Report Abuse
vasanthan அடுத்து இவருக்கு ஆமைகரியன் தமிழன் சாயம் பூசுவர். பின்னர் நீ உண்மையான தமிழனாக இருந்தால் உடனே பத்து பேருக்கு ஆனுப்பு
Rate this:
Share this comment
Cancel
vasanthan - Moscow,ரஷ்யா
22-நவ-201908:33:18 IST Report Abuse
vasanthan அருமை பாராட்டுக்கள்.
Rate this:
Share this comment
Cancel
LovelyMarees - Kutty Japan, Cracker City.,இந்தியா
19-நவ-201916:25:07 IST Report Abuse
LovelyMarees விரைவாக இந்த புதிய கண்டுபிடிப்பை நடைமுறைக்கு கொண்டுவந்து என்னை காப்பாற்றுங்கள். இப்படிக்கு கண்ணீருடன் நொய்யல் ஆறு.
Rate this:
Share this comment
Cancel

உங்கள் கருத்தைப் பதிவு செய்ய :
Login :
New to Dinamalar ?
வாசகர்கள் கருத்துப் பகுதியில் வெளியாகி இருக்கும் கருத்துக்கள், உரிய முறையில் தணிக்கை செய்யப்பட்டே வெளியி‌டப்படுகின்றன.
(Press Ctrl+g or click this   to toggle between English and Tamil)
அன்புள்ள வாசகர்களே!,
நீங்கள் கருத்துப் பதிவு செய்ய LOGIN செய்ததும், My Page என்ற பட்டனை கிளிக் செய்து. அதில் உங்கள் புகைப்படம், மெயில் முகவரி, ஊர், நாடு ஆகியவற்றைப் பதிவு செய்ய புதிய வசதி செய்யப்பட்டுள்ளது. ஏற்கனவே பதிவு செய்த புகைப்படத்தை நீக்கவும் வசதி உள்ளது. மேலும் இதுவரை நீங்கள் தெரிவித்த கருத்துக்களைத் தொகுப்பாக பார்த்துக் கொள்ளலாம். இந்த புதிய வசதியை வாசகர்கள் முழுமையாக பயன்படுத்திக் கொள்ள விரும்புகிறோம். உங்களுடைய புகைப்படத்தை மட்டுமே பதிவு செய்யவும்; வேறு எந்த புகைப்படத்தையும் பதிவு செய்ய வேண்டாம்.

We use cookies to understand how you use our site and to improve user experience. This includes personalising content and advertising. By continuing to use our site, you accept our use of cookies, revised Privacy Policy.

Learn more I agree X