மரங்களை வெட்டாமல் கட்டடம்; அரசுக்கு ஐகோர்ட் உத்தரவு
Advertisement
 
 
 
Advertisement
Advertisement
dinamalar-advertisement-tariff-2018
 
எழுத்தின் அளவு:

பதிவு செய்த நாள்

02 டிச
2019
23:43

சென்னை : சென்னை, எழும்பூரில் உள்ள அரசு கண் மருத்துவமனை வளாகத்தில், மரங்கள் இல்லாத இடத்தில் கட்டடம் கட்டுவது குறித்த சாத்தியக்கூறுகளை ஆராய, உயர் நீதிமன்றம் உத்தரவிட்டுள்ளது.



எழும்பூரைச் சேர்ந்த நாராயணன் என்பவர் தாக்கல் செய்த மனு:அரசு கண் மருத்துவமனையை விரிவுபடுத்தி, கூடுதல் கட்டடங்கள் கட்ட, ௭௫ மரங்களை வெட்டுவதற்கு, நிர்வாகம் திட்டமிட்டுள்ளது.



தடை விதிப்பு



இந்த மரங்களால் சுற்றுச்சூழல் பாதுகாக்கப்படுகிறது. மருத்துவமனை விரிவாக்கம் அவசியம் என்றாலும், மரங்களும் அவசியம் தான்.நன்றாக வளர்ந்துள்ள மரங்களை வெட்டாமல், வளாகத்தில் உள்ள காலியிடத்தில், கட்டடங்கள் கட்டலாம். இதுகுறித்து, மருத்துவமனை இயக்குனருக்கு மனு அனுப்பியும், எந்த நடவடிக்கையும் இல்லை. எனவே, மருத்துவமனை வளாகத்தில் உள்ள மரங்களை வெட்ட தடை விதிக்க வேண்டும்.இவ்வாறு மனுவில் கூறப்பட்டுள்ளது.



மனு, நீதிபதிகள் வினீத் கோத்தாரி, சி.சரவணன் அடங்கிய, 'டிவிஷன் பெஞ்ச்' முன், விசாரணைக்கு வந்தது. 'நீதிமன்ற அனுமதியின்றி, மரங்களை வெட்டக் கூடாது' என, நீதிபதிகள் உத்தரவிட்டனர். மரங்களை வெட்டாமல் கட்டடம் கட்டலாமா; அதே வளாகத்தில் மரங்களை இடமாற்றம் செய்யலாமா என்பதற்கு, அரசு பதிலளிக்கவும் உத்தரவிட்டனர். இதையடுத்து, நீதிபதிகள் வினீத் கோத்தாரி, ஆர்.சுரேஷ்குமார் அடங்கிய டிவிஷன் பெஞ்ச் முன், வழக்கு நேற்று விசாரணைக்கு வந்தது.



சாத்தியக்கூறு



மனுதாரர் சார்பில் ஆஜரான வழக்கறிஞர், 'மரங்களை இடமாற்றம் செய்வதற்கு பதில், பெரிய அளவிலான மரங்கள் இல்லாத இடத்தில், விரிவாக்க பணிகளை மேற்கொள்ளலாம்' என்றார்.இந்த திட்டத்தை பரிசீலிக்கவும், மரங்கள் இல்லாத இடத்தில் கட்டடம் கட்டுவதற்கான சாத்தியக்கூறுகளை ஆராயவும், அரசுக்கு, நீதிபதிகள் உத்தரவிட்டனர். இது குறித்த அறிக்கையை, நாளை தாக்கல் செய்யவும், நீதிபதிகள் உத்தரவிட்டனர்.



விசாரணையின் போது, 'கட்டடங்கள் கட்டுவதை, நாங்கள் எதிர்க்கவில்லை; அதே நேரத்தில் மரங்களை அழிக்கக் கூடாது; சென்னையின் இதயம் போன்ற இந்த இடத்தில், மரங்கள் அதிகம் உள்ளன.'பசுமையான மரங்கள் காக்கப்பட வேண்டும்; டில்லியைப் போல், சென்னையும் மாசுபட்டு விடக்கூடாது' என, நீதிபதிகள் தெரிவித்தனர்.

 

Advertisement
மேலும் சென்னை மாவட்ட  செய்திகள் :
முக்கிய செய்திகள்
பொது
பிரச்னைகள்
சம்பவம்


வாசகர்களுக்கு ஓர் அன்பான வேண்டுகோள்.
1.செய்திகள் குறித்த கருத்துக்களைப் பதிவு செய்யும்போது, எவருடைய மனதையும் புண்படுத்தாத வகையில், நாகரிகமான முறையில் உங்கள் கருத்துகள் இருக்க வேண்டும் என்று எதிர்பார்க்கிறோம்.
வாசகர் கருத்து
முதல் நபராக கருத்து தெரிவியுங்கள்!
உங்கள் கருத்தைப் பதிவு செய்ய :
Login :
New to Dinamalar ?
வாசகர்கள் கருத்துப் பகுதியில் வெளியாகி இருக்கும் கருத்துக்கள், உரிய முறையில் தணிக்கை செய்யப்பட்டே வெளியி‌டப்படுகின்றன.
(Press Ctrl+g or click this   to toggle between English and Tamil)
அன்புள்ள வாசகர்களே!,
நீங்கள் கருத்துப் பதிவு செய்ய LOGIN செய்ததும், My Page என்ற பட்டனை கிளிக் செய்து. அதில் உங்கள் புகைப்படம், மெயில் முகவரி, ஊர், நாடு ஆகியவற்றைப் பதிவு செய்ய புதிய வசதி செய்யப்பட்டுள்ளது. ஏற்கனவே பதிவு செய்த புகைப்படத்தை நீக்கவும் வசதி உள்ளது. மேலும் இதுவரை நீங்கள் தெரிவித்த கருத்துக்களைத் தொகுப்பாக பார்த்துக் கொள்ளலாம். இந்த புதிய வசதியை வாசகர்கள் முழுமையாக பயன்படுத்திக் கொள்ள விரும்புகிறோம். உங்களுடைய புகைப்படத்தை மட்டுமே பதிவு செய்யவும்; வேறு எந்த புகைப்படத்தையும் பதிவு செய்ய வேண்டாம்.

We use cookies to understand how you use our site and to improve user experience. This includes personalising content and advertising. By continuing to use our site, you accept our use of cookies, revised Privacy Policy.

Learn more I agree X