ஒரே மண்டபம்; இரண்டு தேர்தல்: ஆளுங்கட்சியினர் பலே 'பிளான்'
Advertisement
 
 
 
Advertisement
Advertisement
dinamalar-advertisement-tariff-2018
 
எழுத்தின் அளவு:

பதிவு செய்த நாள்

03 டிச
2019
04:39

பொள்ளாச்சி:பொள்ளாச்சியில், ஒரே அம்மா திருமண மண்டபத்தை காட்டி, இரண்டு தேர்தல்களில் ஓட்டுகளை கவர, ஆளுங்கட்சி திட்டமிட்டுள்ளதாக, விமர்சனங்கள் எழுந்துள்ளன.மறைந்த முன்னாள் முதல்வர் ஜெயலலிதா கடந்த, 2016ம் ஆண்டு நடப்பு நிதியாண்டில், 1,800 கோடி ரூபாய் மதிப்பீட்டில் தமிழ்நாடு குடிசைப்பகுதி மாற்று வாரியம் மூலம் 50,000 குடியிருப்புகள் கட்டுவதாக அறிவிப்பு வெளியிட்டார்.அதில் ஒரு பகுதியாக, ஏழை எளிய மக்கள் பயன் பெறும் வகையில் அம்மா திருமண மண்டபங்கள் கட்டப்படும் என அறிவித்தார். இந்த திட்டம், தமிழ்நாடு வீட்டுவசதி வாரியம் மற்றும் கூட்டுறவு வீட்டுவசதி சங்கங்கள் மூலம் செயல்படுத்தப்படும் என, தெரிவிக்கப்பட்டது. அதற்காக, முதல்கட்ட நிதியாக, 83 கோடி ரூபாய் ஒதுக்கப்பட்டது. 11 இடங்கள் தேர்வு செய்யப்பட்டன. ஆனால், அதில் முதலில் பொள்ளாச்சி இடம் பெறவில்லை. திட்டம் செயல்படுத்தும் முன்பே ஜெயலலிதா மறைந்தார்.இந்நிலையில், அடுத்து ஆட்சிக்கு வந்த அவர் கட்சியினர், ஜெயலலிதா அறிவித்த திட்டங்கள் அனைத்தும் செயல்படுத்தப்படும் என தெரிவித்தனர்.அதன் தொடர்ச்சியாக, கடந்த, 2018ல் பொள்ளாச்சி - கோவை ரோட்டில், இ.எஸ்.ஐ., மருத்துவமனை அருகே இடம் ஒதுக்கப்பட்டு, அம்மா திருமண மண்டபம் கட்டும் பணி துவங்கப்பட்டது. இதற்கு பொள்ளாச்சி எம்.பி., தன் தொகுதி வளர்ச்சி நிதியில் இருந்து, 75 லட்சம் ரூபாய் ஒதுக்கினார்.கட்டுமான பணிகள் முழுமையடையும் முன்பே, கடந்த மார்ச்சில், லோக்சபா தேர்தல் வந்தது. தேர்தல் அறிவிக்க சில நாட்கள் முன்பு, அவசர அவசரமாக அம்மா திருமண மண்டபத்துக்கு திறப்பு விழா நடத்தப்பட்டது. லோக்சபா தேர்தல் பிரசாரத்தில், திருமண மண்டபம் திறந்ததும் சாதனையாக கூறி ஓட்டு சேகரிக்கப்பட்டது.ஆனால், தேர்தல் முடிந்து, 10 மாதங்கள் ஆகியும், இதுவரை திருமண மண்டபம் மக்கள் பயன்பாட்டுக்கு அளிக்கப்படவில்லை. கட்டுமான பணிகள் நிறைவடைந்து விட்டாலும், ஆமை வேகத்தில் வர்ணம் பூசும் பணிகள் நடக்கின்றன.இதை காணும் எதிர்கட்சிகள், 'அம்மா மண்டபத்தை காட்டி லோக்சபா தேர்தலில் பிரசாரம் செய்தது போலவே, அறிவிக்கப்பட்டுள்ள உள்ளாட்சி தேர்தலிலும் பிரசாரம் செய்ய ஆளுங்கட்சியினர் திட்டமிட்டுள்ளனர். அதனால் தான் பயன்பாட்டுக்கு விடாமல் வைத்துள்ளனர். ஒரே மண்டபத்தை காட்டி, இரண்டு தேர்தலை சந்திக்க நினைக்கிறார்கள் பலே ஆசாமிகள்,' என விமர்சிக்கின்றனர்.

 

Advertisement
மேலும் திருப்பூர் மாவட்ட  செய்திகள் :
முக்கிய செய்திகள்
பொது
பிரச்னைகள்
சம்பவம்


வாசகர்களுக்கு ஓர் அன்பான வேண்டுகோள்.
1.செய்திகள் குறித்த கருத்துக்களைப் பதிவு செய்யும்போது, எவருடைய மனதையும் புண்படுத்தாத வகையில், நாகரிகமான முறையில் உங்கள் கருத்துகள் இருக்க வேண்டும் என்று எதிர்பார்க்கிறோம்.
வாசகர் கருத்து
முதல் நபராக கருத்து தெரிவியுங்கள்!
உங்கள் கருத்தைப் பதிவு செய்ய :
Login :
New to Dinamalar ?
வாசகர்கள் கருத்துப் பகுதியில் வெளியாகி இருக்கும் கருத்துக்கள், உரிய முறையில் தணிக்கை செய்யப்பட்டே வெளியி‌டப்படுகின்றன.
(Press Ctrl+g or click this   to toggle between English and Tamil)
அன்புள்ள வாசகர்களே!,
நீங்கள் கருத்துப் பதிவு செய்ய LOGIN செய்ததும், My Page என்ற பட்டனை கிளிக் செய்து. அதில் உங்கள் புகைப்படம், மெயில் முகவரி, ஊர், நாடு ஆகியவற்றைப் பதிவு செய்ய புதிய வசதி செய்யப்பட்டுள்ளது. ஏற்கனவே பதிவு செய்த புகைப்படத்தை நீக்கவும் வசதி உள்ளது. மேலும் இதுவரை நீங்கள் தெரிவித்த கருத்துக்களைத் தொகுப்பாக பார்த்துக் கொள்ளலாம். இந்த புதிய வசதியை வாசகர்கள் முழுமையாக பயன்படுத்திக் கொள்ள விரும்புகிறோம். உங்களுடைய புகைப்படத்தை மட்டுமே பதிவு செய்யவும்; வேறு எந்த புகைப்படத்தையும் பதிவு செய்ய வேண்டாம்.

We use cookies to understand how you use our site and to improve user experience. This includes personalising content and advertising. By continuing to use our site, you accept our use of cookies, revised Privacy Policy.

Learn more I agree X