திறப்பு! வீடூர் அணையில் உபரி நீர்...பாதுகாப்பு கருதி நடவடிக்கை
Advertisement
 
 
 
Advertisement
Advertisement
dinamalar-advertisement-tariff-2018
 
எழுத்தின் அளவு:

பதிவு செய்த நாள்

03 டிச
2019
04:41

விக்கிரவாண்டி:விழுப்புரம் மாவட்டத்தில் கடந்த சில தினங்களாக பெய்த கனமழை காரணமாக வீடூர் அணை முழு கொள்ளளவை எட்டியதால் பாதுகாப்பு கருதிஅணையில் இருந்து உபரி நீர் திறந்து விடப்பட்டது.



விழுப்புரம் மாவட்டத்தில் கடந்த சில தினங்களாக பெய்த தொடர் கனமழை காரணமாக விக்கிரவாண்டி அடுத்த வீடூர் அணைக்கு நீர் வேகமாக வந்து கொண்டிருக்கிறது.செஞ்சி, பாக்கம் மற்றும் மேல் மலையனுாரில் பெய்த மழை நீர் தொண்டியாற்றிலும், ரெட்டணை பகுதியில் பெய்த மழை நீர் வராகநதி வழியாகவும் கடந்த 2 நாட்களாக வினாடிக்கு 1,200 கன அடி நீர் வரத்து இருந்து வந்தது.அணையின் மொத்த கொள்ளளவான 32 அடியியை (605 மில்லியன் கன அடி) நேற்று முன்தினம் நள்ளிரவு 12:15 மணிக்கு எட்டியது. அணையிலிருந்து தண்ணீர் திறந்து விடப்படுகின்ற சங்கராபரணி ஆற்றின் கரையோர பகுதிகளில் வசிக்கும் பொதுமக்களுக்கு பாதுகாப்பு கருதி முன்னெச்சரிக்கை விடப்பட்டது.அணை முழு கொள்ளவை எட்டியதை அடுத்து அணையின் பாதுகாப்பு கருதி உபரி நீரை ஆற்றில் திறந்து விட கலெக்டர் அண்ணாதுரை, பொதுப்பணித்துறை அதிகாரிகளுக்கு உத்தரவிட்டார்.அதனைத் தொடர்ந்து, நேற்று முன்தினம் நள்ளிரவு 12:20 மணிக்கு அணைக்கு வந்து கொண்டிருந்த நீர் வினாடிக்கு 1,200 கன அடி உபரி நீரை அணையில் உள்ள 9 ஷட்டர்களில் 3 ஷட்டர்கள் திறந்து சங்கராபரணி ஆற்றில் விடப்பட்டது.நேற்று காலை 11:00 மணியளவில் அணைக்கு நீர் வரத்து அதிகரித்து வினாடிக்கு 1,500 கன அடி நீர் வரத்து வந்ததால், அணையில் மேலும் 2 ஷட்டர்களைத் திறந்து 5 ஷட்டர்கள் 2,000 கன அடி தண்ணீர் சங்கராபரணி ஆற்றில் திறந்து விடப்பட்டது.



மேலும் பாசன வாய்க்காலுக்குச் செல்லும் மதகினை திறந்து சிறிதளவு கால்வாய் வழியாகவும் உபரி தண்ணீரை வெளியேற்றப்பட்டது. அணையில் தண்ணீர் முழுமையாக நிரம்பி கடல் போல் காணப்படுகிறது. நேற்று காலை விழுப்புரம் மாவட்டத்தின் பல்வேறு பகுதிகளிலிருந்தும், வீடூரைச் சுற்றியுள்ள கிராமத்தைச் சேர்ந்த விவசாயிகள் மகிழ்ச்சியுடன் அணையை பார்வையிட்டனர். இளைஞர்கள், பெண்கள் ஆர்வமுடன் செல்பி எடுத்தனர். அவர்களை பாதுகாப்பு பணியில் ஈடுபட்டிருந்த போலீசார் எச்சரித்து அனுப்பினர்.



நேற்று மதியம் 12:00 மணியளவில் கலெக்டர் அண்ணாதுரை அணையிலிருந்து உபரி நீர் வெளியேறுவதை பார்வையிட்டு பொதுப்பணித்துறை அதிகாரிகளுக்கு பாதுகாப்பு ஆலோசனை வழங்கினார்.செயற்பொறியாளர் ஜவஹர், உதவி செயற்பொறியாளர் சுமதி, உதவி பொறியாளர் ஞானசேகரன், திண்டிவனம் தாசில்தார் பொறுப்பு செல்வகுமார், இன்ஸ்பெக்டர் ஜோதி, சப் இன்ஸ்பெக்டர்கள் அய்யனாரப்பன், முருகேசன் உடனிருந்தனர்.பொதுப்பணித்துறை அதிகாரிகள் மற்றும் வருவாய்த்துறை, காவல் துறையினர் அணையில் முகாமிட்டு தொடர் கண்காணிப்பில் ஈடுபட்டு வருகின்றனர்.கடந்த 2015ம் ஆண்டு இதே போன்று அணை முழு கொள்ளளவை எட்டியதில், இதேபோன்று டிசம்பர் 2ம் தேதி அணையிலிருந்து உபரி நீர் வெளியேற்றப்பட்டது குறிப்பிடத்தக்கது. 2015ம் ஆண்டிற்கு பிறகு தற்போது 2019ல் அணை நிரம்பியுள்ளது.

 

Advertisement
மேலும் விழுப்புரம் மாவட்ட  செய்திகள் :


வாசகர்களுக்கு ஓர் அன்பான வேண்டுகோள்.
1.செய்திகள் குறித்த கருத்துக்களைப் பதிவு செய்யும்போது, எவருடைய மனதையும் புண்படுத்தாத வகையில், நாகரிகமான முறையில் உங்கள் கருத்துகள் இருக்க வேண்டும் என்று எதிர்பார்க்கிறோம்.
வாசகர் கருத்து
முதல் நபராக கருத்து தெரிவியுங்கள்!
உங்கள் கருத்தைப் பதிவு செய்ய :
Login :
New to Dinamalar ?
வாசகர்கள் கருத்துப் பகுதியில் வெளியாகி இருக்கும் கருத்துக்கள், உரிய முறையில் தணிக்கை செய்யப்பட்டே வெளியி‌டப்படுகின்றன.
(Press Ctrl+g or click this   to toggle between English and Tamil)
அன்புள்ள வாசகர்களே!,
நீங்கள் கருத்துப் பதிவு செய்ய LOGIN செய்ததும், My Page என்ற பட்டனை கிளிக் செய்து. அதில் உங்கள் புகைப்படம், மெயில் முகவரி, ஊர், நாடு ஆகியவற்றைப் பதிவு செய்ய புதிய வசதி செய்யப்பட்டுள்ளது. ஏற்கனவே பதிவு செய்த புகைப்படத்தை நீக்கவும் வசதி உள்ளது. மேலும் இதுவரை நீங்கள் தெரிவித்த கருத்துக்களைத் தொகுப்பாக பார்த்துக் கொள்ளலாம். இந்த புதிய வசதியை வாசகர்கள் முழுமையாக பயன்படுத்திக் கொள்ள விரும்புகிறோம். உங்களுடைய புகைப்படத்தை மட்டுமே பதிவு செய்யவும்; வேறு எந்த புகைப்படத்தையும் பதிவு செய்ய வேண்டாம்.

We use cookies to understand how you use our site and to improve user experience. This includes personalising content and advertising. By continuing to use our site, you accept our use of cookies, revised Privacy Policy.

Learn more I agree X