கோவையில் பதற்றமான ஓட்டுச்சாவடி 214:கண்காணிப்பு கேமரா பொருத்த உத்தரவு
Advertisement
 
 
 
Advertisement
Advertisement
dinamalar-advertisement-tariff-2018
 
எழுத்தின் அளவு:

மாற்றம் செய்த நாள்

15 டிச
2019
06:45
பதிவு செய்த நாள்
டிச 15,2019 03:09

கோவை:கோவை மாவட்டத்தில், ஊரக உள்ளாட்சி தேர்தல் நடைபெறும் இடங்களில், 84 பள்ளிகளில் உள்ள,214ஓட்டுச்சாவடிகள் பதற்றமானவையாக கண்டறியப்பட்டுள்ளன. கூடுதல் போலீசார் நியமிப்பதோடு, 'சிசி - டிவி' கண்காணிப்பு கேமரா பொருத்த உத்தரவிடப்பட்டு உள்ளது.வரும், 27 மற்றும், 30ம் தேதிகளில், கோவையில் ஊரக உள்ளாட்சி அமைப்புகளுக்கான தேர்தல் நடைபெற உள்ளது.


நன்னடத்தை விதிகள் தொடர்பாக விளக்கும், அனைத்து கட்சிகூட்டம், கோவை கலெக்டர் அலுவலகத்தில் நேற்று நடந்தது; கட்சிகள் பின்பற்ற வேண்டிய விதிமுறைகள், செலவினம் குறித்து, கலெக்டர் ராஜாமணி விளக்கினார்.



அதன்பின், அவர் கூறியதாவது:கோவை மாவட்டத்தில், 2,447 ஊரக உள்ளாட்சி பதவிகளுக்கான தேர்தல் நடைபெற உள்ளது. 1,520 ஓட்டுச்சாவடிகள் அமைக்கப்பட்டுள்ளன. மொத்தம், 8,93,645 வாக்காளர்கள் உள்ளனர். 12,336 அலுவலர்கள் தேர்தல் பணியில் ஈடுபட்டுள்ளனர். இவர்கள் தபால் ஓட்டு போட ஏற்பாடு செய்யப்பட்டுள்ளது.ஓட்டுப்பதிவு முழுமையாக நடைபெறுவதை உறுதி செய்ய, 119 மண்டல குழுக்கள் அமைக்கப்பட்டுள்ளன.



விதிமுறைகள் மீறப்படுவதை கண்காணிக்க, இரு ஊராட்சி ஒன்றியத்துக்கு ஒன்று வீதம், 18 பறக்கும் படைகள் மூன்று 'ஷிப்ட்' முறையில் இயங்கும்.கோவை மாவட்டத்தில், 84 பள்ளிகளில் அமைக்கப்பட்டுள்ள, 214ஓட்டுச்சாவடிகள் பதற்றமானவையாக கண்டறியப்பட்டுள்ளன. இங்கு, கூடுதல் போலீஸ் நியமிப்பதோடு, 'சிசி - டிவி' மூலம் கண்காணிக்க உள்ளோம். ஊரக தேர்தல் நடைபெறும் இடங்களில் உள்ள, 16 சோதனை சாவடிகளில் கூடுதல் கண்காணிப்பு செலுத்த அறிவுறுத்தப்பட்டுள்ளது.வேட்பு மனு கொடுக்க நாளை (16ம் தேதி) கடைசி நாள்; 19ம் தேதி வாபஸ் பெறலாம்.


அன்றைய தினமே வேட்பாளர் பட்டியல் இறுதி செய்யப்பட்டு, ஓட்டுச்சீட்டு அச்சடிக்கும் பணி மேற்கொள்ளப்படும். ஜன., 2ல் நடைபெறும் ஓட்டு எண்ணிக்கைக்கு, 12 மையங்கள் தயாராக உள்ளன.உள்ளாட்சி பதவிகளை ஏலம் விடுவது போன்ற புகார் ஏதுமில்லை; அதுபோன்ற தகவல் கிடைத்தால், சம்பந்தப்பட்டவர்கள் மீது நடவடிக்கை எடுக்கப்படும். இவ்வாறு, அவர் கூறினார்.


எவ்வளவு செலவு செய்யலாம்?


தேர்தலில் போட்டியிட விரும்புவோரிடம் இருந்து, கடந்த, 9ம் தேதி முதல் வேட்பு மனு பெறப்படுகிறது. ஆறாம் நாளான நேற்று, 1,431 பேர் தாக்கல் செய்தனர். இதுவரை, மொத்தம், 4,295 பேர் தாக்கல் செய்துள்ளனர்.மாவட்ட ஊராட்சி வார்டு உறுப்பினர் - 1.70 லட்சம் ரூபாய், ஊராட்சி ஒன்றிய வார்டு உறுப்பினர் - 85 ஆயிரம், கிராம ஊராட்சி தலைவர் - 34 ஆயிரம், கிராம ஊராட்சி வார்டு உறுப்பினர் - 9,000 ரூபாய் மட்டுமே செலவு செய்ய வேண்டும். தேர்தல் தேதி அறிவித்த நாளில் இருந்து, 30 நாட்களுக்குள் செலவின கணக்குகளை உரிய அலுவலரிடம் ஒப்படைக்க வேண்டும்.

 

Advertisement
மேலும் கோயம்புத்தூர் மாவட்ட  செய்திகள் :
முக்கிய செய்திகள்
பொது
சம்பவம்


வாசகர்களுக்கு ஓர் அன்பான வேண்டுகோள்.
1.செய்திகள் குறித்த கருத்துக்களைப் பதிவு செய்யும்போது, எவருடைய மனதையும் புண்படுத்தாத வகையில், நாகரிகமான முறையில் உங்கள் கருத்துகள் இருக்க வேண்டும் என்று எதிர்பார்க்கிறோம்.
வாசகர் கருத்து
முதல் நபராக கருத்து தெரிவியுங்கள்!
உங்கள் கருத்தைப் பதிவு செய்ய :
Login :
New to Dinamalar ?
வாசகர்கள் கருத்துப் பகுதியில் வெளியாகி இருக்கும் கருத்துக்கள், உரிய முறையில் தணிக்கை செய்யப்பட்டே வெளியி‌டப்படுகின்றன.
(Press Ctrl+g or click this   to toggle between English and Tamil)
அன்புள்ள வாசகர்களே!,
நீங்கள் கருத்துப் பதிவு செய்ய LOGIN செய்ததும், My Page என்ற பட்டனை கிளிக் செய்து. அதில் உங்கள் புகைப்படம், மெயில் முகவரி, ஊர், நாடு ஆகியவற்றைப் பதிவு செய்ய புதிய வசதி செய்யப்பட்டுள்ளது. ஏற்கனவே பதிவு செய்த புகைப்படத்தை நீக்கவும் வசதி உள்ளது. மேலும் இதுவரை நீங்கள் தெரிவித்த கருத்துக்களைத் தொகுப்பாக பார்த்துக் கொள்ளலாம். இந்த புதிய வசதியை வாசகர்கள் முழுமையாக பயன்படுத்திக் கொள்ள விரும்புகிறோம். உங்களுடைய புகைப்படத்தை மட்டுமே பதிவு செய்யவும்; வேறு எந்த புகைப்படத்தையும் பதிவு செய்ய வேண்டாம்.

We use cookies to understand how you use our site and to improve user experience. This includes personalising content and advertising. By continuing to use our site, you accept our use of cookies, revised Privacy Policy.

Learn more I agree X