நிறுத்தம் விழுப்புரத்தில் மொத்த காய்கறி கொள்முதல்...விலை உயர்வால் மக்கள் பாதிக்கும் அபாயம்
Advertisement
 
 
 
Advertisement
Advertisement
dinamalar-advertisement-tariff-2018
 
எழுத்தின் அளவு:

பதிவு செய்த நாள்

02 ஜூன்
2020
22:52

விழுப்புரம்; மாற்று இடம் பிரச்னையில், விழுப்புரம் நகர மொத்த காய்கறி வியாபாரிகள் சங்கத்தினர், நேற்று முதல் காய்கறி கொள்முதல் செய்வதை நிறுத்தினர்.



இதனால், நகரில் காய்கறி விலை உயரும் அபாய நிலையை தடுக்க, மாவட்ட நிர்வாகம் இப்பிரச்னையில்சுமூக தீர்வு காண வேண்டும்.விழுப்புரம் எம்.ஜி.ரோட்டில் செயல்பட்டு வந்த காய்கறி மார்க்கெட் மற்றும் ரயில் நிலையம் அருகே உள்ள உழவர் சந்தை ஆகியவை, கொரோனா தொற்று பாதிப்பு காரணமாக, கடந்த மார்ச் மாதம் மூடப்பட்டது. இதை தொடர்ந்து, விழுப்புரம் நகராட்சிப் பள்ளி மைதானத்தில், உழவர் சந்தை காய்கறி கடைகளும், விழுப்புரம் பழைய பஸ் நிலையம், புதிய பஸ் நிலைய வளாகத்தில் காய்கறி கடைகளும் தற்காலிகமாக செயல்பட்டது.இந்நிலையில், விழுப்புரம் மாவட்டத்தில், கடந்த 1ம் தேதி முதல் பஸ் போக்குவரத்து துவங்கியது. இதனால், பஸ் நிலையத்தில் உள்ள காய்கறி கடைகளை காலி செய்யுமாறு, அதிகாரிகள் அறிவுறுத்தினர். மேலும், நகராட்சி பள்ளி மைதானத்தில், காய்கறி சில்லரை கடைகள் செயல்பட ஏற்பாடு செய்யப்பட்டது.இதே நேரத்தில் புதிய பஸ் நிலையத்தில் செயல்பட்ட மொத்த காய்கறி வியாபாரிகள், விழுப்புரம்-திருச்சி ரோட்டில், ஆவின் எதிர்புறத்தில் ஜானகிபுரம் பகுதியில், காய்கறி லாரி லோடுகளை இறக்கி வைக்குமாறு அறிவுறுத்தப்பட்டது.ஜானகிபுரத்தில் திறந்த வெளியாக உள்ள அந்த இடத்தில், மொத்த காய்கறிகளை இறக்குவதில் சிரமம் ஏற்படுவதாகவும், பாகர்ஷா வீதி அல்லது நகராட்சி பள்ளி மைதானத்தில் செயல்பட அனுமதிக்கக்கோரி மொத்த வியாபாரிகள், அதிகாரிகளிடம் கோரிக்கை வைத்தனர். ஆனால், அதிகாரிகள் அதற்கு செவி சாய்க்கவில்லை. இதனால், விழுப்புரம் நகர மொத்த காய்கறி வியாபாரிகள், மொத்த காய்கறி கொள்முதல் செய்வதை நேற்று முதல் தற்காலிகமாக நிறுத்தி வைத்துள்ளனர்.விழுப்புரம் நகரத்திற்கு மகாராஷ்டிரா, கர்நாடகா, ஆந்திரா உள்ளிட்ட மாநிலங்களில் இருந்து தினந்தோறும் 100 டன் காய்கறிகள் வருவது வழக்கம்.



இதேபோன்று, விழுப்புரம் சுற்றுப்புறங்களில் இருந்து 50 டன் அளவிற்கு விவசாயிகள் காய்கறிகளை விற்பனை செய்து வருகின்றனர்.தற்போது, காய்கறி கொள்முதல் நிறுத்தப்பட்டதால், விழுப்புரத்தில் காய்கறி விலை உயரும் அபாய நிலை ஏற்பட்டுள்ளது. அப்படி காய்கறி விலை உயர்ந்தால், கொரோனாவால் வருமானமின்றி தவித்து வரும் மக்களுக்கு பெரும் பாதிப்பு ஏற்படும்.எனவே, மொத்த காய்கறி மார்க்கெட் பிரச்னையில் மாவட்ட நிர்வாகம் தலையிட்டு, சுமூக தீர்வு காண நடவடிக்கை எடுக்க வேண்டும்.

 

Advertisement
மேலும் விழுப்புரம் மாவட்ட  செய்திகள் :
முக்கிய செய்திகள்
பொது
பிரச்னைகள்
சம்பவம்


வாசகர்களுக்கு ஓர் அன்பான வேண்டுகோள்.
1.செய்திகள் குறித்த கருத்துக்களைப் பதிவு செய்யும்போது, எவருடைய மனதையும் புண்படுத்தாத வகையில், நாகரிகமான முறையில் உங்கள் கருத்துகள் இருக்க வேண்டும் என்று எதிர்பார்க்கிறோம்.
வாசகர் கருத்து
முதல் நபராக கருத்து தெரிவியுங்கள்!
உங்கள் கருத்தைப் பதிவு செய்ய :
Login :
New to Dinamalar ?
வாசகர்கள் கருத்துப் பகுதியில் வெளியாகி இருக்கும் கருத்துக்கள், உரிய முறையில் தணிக்கை செய்யப்பட்டே வெளியி‌டப்படுகின்றன.
(Press Ctrl+g to toggle between English and Tamil)
அன்புள்ள வாசகர்களே!,
நீங்கள் கருத்துப் பதிவு செய்ய LOGIN செய்ததும், My Page என்ற பட்டனை கிளிக் செய்து. அதில் உங்கள் புகைப்படம், மெயில் முகவரி, ஊர், நாடு ஆகியவற்றைப் பதிவு செய்ய புதிய வசதி செய்யப்பட்டுள்ளது. ஏற்கனவே பதிவு செய்த புகைப்படத்தை நீக்கவும் வசதி உள்ளது. மேலும் இதுவரை நீங்கள் தெரிவித்த கருத்துக்களைத் தொகுப்பாக பார்த்துக் கொள்ளலாம். இந்த புதிய வசதியை வாசகர்கள் முழுமையாக பயன்படுத்திக் கொள்ள விரும்புகிறோம். உங்களுடைய புகைப்படத்தை மட்டுமே பதிவு செய்யவும்; வேறு எந்த புகைப்படத்தையும் பதிவு செய்ய வேண்டாம்.

We use cookies to understand how you use our site and to improve user experience. This includes personalising content and advertising. By continuing to use our site, you accept our use of cookies, revised Privacy Policy.

Learn more I agree X