| இலங்கை தாதா விஷம் கொடுத்து கொலை? உடற்கூறு ஆய்வில் புதுத்தகவல் Dinamalar
இலங்கை தாதா விஷம் கொடுத்து கொலை? உடற்கூறு ஆய்வில் புதுத்தகவல்
Advertisement
 

மாற்றம் செய்த நாள்

09 ஆக
2020
15:14
பதிவு செய்த நாள்
ஆக 09,2020 14:54

கோவை: இலங்கை தாதா அங்கொட லொக்கா உயிரிழப்பு தொடர்பான உடற்கூறு ஆய்வு அறிக்கை வெளியாகியுள்ளது. அதில், அவரது கை, கால்விரல் நகங்கள் நீல நிறத்தில் இருந்ததாக குறிப்பிடப்பட்டுள்ளது.



இலங்கை போதைப்பொருள் கடத்தல் கும்பலின் நிழல் உலக தாதா அங்கொட லொக்கா, பிரதீப் சிங் என்ற பெயரில், கோவையில் கடந்த 2018ம் ஆண்டு முதல் வசித்து வந்ததாகக் கூறப்படுகிறது. கோவை காளப்பட்டியில் தனது காதலியுடன் வசித்து வந்த அங்கொட லொக்கா, கடந்த ஜூலை 4ம் தேதி, உயிரிழந்த நிலையில் மதுரையில் உடல் தகனம் செய்யப்பட்டுள்ளது.
இந்நிலையில், கோவை காளப்பட்டி பகுதியில் அங்கொட லொக்காவுடன் வசித்து வந்த அமானி தான்ஜி என்ற இலங்கையைச் சேர்ந்த பெண், போலி ஆவணங்களை தயாரிக்க உதவிய, மதுரையைச் சேர்ந்த பெண் வழக்கறிஞர் சிவகாமி சுந்தரி மற்றும் திருப்பூரை சேர்ந்த அவரது நண்பர் தியானேஸ்வரன் ஆகியோரை கோவை மாநகர போலீசார் கைது செய்தனர்.



வழக்கு சி.பி.சி.ஐ.டி., வசம் ஒப்படைக்கப்பட்டது. சி.பி.சி.ஐ.டி., போலீசார் கோவை, திருப்பூர், மதுரை உள்ளிட்ட இடங்களில் ஆய்வு செய்து பல்வேறு ஆவணங்களை கைப்பற்றி உள்ளனர். கைது செய்யப்பட்ட மூவரையும் 5 நாள் காவலில் எடுத்து விசாரிக்க, சி.பி.சி.ஐ.டி., போலீசார் நேற்று நீதிமன்றத்தில் மனு தாக்கல் செய்துள்ளனர்.



இந்நிலையில், கோவை அரசு மருத்துவமனையில் அங்கொட லொக்காவின் பிரேதப் பரிசோதனை அறிக்கை வெளியாகியுள்ளது. அதில் அவரது கை, கால் விரல் நகங்கள் நீல நிறத்தில் இருந்ததாகக் குறிப்பிடப்பட்டுள்ளது. ஏற்கனவே, அங்கொட லொக்காவின் உடற்பாகங்கள் தடவியல் சோதனைக்காக சென்னை அனுப்பப்பட்டுள்ள நிலையில் அவர், விஷம் வைத்துக் கொல்லப்பட்டிருக்கலாம் என்ற கோணத்திலும் சி.பி.சி.ஐ.டி., போலீசார் விசாரணையை தீவிரப்படுத்தியுள்ளனர்.


இருப்பினும், ரசாயன அறிக்கை வெளியான பிறகே விஷம் வைத்துக் கொல்லப்பட்டாரா அல்லது இயற்கையான மரணமா என்பது தெரியவரும்.

 

Advertisement
மேலும் கோயம்புத்தூர் மாவட்ட  செய்திகள் :
முக்கிய செய்திகள்
பொது
பிரச்னைகள்
சம்பவம்


We use cookies to understand how you use our site and to improve user experience. This includes personalising content and advertising. By continuing to use our site, you accept our use of cookies, revised Privacy Policy.

Learn more I agree X