ரூ.40 லட்சத்தில் இயற்கை தோட்டம்
Advertisement
 
 
 
Advertisement
Advertisement
dinamalar-advertisement-tariff-2021
 
எழுத்தின் அளவு:

பதிவு செய்த நாள்

19 அக்
2020
23:51

சென்னை : செங்கல்பட்டு மாவட்டம், மாடம்பாக்கத்தில் உள்ள, சென்னை மாநகராட்சிக்கு சொந்தமான, 33.30 ஏக்கர் பரப்பளவு கொண்ட இடத்தில், இயற்கை தோட்டத்திற்கு மரக்கன்றுகள் நடப்பட்டுள்ளன.



சென்னையைச் சேர்ந்த ஆர்.எம்.அழகப்பா செட்டியார், 1946 மார்ச், 13ம் தேதி, தனக்கு சொந்தமான, 33.30 ஏக்கர் பரப்பளவு இடத்தை, சென்னை மாநகராட்சிக்கு தானமாக வழங்கினார். இதில், 3,000 சதுர அடி பரப்பளவில், 2016ல், தொழுநோய் மருத்துவமனை கட்டப்பட்டுள்ளது. மீதமுள்ள இடங்கள், அடிக்கடி ஆக்கிரமிக்கப்பட்டு வந்தன.



இதுகுறித்து, நம் நாளிதழ் அடிக்கடி சுட்டிகாட்டியதால், பெரிய அளவிலான ஆக்கிரமிப்புகள் தடுக்கப்பட்டன.இந்நிலையில், ஆக்கிரமிப்பு இடங்களை தவிர்த்து, மீதமுள்ள இடங்களை பாதுகாப்புடன் பராமரிக்கும் பொருட்டு, இயற்கை தோட்டம் அமைக்கப்பட உள்ளன.



இங்கு, பாரம்பரிய மர வகைகளான, மா, பலா, வாழை, கொய்யா, நெல்லி, எலுமிச்சை, மாதுளை, சீதா, நாவல், அத்தி, வில்வம், இலந்தை, கொடுக்காபுளி, பப்பாளி, முருங்கை, தென்னை, பனை உள்ளிட்ட, 10 ஆயிரம் மரங்கள் நடப்பட உள்ளன.இதற்காக, 40 லட்சம் ரூபாய் செலவிடப்பட உள்ளது. முதற்கட்டமாக, 500 பாரம்பரிய மர வகைகளை நட்டு, இயற்கை தோட்டம் அமைக்கும் பணியை, மாநகராட்சி கமிஷனர் பிரகாஷ் நேற்று துவக்கி வைத்தார்.



அப்போது, கமிஷனர் பிரகாஷ் கூறியதாவது:சென்னை, கோட்டூர்புரத்தில், மாநகராட்சிக்கு சொந்தமான, 23 ஆயிரத்து, 800 சதுர அடி பரப்பு கொண்ட நிலத்தில், 20 ஆயிரத்து, 724 சதுர அடியில், 20 லட்சம் ரூபாய் மதிப்பில், 40 வகையான, 2,000 மரக்கன்றுகள் நடப்பட்டு பராமரிக்கப்படுகிறது. மேலும், வளசரவாக்கம், ராயலா நகர், 2வது பிரதான சாலையில், 10 ஆயிரம் சதுர அடி நிலத்தில், 6,000 சதுர அடியில், 8.72 லட்சம் ரூபாய் மதிப்பில், 45 வகையான மரங்கள், 1 மீட்டர் இடைவெளி வீதம், 762 மரக்கன்றுகள் நடப்பட்டு, அடர்வனம் அமைக்கப்பட்டுள்ளது.



இதுபோன்ற நகர்புற காடுகளினால், நகர்ப்புற மக்களுக்கு, மாசு குறைக்கப்பட்டு, காற்றின் துாய்மையை மேம்படுத்தும். நகரங்களில் அழிந்துவரும் அரிய வகை பறவை இனங்கள் மற்றும் பூச்சி இனங்கள் விருத்தியடைக்கூடிய சூழ்நிலையும் உருவாகும்.இவ்வாறு, அவர் கூறினார்.நிகழ்ச்சியில், தெற்கு வட்டார துணை கமிஷனர் ஆல்பி ஜான் வர்கீஷ், மேற்பார்வை பொறியாளர் பாலசுப்பிரமணியம் உள்ளிட்டோர் பங்கேற்றனர்.

 

Advertisement
மேலும் சென்னை மாவட்ட  செய்திகள் :


வாசகர்களுக்கு ஓர் அன்பான வேண்டுகோள்.
1.செய்திகள் குறித்த கருத்துக்களைப் பதிவு செய்யும்போது, எவருடைய மனதையும் புண்படுத்தாத வகையில், நாகரிகமான முறையில் உங்கள் கருத்துகள் இருக்க வேண்டும் என்று எதிர்பார்க்கிறோம்.
வாசகர் கருத்து
முதல் நபராக கருத்து தெரிவியுங்கள்!
உங்கள் கருத்தைப் பதிவு செய்ய :
Login :
New to Dinamalar ?
வாசகர்கள் கருத்துப் பகுதியில் வெளியாகி இருக்கும் கருத்துக்கள், உரிய முறையில் தணிக்கை செய்யப்பட்டே வெளியி‌டப்படுகின்றன.
(Press Ctrl+g   to toggle between English and Tamil)
அன்புள்ள வாசகர்களே!,
நீங்கள் கருத்துப் பதிவு செய்ய LOGIN செய்ததும், My Page என்ற பட்டனை கிளிக் செய்து. அதில் உங்கள் புகைப்படம், மெயில் முகவரி, ஊர், நாடு ஆகியவற்றைப் பதிவு செய்ய புதிய வசதி செய்யப்பட்டுள்ளது. ஏற்கனவே பதிவு செய்த புகைப்படத்தை நீக்கவும் வசதி உள்ளது. மேலும் இதுவரை நீங்கள் தெரிவித்த கருத்துக்களைத் தொகுப்பாக பார்த்துக் கொள்ளலாம். இந்த புதிய வசதியை வாசகர்கள் முழுமையாக பயன்படுத்திக் கொள்ள விரும்புகிறோம். உங்களுடைய புகைப்படத்தை மட்டுமே பதிவு செய்யவும்; வேறு எந்த புகைப்படத்தையும் பதிவு செய்ய வேண்டாம்.

We use cookies to understand how you use our site and to improve user experience. This includes personalising content and advertising. By continuing to use our site, you accept our use of cookies, revised Privacy Policy.

Learn more I agree X