பதிவு செய்த நாள்
22 அக்2020
23:28
அன்னூர்:கோவை வழித்தடத்தில், அதிக கட்டணம் வசூலிக்கும் சொகுசு பஸ்கள் அதிகரிப்பால், அன்னூர் மக்கள் அவதிப்படுகின்றனர்.அன்னூரில் இருந்து, கோவில்பாளையம், சரவணம்பட்டி, வழியாக, காந்திபுரத்திற்கு, 45, 45b, 45c, 45d, 45e என, 20 டவுன் பஸ்கள் இயங்குகின்றன. இதில் தற்போது, சொகுசு டவுன்பஸ்களே அதிகமாக இயக்கப்படுவதாக, அன்னூர் மக்கள் புகார் தெரிவிக்கின்றனர்.
அன்னூர் மக்கள் கூறுகையில், 'சொகுசு டவுன் பஸ்களில், குறைந்த பட்ச கட்டணமாக, 11 ரூபாய் வசூலிக்கப்படுகிறது. அன்னூரில் இருந்து, கோவைக்கு, 35 ரூபாய் வாங்குகின்றனர். சில இடங்களில் மட்டும் நிற்கும் மப்சல் பஸ்ஸில், கோவைக்கு, 19 ரூபாயும், சாதாரண டவுன் பஸ்களில், 16 ரூபாயும் வசூலிக்கின்றனர். ஆனால் கூடுதலாக எந்த வசதியும் இல்லாத சொகுசு பஸ்களில், இரண்டு மடங்கு கட்டணம் வசூலிக்கப்படுகிறது.'கொரோனாவால், வருமானம் குறைந்துள்ள நிலையில், அதிக கட்டணம் வசூலிக்கும் சொகுசு பஸ்களுக்கு பதில், சாதாரண டவுன் பஸ்களை கூடுதலாக இயக்க வேண்டும்.
சாதாரண டவுன் பஸ்ஸில் குறைந்த பட்ச கட்டணமாக, 5 ரூபாய் இருக்கிறது. சாதாரண டவுன் பஸ்ஸில் செல்ல, அதிக நேரம் காத்திருக்க வேண்டி உள்ளது' என்றனர்.சி.டி.சி., கிளை மேலாளர் முத்துசாமி கூறுகையில் ''கோவைக்கு, ஏழு சாதாரண டவுன் பஸ்கள் இயக்கப்படுகின்றன. கிராமங்களுக்கு, 14, 25, ஏ.ஆர்3, என பல சாதாரண டவுன் பஸ்கள் இயக்கப்படுகின்றன. பயணிகள் கூட்டம் அதிகரித்தால், கூடுதலாக பஸ்கள் இயக்கப்படும்,'' என்றார்.
- 1. போலீஸ் - பொதுமக்கள் விளையாட்டு போட்டி
- 2. நகராட்சி சார்பில் மின்மயானம்?
- 3. முதல்வர் வருகை அதிகாரிகள் ஆய்வு
- 4. பாத்து ரொம்ப நாள் ஆச்சு... எப்படி இருக்க...! நலம் விசாரித்த மாணவ, மாணவியர்
- 5. 'பிளக்ஸ்' போர்டு ஆக்கிரமிப்பு: காணாமல் போன காந்தி சிலை
- 1. தூர்வாராத பனப்பட்டி தடுப்பணை: கூடுதல் நீர் தேங்குவதில் சிக்கல்
- 2. தேயிலை செடிகளில் நோய் தாக்குதல் : உற்பத்தி பாதிப்பால் கவலை
- 3. பலி வாங்க காத்திருக்கு... நடுரோட்டில் ஒரு குழி! சுக்கிரவார்பேட்டை கோவில் வீதியில் மக்கள் பீதி
Copyright © 2021 Dinamalar - No.1 Tamil website in the world. Designed and Hosted by Web Division,Dinamalar. | Contact us