ஆவின் அதிகாரிகள் அஜாக்கிரதையால் மக்கள் அச்சம்! துர்நாற்றத்துடன் விற்பதா என கொந்தளிப்பு
Advertisement
 
 
 
Advertisement
Advertisement
dinamalar-advertisement-tariff-2018
 
எழுத்தின் அளவு:

பதிவு செய்த நாள்

20 நவ
2020
06:01

மதுரை : மதுரை ஆவின் அதிகாரிகள் அஜாக்கிரதையால் பாலில் ஏற்படும் துர்நாற்றம் புகாரால் மக்கள் அச்சத்தில் உள்ளனர். பலர் தனியார் பாலுக்கு மாறும் மனநிலைக்கு வந்துள்ளனர்.



ஆவினில் ஓராண்டாக பால் துர்நாற்றம் பிரச்னை அடிக்கடி தலைதுாக்குகிறது. நிரந்தர தீர்வு காண்பதில் அதிகாரிகள் தொடர்ந்து 'கோட்டை' விடுகின்றனர். இதற்கு காரணம், பால் பதப்படுத்தும் யூனிட் பகுதிக்குள் அதிகாரிகள் அடிக்கடி ஆய்வுக்கு செல்வதில்லை. தவிர லேப், தரக்கட்டுப்பாடு, பைப் லைன், சைலோ (பால் கலன்கள்) பராமரிப்பு உள்ளிட்ட பிரிவுகளில் பால் தொழில் நுட்பம் தெரிந்த நிரந்தர ஊழியர்கள் இல்லை.



பத்து மாதங்களாக மஸ்துார் பிரிவு முதல் மேலாளர் வரை 250க்கும் மேல் தற்காலிக ஊழியர்கள் நியமிக்கப்பட்டுள்ளனர். விஷயம் தெரியாத ஊழியர்கள் மற்றும் பராமரிப்பு இல்லாததால் பால் பதப்படுத்துதலில் அடிக்கடி பிரச்னை எழுகிறது. அதிகாரிகளின் அஜாக்கிரதை மக்களையும் பாதிக்கிறது.


அவர்கள் கூறியதாவது:



கூடுதல் கவனம் தேவை:


ஆறுமுகம், கார் டிரைவர், மேலமடை: 15 ஆண்டுகளாக ஆவின் பால் வாங்குகிறேன். தற்போது தான் துர்நாற்றம் பிரச்னை ஏற்படுகிறது. காய்ச்சும் போது கெட்ட நாற்றம் வருகிறது. முகவர்களிடம் தொடர்ந்து கூறுகிறோம். மாற்றம் என்ற பெயரில் மக்கள் அதிகம் விரும்பி வாங்கும் பாக்கெட்டுகளை நிறுத்தி விட்டனர். பால் என்பது மக்கள் உடல் நலம் சார்ந்த பிரச்னை. ஆவின் அதிகாரிகள் கூடுதல் கவனம் செலுத்த வேண்டும்.



இமேஜ் குறைகிறது:


சாராள் ரூபி, எஸ்.எஸ்.காலனி: அவ்வப்போது ஆவின் பாக்கெட் பாலை காய்ச்சும்போது திரிந்து விடுகிறது. குழந்தைகள் வாந்தி எடுத்து விடுகின்றனர். தரமற்ற பாலை ஏன் வாங்க வேண்டும் என்ற மனநிலை ஏற்படுகிறது. பசும்பாலுக்கு இணையாக இருந்த ஆவின் பால் இமேஜ் தற்போது குறைகிறது. எதனால் என தெரியவில்லை. அதிகாரிகள் கவனம் செலுத்தி இப்பிரச்னையை நிரந்தரமாக முடிவுக்கு கொண்டுவர வேண்டும்.



நஷ்டத்தில் ஆவின்:


கணேசன், ஓய்வு பெற்ற ஆவின் ஊழியர், மானகிரி: 35 ஆண்டுகள் பணியாற்றினேன். இதுவரை இருந்த பொது மேலாளர்கள், நிர்வாகத்திற்கு கொடுக்கும் முக்கியத்துவம் யூனிட் ஆய்விலும் காட்டினர். தற்போது யூனிட்டிற்குள் அதிகாரிகள் செல்வது அரிதாகி விட்டது. விஷயம் தெரிந்த அதிகாரிகளை மாற்றி விட்டு தற்காலிக ஊழியர்களை யூனிட்டில் வேலை செய்ய சொல்கின்றனர். பல ஆண்டுகளுக்கு பின் பல கோடி டெபாசிட் எடுக்கப்பட்டு மதுரை நஷ்டத்திற்கு சென்றுவிட்டது மன வேதனையாக உள்ளது. இவ்வாறு கூறினர்.



இப்பிரச்னை குறித்து ஆவின் பொது மேலாளர் ஜனனி சவுந்தர்யாவிடம் கருத்து கேட்க பல முறை முயன்றும் அலைபேசியை அவர் எடுக்கவில்லை.



36 ஆயிரம் லிட்., பால் வீணடிக்கப்பட்டதா:


இரண்டு நாட்களுக்கு முன் ஏற்பட்ட பார் துர்நாற்றம் பிரச்னையால் பதப்படுத்தி சைலோக்களில் பால் கலன்கள் வைக்கப்பட்ட 36 ஆயிரம் லிட்., பாலை ஆவின் நிர்வாக இயக்குனர் வள்ளலார் உத்தரவுபடி ஈரோடு ஆவின் தரக்கட்டுப்பாட்டு குழு ஆய்வு செய்தது. அந்த பால் பயன்படுத்த தகுந்தது அல்ல என அக்குழு தெரிவித்தது. இதனால் அவை பயன்படுத்தப்படவில்லை. பதப்படுத்தப்பட்ட பால் ஒரு லிட்., விலை ரூ.45 என்பது குறிப்பிடத்தக்கது.

 

Advertisement
மேலும் மதுரை மாவட்ட  செய்திகள் :


வாசகர்களுக்கு ஓர் அன்பான வேண்டுகோள்.
1.செய்திகள் குறித்த கருத்துக்களைப் பதிவு செய்யும்போது, எவருடைய மனதையும் புண்படுத்தாத வகையில், நாகரிகமான முறையில் உங்கள் கருத்துகள் இருக்க வேண்டும் என்று எதிர்பார்க்கிறோம்.
வாசகர் கருத்து (3)
  • புதியவை
  • பழையவை
  • அதிகம் விவாதிக்கப்பட்டவை
  • மிக மிக தரமானவை
  • மிக தரமானவை
  • தரமானவை
Lion Drsekar - Chennai ,இந்தியா
21-நவ-202013:12:51 IST Report Abuse
Lion Drsekar எங்கெங்கோ தரத்தை சோதனை செய்யும் அதிகாரிகள் மன்னிக்கவும் அரசு தயாரிக்கும் குறிப்பாக உணவு தொடர்புடைய பால், சாராயம், குடிநீர் எல்லாவற்றையும் சோதித்தால் பல .... வெளிவரும், வந்தே மாதரம்
Rate this:
Cancel
KayD -  ( Posted via: Dinamalar Android App )
20-நவ-202013:08:40 IST Report Abuse
KayD ரெண்டு வாரம் முன்னாடி தினமலர் செய்தி 10 - 30 லட்சம் வரை ஆவின் la வேலைக்கு சேர broker கேட்கும் தொகை. 30 லட்சம் கொடுத்து வேலை vaanginavan இலட்சணம் இது. ஆவின் பால் உங்களுக்கு கடைசி பால் ஆகும் முன் முன் எச்சரிக்கை aa irunga.. தயவு செய்து இதில் காம்ப்ரமைஸ் panni பின்னால் varutha படவேண்டாம்
Rate this:
Cancel
mohan - chennai,இந்தியா
20-நவ-202009:19:44 IST Report Abuse
mohan மூடிவிடுங்களேன்...
Rate this:
Cancel

உங்கள் கருத்தைப் பதிவு செய்ய :
Login :
New to Dinamalar ?
வாசகர்கள் கருத்துப் பகுதியில் வெளியாகி இருக்கும் கருத்துக்கள், உரிய முறையில் தணிக்கை செய்யப்பட்டே வெளியி‌டப்படுகின்றன.
(Press Ctrl+g   to toggle between English and Tamil)
அன்புள்ள வாசகர்களே!,
நீங்கள் கருத்துப் பதிவு செய்ய LOGIN செய்ததும், My Page என்ற பட்டனை கிளிக் செய்து. அதில் உங்கள் புகைப்படம், மெயில் முகவரி, ஊர், நாடு ஆகியவற்றைப் பதிவு செய்ய புதிய வசதி செய்யப்பட்டுள்ளது. ஏற்கனவே பதிவு செய்த புகைப்படத்தை நீக்கவும் வசதி உள்ளது. மேலும் இதுவரை நீங்கள் தெரிவித்த கருத்துக்களைத் தொகுப்பாக பார்த்துக் கொள்ளலாம். இந்த புதிய வசதியை வாசகர்கள் முழுமையாக பயன்படுத்திக் கொள்ள விரும்புகிறோம். உங்களுடைய புகைப்படத்தை மட்டுமே பதிவு செய்யவும்; வேறு எந்த புகைப்படத்தையும் பதிவு செய்ய வேண்டாம்.

We use cookies to understand how you use our site and to improve user experience. This includes personalising content and advertising. By continuing to use our site, you accept our use of cookies, revised Privacy Policy.

Learn more I agree X