Dinamalar

பதிவு செய்த நாள்

-அ.தி.மு.க., பொறுப்பாளர்கள் பட்டியல் தயாரிப்பதில், செம்பாக்கம் நகர பிரதிநிதிகள் இடையே, மாவட்ட செயலர் வீட்டில் பிரச்னை ஏற்பட்டு, குழாயடி சண்டை போல், வாக்குவாதம் நடந்தது.சென்னை, தாம்பரம் அடுத்த செம்பாக்கம் நகர அ.தி.மு.க.,வில், 10 ஆண்டுகளுக்கும் மேல், கட்சியினரிடையே கோஷ்டி மோதல் இருந்து வருகிறது.இந்நிலையில், அடுத்தாண்டு நடக்க உள்ள சட்டசபை தேர்தலுக்காக, அ.தி.மு.க., செங்கல்பட்டு மேற்கு மாவட்டத்திற்கு உட்பட்ட செம்பாக்கம் நகராட்சியில், நகரச் செயலர் விஜயராகவன் பூத் கமிட்டி பொறுப்பாளர்கள் பட்டியலை தயாரித்தார்.செம்பாக்கம் நகராட்சியின் முன்னாள் தலைவர் சாந்தகுமாரும், தன் பங்கிற்கு, பொறுப்பாளர்கள் பட்டியலை தயாரித்தார். இது, இரு தரப்பினருக்கும் இடையே, சலசலப்பை ஏற்படுத்தியது.இந்த விவகாரம், சில தினங்களுக்கு முன், மாவட்ட செயலர் சிட்லபாக்கம் ராஜேந்திரனிடம் சென்றபோது, இருதரப்பிற்கும் இடையே, பகிரங்க மோதல் வெடித்தது.குழாயடி சண்டை போல் நடந்த வாக்குவாதத்தில், 'விஜயராகவனை மாற்றுங்கள்' என, சாந்தகுமாரும், 'சாந்தகுமாரை அடக்கி வையுங்கள்' என, விஜயராகவனும், மாறி மாறி கூறியதால், மாவட்ட செயலர் ராஜேந்திரன், செய்வதறியாது திகைத்து நின்றார்.அரை மணிநேரத்திற்கு மேல், வாக்குவாதம் நீடித்த நிலையில், தலைமையிடம் பேசி, முடிவெடுப்பதாக கூறி, இரு தரப்பையும் சமாதானம் செய்து, அவர் அனுப்பி வைத்தார்

- நமது நிருபர்-

.

• 1.தொடரும் கிருஷ்ணா நீர்வரத்து; சேமிக்கத்தான் வசதியில்லை!

• 1. காவல் நிலையத்திற்கு புதிய கட்டடம்
• 2. உடனடியாக விற்பனை பத்திரத்தை பதிவு செய்து கொடுக்க ரியல் எஸ்டேட் ஆணையம் உத்தரவு
• 3. மாணவருக்கு குரல் வள போட்டி
• 4. சென்னையில் பனிமூட்டம்
• 5. கன்னிமராவில் நிரந்தர புத்தகக்காட்சி

• 1. 4 கிராம் நகை பறிகொடுத்தவர் 40 சவரன் பறிகொடுத்ததாக பொய் புகார்
• 2. ரயிலில் பாய்ந்து தற்கொலை
• 3. சிறுமிக்கு வாலிபர் தொல்லை
• 4. மாமனாரை குத்தி கொன்ற 'பாசக்கார' மருமகன் கைது
• 5. பூட்டை உடைத்து திருட்டு