Dinamalar

பதிவு செய்த நாள்

பேரூர் : வனத்துறையில் மனித - வனவிலங்கு மோதலை தவிர்க்க, மூன்று சிறப்பு இரவு ரோந்து குழுக்கள் அமைக்கப்பட்டுள்ளன.

கோவை வனக்கோட்டம் போளுவாம்பட்டி வனச்சரக கிராமங்களில், சில நாட்களுக்கு முன், இரண்டு மூதாட்டிகள் யானை தாக்கி பலியாகினர்.அதையடுத்து, ஊருக்குள் புகும் யானைகளை கண்காணித்து விரைந்து செயல்பட, ஆல்பா, பீட்டா, காமா என்ற, மூன்று சிறப்பு இரவு ரோந்து குழுக்கள் அமைக்கப்பட்டுள்ளன.முதல் குழுவான 'ஆல்பா'வில், மூன்று பிரிவுகள் உருவாக்கப் பட்டுள்ளன. முதல் பிரிவு, மதுக்கரை - முள்ளாங்காடு வரையும், இரண்டாம் பிரிவு, முள்ளாங்காடு - நரசீபுரம் வரையும், மூன்றாம் பிரிவு, நரசீபுரம் - கெம்பனுார் வரையும் கண்காணிக்கும்.

இரண்டாம் குழுவான 'பீட்டா'வின் முதல் பிரிவு, கெம்பனுார் - சி.ஆர்.பி.எப்., வரையும், இரண்டாம் பிரிவு, சி.ஆர்.பி.எப்., - பாலமலை வரையும், மூன்றாம் பிரிவு, பாலமலை - தோலம்பாளையம் வரையும் கண்காணிக்கும்.மூன்றாம் குழுவான 'காமா'வின் முதல் பிரிவு, தோலம்பாளையம் - கண்டியூர், இரண்டாம் பிரிவு, கண்டியூர் - ஓடந்துறை, மூன்றாம் பிரிவு, ஓடந்துறை - புதுக்காடு வரை கண்காணிக்கும்.ஒவ்வொரு குழுவும், மாலை நான்கு மணியிலிருந்து, மறுநாள் காலை ஏழு மணி வரை, ரோந்து பணியை மேற்கொள்ளவுள்ளது.

இக்குழுக்கள், வனச்சரகர்கள் பழனிராஜா, சரவணன், ஆனந்தகுமார் மேற்பார்வையில் இயங்கும். ஒரு சரகத்தில் இருந்த யானை விரட்டும் காவலர்கள், தற்போது மத்திய படையாக அறிவிக்கப்பட்டுள்ளனர். இவர்கள், எந்த சரகத்தில் யானைகள் நடமாட்டம் அதிகம் உள்ளதோ, அங்கு அனுப்பப்பட உள்ளனர்.இதர பணிகளில் இருந்து விடுவிக்கப்பட்டுள்ளனர். இதன் வாயிலாக, அவர்களுக்கு சுழற்சி முறையில் ஓய்வு கிடைக்கும். இக்குழுக்களுக்கு, தனி வாகனங்கள் ஒதுக்கப்பட்டுள்ளதுடன், பிற அடிப்படை கட்டமைப்பு வசதிகளும் செய்யப்பட உள்ளன.

• 1.கோவையில் சட்டசபை தேர்தல் பணி வேகம்!இயந்திரங்கள் அனுப்பும் பணி துரிதம்

• 1. போர் வெற்றியின் பொன்விழா ஆண்டு; கோவை வந்த ஜோதிக்கு கோலாகல வரவேற்பு
• 2. ஈஷா மஹா சிவராத்திரி விழா: ஆன்லைனில் பார்க்க ஏற்பாடு
• 3. சிறுதானியம் விற்பனை செய்ய 'ஸ்டார்ட் அப்'
• 4. கோவில்களை பக்தர்களிடம் ஒப்படைக்கும் திட்டம் தேர்தல் அறிக்கையில் சேர்க்க சத்குரு கடிதம்
• 5. பணம் பட்டுவாடா கண்காணிக்க ஜி.எஸ்.டி., பறக்கும் படை

• 1. நிதித்துறை ஒப்புதல் கிடைக்குமா: அரசு பள்ளி ஆசிரியர்கள் தவிப்பு

• 1. கோவையில் 59 பேர் 'டிஸ்சார்ஜ்'
• 2. வழிப்பறி ஆசாமிகள் சிறையில் அடைப்பு
• 3. ஜன்னல் வழியே புகுந்து திருட்டு
• 4. மரம் வெட்டியவருக்கு தண்டனை
• 5. ஆட்டோ எரிப்பு: போலீஸ் விசாரணை